ಕೊರೊನಾ ಬಂದ ಮೇಲೆ ಮಾಸ್ಕ್ಗೆ ಎಲ್ಲಿಲ್ಲದ ಬೇಡಿಕೆ ಬಂದಿದೆ. ಹತ್ತು ರೂಪಾಯಿಂದ ಹಿಡಿದು ಸಾವಿರ ರೂಪಾಯಿವರೆಗಿನ ಮಾಸ್ಕ್ಗಳು ಮಾರುಕಟ್ಟೆಯಲ್ಲಿ ಸಿಗುತ್ತಿವೆ. ಇದಿಷ್ಟೆ ಅಲ್ಲದೆ ಜನರು ಮನೆಯಲ್ಲಿಯೆ ಬಟ್ಟೆಯಿಂದ ಮಾಸ್ಕ್ ತಯಾರಿಸಿ ಉಪಯೋಗ ಮಾಡ್ತಿದಾರೆ. ಇದರ ನಡುವೆ ಇಂಜಿನಿಯರ್ ಪದವಿಧರನೊಬ್ಬ ನಿರುಪಯುಕ್ತ ಪ್ಲಾಸ್ಟಿಕ್ ಬಳಸಿ ಮಾಸ್ಕ್ ತಯಾರಿಸಿದ್ದಾನೆ. ಕೊರೊನಾ ಹಾವಳಿಯಿಂದ ಸರ್ಕಾರ ಸಾರ್ವಜನಿಕ ಸ್ಥಳಗಳಲ್ಲಿ ಮಾಸ್ಕ್ ಕಡ್ಡಾಯ ಎಂಬ ಆದೇಶ ಹೊರಡಿಸಿತ್ತು. ಅದರಂತೆ ಸಾರ್ವಜನಿಕರು ಸಹ ತಮಗೆ ಅನುಕೂಲ ಹಾಗೂ ತಮ್ಮ ಆರ್ಥಿಕತೆ ನೋಡಿಕೊಂಡು ಮಾಸ್ಕ್ ಕೊಂಡುಕೊಳ್ಳುತ್ತಿದ್ದಾರೆ. ಇನ್ನು ಮನೆಯಲ್ಲೆ ನಿರುಪಯುಕ್ತ ವಸ್ತುಗಳನ್ನು ಬಳಸಿ ಸಾಮಾನ್ಯ ಸ್ಮಾರ್ಟ್ ಮಾಸ್ಕ್ ತಯಾರಿಸಬಹುದು ಎಂಬುದನ್ನು ನವನಗರದ ಇಂಜಿನಿಯರಿAಗ್ ಪದವೀಧರ ಶ್ರೀನಿವಾಸ್ ಪರಡ್ಡಿ ತೋರಿಸಿಕೊಟ್ಟಿದ್ದಾನೆ. ಸಾಮಾನ್ಯವಾಗಿ ಮಾಸ್ಕ್ ಧರಿಸಿದಾಗ ಉಂಟಾಗುವ ಸಂವಹನ ಕೊರತೆ ನೀಗಿಸುವ ಕಾರಣಕ್ಕೆ ಶ್ರೀನಿವಾಸ್ ಈ ಮಾಸ್ಕ್ಗೆ ಸ್ಪೀಕರ್ ಹಾಗೂ ಮೈಕ್ ವ್ಯವಸ್ಥೆ ಮಾಡಿದ್ದಾರೆ. ಸೋಂಕು ತಗಲದಂತೆ ಸುರಕ್ಷತಾ ಕ್ರಮಗಳ ಜತೆಗೆ ಅಗತ್ಯ ಪರಿಕರಗಳ ಜೋಡಣೆ ಮಾಡಲಾಗಿದೆ. ಇದರ ವಿಶೇಷತೆ ಎಂದರೆ ಸ್ಮಾರ್ಟ್ ಮಾಸ್ಕ್ ತಯಾರಿಕೆಗೆ ಸ್ಪೀಕರ್, ಮೈಕ್, ಉಸಿರಾಟ, ಸಂವಹನ, ಫಿಲ್ಟರ್ ಕಾರ್ಯಗಳು ಮಾಡುವುದರ ಜೊತೆಗೆ ಎಲ್ಲ ರೀತಿಯಿಂದಲು ಸುರಕ್ಷಿತವಾಗಿ ಕಾಪಾಡಲಿದೆ. ಶಾಶ್ವತ್ ಮಾಸ್ಕ್ ಇದಾಗಿದ್ದು, ಎಲ್ಲರಿಗೂ ಅನುಕೂಲವಾಗಿದೆ.
ವಿಶೇಷ ಮಾಸ್ಕ್ ತಯಾರಿಕೆ ಮಾಸ್ಕ್ನಲ್ಲಿ ಸ್ಪೀಕರ್ ಮೈಕೂ ಇದೆ
Please follow and like us: