ರಾಷ್ಟ್ರೀಯ ಹೆದ್ದಾರಿಗಳ ನಿರ್ಮಾಣದ ವೇಳೆ, ಮರುಬಳಕೆ ಮಾಡಲಾಗದ ಪ್ಲಾಸ್ಟಿಕ್ ಅನ್ನು ಬಳಸಲಾಗುತ್ತಿದೆ. ಈವರೆಗೆ ೧ ಲಕ್ಷ ಕಿ.ಮೀ.ವರೆಗಿನ ರಸ್ತೆ ನಿರ್ಮಾಣದಲ್ಲಿ ಇಂಥ ಪ್ಲಾಸ್ಟಿಕ್ ಅನ್ನೇ ಬಳಸಲಾಗಿದೆ. ಈ ವರ್ಷ ೨ ಲಕ್ಷ ಕಿ.ಮೀ. ವರೆಗಿನ ರಸ್ತೆಯನ್ನು ಇಂಥ ಪ್ಲಾಸ್ಟಿಕ್‌ನಿಂದಲೇ ನಿರ್ಮಿಸುವ ಇರಾದೆಯನ್ನು ವಿವಿಧ ರಾಜ್ಯ ಸರ್ಕಾರÀಗಳು ಹೊಂದಿದೆ. ಇಂಥ ರಸ್ತೆಗಳ ಪ್ರತಿ ಒಂದು ಕಿ.ಮೀ. ನಿರ್ಮಾಣಕ್ಕೆ ೯ ಟನ್‌ನಷ್ಟು ಡಾಂಬರ್ ಹಾಗೂ ೧ ಟನ್‌ನಷ್ಟು ಪ್ಲಾಸ್ಟಿಕ್ ತ್ಯಾಜ್ಯ ಬೇಕಾಗುತ್ತದೆ. ಹೀಗಾಗಿ, ಸಾಮಾನ್ಯವಾಗಿ ೧ ಕಿ.ಮೀ. ರಸ್ತೆ ನಿರ್ಮಾಣಕ್ಕೆ ಬೇಕಾಗುವ ೧೦ ಟನ್ ಡಾಂಬರಿನಲ್ಲಿ ೧ ಟನ್‌ನಷ್ಟು ಡಾಂಬರ್ ಉಳಿತಾಯವಾಗುತ್ತದೆ. ೧ ಟನ್ ಡಾಂಬರಿಗೆ ೩೦ ಸಾವಿರ ಇದ್ದು, ಪ್ಲಾಸ್ಟಿಕ್ ಬಳಸುವುದರಿಂದ ಆ ಹಣ ಉಳಿತಾಯವಾಗುತ್ತದೆ. ಇಂಥ ಹೊಸ ಮಾದರಿಯ ರಸ್ತೆಗಳಲ್ಲಿ ಶೇ. ೬ರಿಂದ ೮ರಷ್ಟು ಪ್ಲಾಸ್ಟಿಕ್, ಶೇ. ೯೨-೯೪ರಷ್ಟು ಡಾಂಬರ್ ಇರುತ್ತದೆ.
Please follow and like us:
