ಐಷಾರಾಮಿ ಕಾರು ತಯಾರಕ ಬಿಎಂಡಬ್ಲ್ಯು ಈ ವರ್ಷದ ಕ್ಯಾನೆಸ್ ಚಲನಚಿತ್ರೋತ್ಸವದ ಅಧಿಕೃತ ಪ್ರಾಯೋಜಕತ್ವವನ್ನು ಹೊಂದಿದೆ, ಇದೇ ವೇಳೆ ತನ್ನ ಹೊಸ ಉತ್ಪನ್ನವಾದ ಬಿಎಂಡಬ್ಲ್ಯು ಐ7 ಎಲೆಕ್ಟ್ರಿಕ್ ಕಾರ್ ಅನ್ನು ಶೋಕೇಸ್ ಮಾಡಿದೆ.
ಸಿನಿ ಹಬ್ಬಕ್ಕೆ ಆಗಮಿಸುವ ಅಂತರಾಷ್ಟ್ರೀಯ ಅತಿಥಿಗಳು, ವಿಐಪಿಗಳು, ಸಿಇಒಗಳು ತನ್ನ ಪ್ರೀಮಿಯಂ ಎಲೆಕ್ಟ್ರಿಕ್ ವಾಹನಗಳ ಶ್ರೇಣಿಯನ್ನು ಹತ್ತಿರದಿಂದ ನೋಡುವ ಅವಕಾಶವನ್ನು ನೀಡುತ್ತಿದೆ.
ಜತೆಗೆ ಎಲೆಕ್ಟ್ರಿಕ್ ವಾಹನಗಳನ್ನು ಉತ್ತೇಜಿಸಲು ಬಿಎಂಡಬ್ಲ್ಯು 163 ಎಲೆಕ್ಟ್ರಿಕ್ ಮತ್ತು ಹೈಬ್ರಿಡ್ ಕಾರುಗಳನ್ನು ಸಹ ಪ್ರದರ್ಶಿಸಿದೆ. ವಿಶೇಷವೆಂದರೆ ಬಿಎಂಡಬ್ಲ್ಯು ಐ7 ತನ್ನ ಜಾಗತಿಕವಾಗಿ ಮೊದಲ ಬಾರಿಗೆ ರಸ್ತೆ ಮೇಲೆ ಕಾಣಿಸಿಕೊಂಡಿದೆ.
ಫ್ರಾನ್ಸ್‌ನಲ್ಲಿ ಪ್ರತಿಷ್ಠಿತ 75 ನೇ ಕ್ಯಾನೆಸ್ ಚಲನಚಿತ್ರೋತ್ಸವವು ಮೇ 17ರಿಂದ ಆರಂಭವಾಗಿದ್ದು ಮೇ 28 ರವರೆಗೆ ನಡೆಯಲಿದೆ.
ಈ ಐಷಾರಾಮಿ ಎಲೆಕ್ಟ್ರಿಕ್ ಕಾರನ್ನು ವಿಐಪಿಗಳು, ಪ್ರತಿನಿಧಿಗಳು ಮತ್ತು ಕಾರ್ಯಕ್ರಮದ ಅಧಿಕಾರಿಗಳ ಓಡಾಟಕ್ಕೆ ಸಹ ಬಳಸಲಾಗುತ್ತಿದೆ. ಜರ್ಮನ್ ಕಾರು ತಯಾರಕ ತನ್ನ ಎಲೆಕ್ಟ್ರಿಕ್ ವಾಹನಗಳನ್ನು ಈ ರೀತಿ ಉತ್ತೇಜಿಸುವ ಗುರಿ ಹೊಂದಿದೆ.
ಇದು ಏಪ್ರಿಲ್ 20 ರಂದು ಅದರ ಜಾಗತಿಕ ಪ್ರಥಮ ಪ್ರದರ್ಶನದ ನಂತರ ಮೊದಲ ಬಾರಿಗೆ ರಸ್ತೆಯ ಮೇಲೆ ನೋಡಬಹುದಾಗಿದೆ.
ಒಂದೇ ಚಾರ್ಜ್‌ನಲ್ಲಿ 625 ಕಿಮೀ ಪ್ರಯಾಣಿಸಬಹುದು. ಥಿಯೇಟರ್ ಸ್ಕ್ರೀನ್, 31.3 ಇಂಚಿನ ಪಾನೋರಮಿಕ್ ಒಎಲ್‌ಇಡಿ ಟಚ್‌ ಸ್ಕ್ರೀನ್, 32:9 ಫಾರ್ಮ್ಯಾಟ್ ಮತ್ತು 8ಕೆ ರೆಸಲ್ಯೂಶನ್ ಹೊಂದಿರುವ ಒಳಾಂಗಣಗಳು ಪ್ರಮುಖ ಆಕರ್ಷಣೆಯಾಗಿದೆ. ಕಾರಿನ ಎರಡನೇ ಸಾಲಿನಲ್ಲಿ ವಿಶೇಷ ಸಿನಿಮಾ ಲಾಂಜ್ ಇರಲಿದೆ.
ಇತ್ತೀಚಿನ ಸುದ್ದಿಗಳಿಗಾಗಿ ಈಗಲೇ ಡೌನ್‌ ಲೋಡ್‌ ಮಾಡಿ:
https://plಇay.google.com/store/apps/details?id=com.speed.newskannada
