ರಮೇಶ್ ಜಾರಕಿಹೊಳಿ ಸಿಡಿ ಪ್ರಕರಣ ದಿನಕ್ಕೊಂದು ತಿರುವು ಪಡೆದುಕೊಳ್ಳುತ್ತಿದೆ. ಪ್ರಕರಣದಲ್ಲಿ ಜಾರಕಿಹೊಳಿ ದೂರು ಕೊಟ್ಟ ಬೆನ್ನಲ್ಲೆ ವಿಡಿಯೋದಲ್ಲಿ ಕಾಣಿಸಿಕೊಂಡಿದ್ದ ಸಿಡಿ ಲೇಡಿ ಇದೀಗ ಮತ್ತೆ ವಿಡಿಯೋದಲ್ಲಿ ಕಾಣಿಸಿಕೊಂಡಿದ್ದು, ಎಸ್ ಐಟಿ ಮೇಲೆನೇ ಗಂಭೀರ ಆರೋಪ ಮಾಡಿದ್ದಾಳೆ. ಮಾರ್ಚ್ 12 ರಂದೇ ತಾನು ಎಸ್ ಐಟಿ ಗೆ ದೂರು ನೀಡಿದ್ದೇ. ಆದರೆ ರಮೇಶ್ ಜಾರಕಿಹೊಳಿ ದೂರು ನೀಡಿದ ಬಳಿಕ ಅರ್ಧ ಗಂಟೆಯಲ್ಲೇ ತಮ್ಮ ದೂರಿನ ವಿಡಿಯೋ ಬಿಡುಗಡೆ ಮಾಡಲಾಗಿದೆ ಎಂದು ಯುವತಿ ದೂರಿದ್ದಾಳೆ. ಎಸ್ ಐಟಿಯವರು ತಮ್ಮ ಮೇಲೆ ಯಾಕೆ ವಿರುದ್ಧ ತನಿಖೆಗೆ ಮುಂದಾಗಿದ್ದಾರೆ ಎನ್ನುವುದು ಗೊತ್ತಾಗುತ್ತಿಲ್ಲ ಎಂದಿರುವ ಯುವತಿ, ಸದ್ಯಕ್ಕೆ ತಾನು ಎಸ್ ಐಟಿ ಮುಂದೆ ಬರುವುದಿಲ್ಲ ಎಂದಿದ್ದಾಳೆ..!
ಇನ್ನು ಇಂದು ಬಿಡುಗಡೆಯಾದ 2ನೇ ವಿಡಿಯೋದಲ್ಲಿಯೂ ತಮ್ಮ ಪೋಷಕರ ಸುರಕ್ಷತೆ ಬಗ್ಗೆ ಕಳವಳ ವ್ಯಕ್ತಪಡಿಸಿರುವ ಸಿಡಿ ಲೇಡಿ, ಅಸಲಿಗೆ ತಮ್ಮ ತಂದೆ ತಾಯಿಗಳಿಂದ ಬಲವಂತವಾಗಿ ಕಿಡ್ನ್ಯಾಪ್ ಕೇಸ್ ದಾಖಲಿಸಲಾಗಿದೆ ಎಂದು ದೂರಿದ್ದಾಳೆ. ಅವರು ಎಲ್ಲಿದ್ದಾರೆ ಎಂದು ತಮಗೆ ಗೊತ್ತಿಲ್ಲ. ಅವರ ಸುರಕ್ಷತೆ ತಮಗೆ ಮುಖ್ಯ ಎಂದಿದ್ದಾಳೆ..!
