ಚೀನಾ : ಚೀನಾದಲ್ಲಿ ಕೊರೊನಾ ಉಲ್ಬಣಗೊಂಡಿದ್ದು, ಅಲ್ಲಿನ ಜನಸಂಖ್ಯೆಯ ಶೇ.80ರಷ್ಟು ಜನರು ಸೋಂಕಿಗೆ ಒಳಗಾಗಿದ್ದಾರೆ ಎಂದು ಪ್ರಮುಖ ಸರ್ಕಾರಿ ವಿಜ್ಞಾನಿ ಶನಿವಾರ ಹೇಳಿದ್ದಾರೆ.
ಹೊಸ ವರ್ಷದ ರಜೆಯ ಅವಧಿಯಲ್ಲಿ ಜನರ ಸಾಮೂಹಿಕ ಚಲನೆಯಿಂದಾಗಿ ಸಾಂಕ್ರಾಮಿಕ ರೋಗ ಹರಡಬಹುದು.
ಇದು ಕೆಲವು ಪ್ರದೇಶಗಳಲ್ಲಿ ಸೋಂಕುಗಳನ್ನು ಹೆಚ್ಚಿಸಬಹುದು. ಆದರೆ, ಮುಂದಿನ ಅವಧಿಯಲ್ಲಿ ಎರಡನೇ ಕೋವಿಡ್ ತರಂಗವು ಅಸಂಭವವಾಗಿದೆ ಎಂದು ಚೀನಾ ಸೆಂಟರ್ ಫಾರ್ ಡಿಸೀಸ್ ಕಂಟ್ರೋಲ್ ಅಂಡ್ ಪ್ರಿವೆನ್ಷನ್ನ ಮುಖ್ಯ ಸಾಂಕ್ರಾಮಿಕ ರೋಗಶಾಸ್ತ್ರಜ್ಞ ವು ಜುನ್ಯೂ , Weibo ಸಾಮಾಜಿಕ ಮಾಧ್ಯಮ ವೇದಿಕೆಯಲ್ಲಿ ಹೇಳಿದ್ದಾರೆ
ಇತ್ತೀಚೆಗೆ ಕಠಿಣ ಕೋವಿಡ್ ನಿರ್ಬಂಧಗಳನ್ನು ಸಡಿಲಗೊಳಿಸಿದ ಬಳಿಕ ನೂರಾರು ಮಿಲಿಯನ್ ಚೀನಿಯರು ದೇಶಾದ್ಯಂತ ಪ್ರಯಾಣಿಸುತ್ತಿದ್ದಾರೆ. ಇದರಿಂದಾಗಿ ಕೊರೊನಾ ಪ್ರಕರಣಗಳು ಏಕಾಏಕಿ ಏರಿಕೆಯಾಗುತ್ತಿದ್ದು, ದೇಶದಲ್ಲಿ ಕೋವಿಡ್ ಭಯ ಹೆಚ್ಚಾಗಿದೆ.
ಇದಾಗಲೇ ಚೀನಾದಲ್ಲಿ ಕೋವಿಡ್ ಉತ್ತುಂಗವನ್ನು ದಾಟಿದ್ದು, ಆಸ್ಪತ್ರೆಗಳು, ತುರ್ತು ಕೋಣೆಗಳು ಸಂಪೂರ್ಣ ಕೊರೊನಾ ರೋಗಿಗಳಿಂದ ತುಂಬಿ ತುಳುಕುತ್ತಿವೆ ಎಂದು ರಾಷ್ಟ್ರೀಯ ಆರೋಗ್ಯ ಆಯೋಗದ ಅಧಿಕಾರಿಯೊಬ್ಬರು ಗುರುವಾರ ತಿಳಿಸಿದ್ದಾರೆ.
ಸರ್ಕಾರದ ಅಂಕಿಅಂಶಗಳ ಪ್ರಕಾರ, ಚೀನಾ ತನ್ನ ಶೂನ್ಯ-ಕೋವಿಡ್ ನೀತಿಯನ್ನು ಹಠಾತ್ತನೆ ತೆಗೆದುಹಾಕಿದ ಸರಿಸುಮಾರು ಒಂದು ತಿಂಗಳ ನಂತರ ಜನವರಿ 12 ರ ಹೊತ್ತಿಗೆ ಕೋವಿಡ್ನಿಂದ ಸುಮಾರು 60,000 ಜನರು ಆಸ್ಪತ್ರೆಯಲ್ಲಿ ಸಾವನ್ನಪ್ಪಿದ್ದಾರೆ.
https://play.google.com/store/apps/details?id=com.speed.newskannada