ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಲೆಕ್ಕಾಚಾರ ತುಂಬಾ ಸಿಂಪಲ್. ಗುಜರಾತ್ ಟೈಟಾನ್ಸ್ ವಿರುದ್ಧ ಗೆಲುವು ಮತ್ತು ಶನಿವಾರ ಮುಂಬೈ ಇಂಡಿಯನ್ಸ್ ವಿರುದ್ಧ ಡೆಲ್ಲಿ ಕ್ಯಾಪಿಟಲ್ಸ್ ಸೋಲುವುದು. ಹೀಗಾದರೆ ಮಾತ್ರ ಆರ್ಸಿಬಿ ಪ್ಲೇ-ಆಫ್ ತಲುಪುತ್ತದೆ. ಹೀಗಾಗಿ ವಾಂಖೆಡೆಯಲ್ಲಿ ನಡೆಯುವ ಈ ಪಂದ್ಯ ಕುತೂಹಲದ ಕೇಂದ್ರಬಿಂದುವಾಗಿದೆ.
ಲೆಕ್ಕಾಚಾರದಷ್ಟು ಸುಲಭವಾಗಿ ಐಪಿಎಲ್ 2022ರ ಅಗ್ರಸ್ಥಾನಿ ಗುಜರಾತ್ ಟೈಟಾನ್ಸ್ ತಂಡವನ್ನು ಸೋಲಿಸಲು ಸಾಧ್ಯವಿಲ್ಲ. ಫಾಫ್ ಡು ಪ್ಲೆಸಿಸ್, ವಿರಾಟ್ ಕೊಹ್ಲಿ ಮತ್ತು ಗ್ಲೆನ್ ಮ್ಯಾಕ್ಸ್ ಪೈಕಿ ಯಾರಾದರೂ ಒಬ್ಬರು ದೊಡ್ಡ ಇನ್ನಿಂಗ್ಸ್ ಕಟ್ಟಿದರೆ ಮಾತ್ರ ಪಂದ್ಯ ಗೆಲ್ಲಬಹುದು. ಇವರ ಜೊತೆ ದಿನೇಶ್ ಕಾರ್ತಿಕ್, ಮಹಿಪಾಲ್ ಲೊಮ್ರೊರ್, ರಜತ್ ಪಾಟಿದಾರ್ ಮತ್ತು ಶಹಬಾಸ್ ಅಹ್ಮದ್ ಕೂಡ ಬ್ಯಾಟ್ ಬೀಸಬೇಕಿದೆ.
ಬೌಲಿಂಗ್ನಲ್ಲಿ ಜೋಶ್ ಹ್ಯಾಜಲ್ವುಡ್ ಪಂಜಾಬ್ ವಿರುದ್ಧದ ಪಂದ್ಯವನ್ನು ಬೇಗನೆ ಮರೆಯಬೇಕಿದೆ. ಮೊಹಮ್ಮದ್ ಸಿರಾಜ್ ರನ್ ಕೊಡದೇ ಇರುವ ಕಡೆ ಗಮನಕೊಡಬೇಕು. ಹರ್ಷಲ್ ಪಟೇಲ್ ಮತ್ತು ವನಿಂದು ಹಸರಂಗ ಮಿಂಚಿದರೆ ಮಾತ್ರ ಮ್ಯಾಚ್ ಗೆಲ್ಲಬಹುದು. ಮ್ಯಾಕ್ಸ್ವೆಲ್, ಲೊಮ್ರೊರ್ ಮತ್ತು ಶಹಬಾಸ್ ಅಹ್ಮದ್ 5ನೇ ಬೌಲರ್ ಪಾತ್ರ ನಿಭಾಯಿಸಬೇಕಿದೆ.
ಗುಜರಾತ್ ಟೈಟಾನ್ಸ್ ಅಗ್ರಸ್ಥಾನಿಯಾಗಿ ಪ್ಲೇ-ಆಫ್ ಪ್ರವೇಶಿಸುವುದು ಖಚಿತ. ವೃದ್ಧಿಮಾನ್ ಸಾಹಾ ಮತ್ತು ಶುಭ್ಮನ್ ಗಿಲ್ ಬ್ಯಾಟಿಂಗ್ ಫಾರ್ಮ್ ಹೊಸ ಉತ್ಸಾಹ ತಂದಿದೆ. ಹಾರ್ದಿಕ್ ಪಾಂಡ್ಯಾ ಬ್ಯಾಟಿಂಗ್ ಜೊತೆ ಬೌಲಿಂಗ್ನಲ್ಲೂ ಕೈ ಜೋಡಿಸುತ್ತಿರುವುದು ಖುಷಿಯ ವಿಚಾರ. ಆದರೆ ಮ್ಯಾಥ್ಯೂ ವೇಡ್ ಮತ್ತು ಡೇವಿಡ್ ಮಿಲ್ಲರ್ ಸ್ಥಿರತೆಯ ಬಗ್ಗೆ ಪ್ರಶ್ನೆ ಇದೆ. ರಾಹುಲ್ ತೇವಾಟಿಯಾ ರಶೀದ್ ಖಾನ್ ಗ್ರೇಟ್ ಟಚ್ನಲ್ಲಿದ್ದಾರೆ.
ಬೌಲಿಂಗ್ನಲ್ಲಿ ಮೊಹಮ್ಮದ್ ಶಮಿ ಲೀಡರ್. ರಶೀದ್ ಖಾನ್ ಡೇಂಜರಸ್. ಆದರೆ ಫರ್ಗ್ಯೂಸನ್, ಯಶ್ ದಯಾಳ್ ದುಬಾರಿ ಆಗುತ್ತಿರುವ ಬಗ್ಗೆ ಚಿಂತೆ ಇದೆ. ರವಿಶ್ರೀನಿವಾಸನ್ ಸಾಯಿ ಕಿಶೋರ್ ಸೇರ್ಪಡೆ ಹೊಸ ಲೆಕ್ಕಾಚಾರಕ್ಕೆ ದಾರಿಯಾಗಿದೆ. ಹಾರ್ದಿಕ್ ಪಾಂಡ್ಯಾ ಮತ್ತು ರಾಹುಲ್ ತೇವಾಟಿಯಾ ಕೂಡ ಬೌಲಿಂಗ್ ಮಾಡುವ ಶಕ್ತಿ ಹೊಂದಿದ್ದಾರೆ.
ವಾಂಖೆಡೆಯಲ್ಲಿ ನಡೆಯುವ ಪಂದ್ಯ ಟೈಟಾನ್ಸ್ ಪಾಲಿಗೆ ಗೆಲುವಿನ ಲಯ ಮುಂದುವರೆಸಲು ಇರುವ ಮ್ಯಾಚ್. ಆದರೆ ಆರ್ಸಿಬಿ ಪಾಲಿಗೆ ಮಾಡು ಇಲ್ಲವೆ ಮಡಿ ಹೋರಾಟ.
ಇತ್ತೀಚಿನ ಸುದ್ದಿಗಳಿಗಾಗಿ ಈಗಲೇ ಡೌನ್ ಲೋಡ್ ಮಾಡಿ:
https://plಇay.google.com/store/apps/details?id=com.speed.newskannada