ಮೂರು ಮಾನಿಟರ್ ಒಂದು ಲ್ಯಾಪ್ ಟಾಪ್ ಒಂದು ಸಿಪಿಯು ಮತ್ತು ಸುಮಾರು 50-60 ಸಾವಿರ ಬೆಲೆ ಬಾಳುವ ವಿಡಿಯೋ ಕ್ಯಾಮರಾವನ್ನು ಕದ್ದು ಸಾಗಿಸುತ್ತಿದ್ದ ಇಬ್ಬರು ಕಳ್ಳರನ್ನು ಕನಕಪುರ ತಾಲ್ಲೂಕಿನ ಟಿ.ಬೇಕುಪ್ಪೆ ಸರ್ಕಲ್ ಬಳಿ ಕನಕಪುರ ಗ್ರಾಮಾಂತರ ಪೊಲೀಸ್ ಠಾಣೆ ಪೊಲೀಸರು ಬಂಧಿಸಿದ್ದಾರೆ.
ಈಗಾಗಲೇ ಮೊದಲೇ ಆರೋಪಿಗಳ ಮೇಲೆ ಬೆಂಗಳೂರಿನ ಚಾಮರಾಜಪೇಟೆಯಲ್ಲಿ ಕೇಸ್ ದಾಖಲಾಗಿದ್ದು ಆರೋಪಿಯು ಕನಕಪುರ ತಾಲೂಕಿನ ನಿಡಗಲ್ ಗ್ರಾಮದ ಬ್ಯಾಟರಾಜ(26), ಇನ್ನೊಬ್ಬ ಆರೋಪಿಯು ಚಿಕ್ಕ ಕೊಪ್ಪದ ಮಂಜು (28) ಎಂದು ಗುರುತಿಸಲಾಗಿದ್ದು, ಕನಕಪುರ ಗ್ರಾಮಾಂತರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.