ಲಾಕ್ಡೌನ್ ಸಂರ‍್ಭದಲ್ಲೇ ೩೦೦ ಕಿ.ಮೀ ವೇಗದಲ್ಲಿ ಬೈಕ್ ಚಲಾಯಿಸಿದ್ದ ಸವಾರನನ್ನು ಸಿಸಿಬಿ ಪೊಲೀಸರು ವಶಕ್ಕೆ ಪಡೆದು ಸಂಚಾರ ಪೊಲೀಸರಿಗೆ ಒಪ್ಪಿಸಿದ್ದಾರೆ. ಎಲೆಕ್ಟ್ರಾನಿಕ್ ಸಿಟಿ ಮೇಲ್ಸೇತುವೆಯಲ್ಲಿ ಸವಾರ ಬೈಕ್ ಚಲಾಯಿಸಿದ್ದ ವಿಡಿಯೋವನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಅಪ್ಲೋಡ್ ಮಾಡಿದ್ದು ಅದು ಸಕ್ಕತ್ ವೈರಲ್ ಆಗಿತ್ತು. ಬೈಕ್ ಸವಾರ ಮುನಿಯಪ್ಪ ಎಂದು ತಿಳಿದುಬಂದಿದೆ. ವಿಡಿಯೋ ಗಮನಿಸಿದ ಸಿಸಿಬಿ ಅಧಿಕಾರಿಗಳು, ಸವಾರವನ್ನು ಪತ್ತೆ ಮಾಡಿ ಬೈಕ್ ಜಪ್ತಿ ಮಾಡಿ ಸವಾರನ ಮೇಲೆ ಪ್ರಕರಣ ದಾಖಲು ಮಾಡಿದ್ದಾರೆ.