ಡೇವ್ ಎಂಬ ನಾಯಿ ಮರಿ ತನ್ನ ಮಾಲೀಕನೊಂದಿಗೆ ವಾಕ್ ಮಾಡುವ ಸಂದರ್ಭದಲ್ಲಿ ಎದುರಾದ ತನ್ನ ಸಹೋದರಿಯನ್ನು ಗುರುತಿಸಿ ಮನುಷ್ಯರ ರೀತಿ ತಬ್ಬಿಕೊಂಡ ಪ್ರಸಂಗ ನಡೆದಿದೆ. ಮನುಷ್ಯ ಕುಟುಂಬ ಪುನರ್ಮಿಲನಗಳು ಯಾವಾಗಲೂ ನಡೆಯುತ್ತಿರುತ್ತವೆ. ಇಂತ ಪುನರ್ಮಿಲನಗಳು ವ್ಯಕ್ತಿಗಳನ್ನು ಭಾವುಕರನ್ನಾಗಿಸುತ್ತದೆ. ಆದರೆ, ಈ ಸುದ್ದಿ ನಾಯಿ ಮರಿಗಳಿಗೆ ಸಂಬಂಧಿಸಿದ ಪುನರ್ಮಿಲನ. ಲಿಬ್ಬಿ ಎಂಬುವರು ತಮ್ಮ ತಂದೆ ಕಳಿಸಿದ ಎರಡು ಫೋಟೋವನ್ನು ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್ ಮಾಡಿದ್ದಾರೆ. ಈ ನಾಯಿ ಮರಿಗಳು ಒಟ್ಟಿಗೆ ಹುಟ್ಟಿದ್ದು, ಆಕಸ್ಮಿಕವಾಗಿ ಎದುರು ಬದುರಾದಾಗ ಒಂದನ್ನೊಂದು ಗುರುತಿಸಿಕೊಂಡು ಅಪ್ಪಿಕೊಂಡಿದೆ. ಆದರೆ ಈ ಘಟನೆ ಎಲ್ಲಿ ನಡೆದಿದ್ದು, ನಾಯಿಮರಿಗಳು ಯಾವಾಗ ಬೇರೆಯಾದವು ಎಂಬುದರ ಮಾಹಿತಿ ದೊರಕಿಲ್ಲ. ನೆಟ್ಟಿಗರು ಮಾತ್ರ ಈ ಫೋಟೋವನ್ನು ನೋಡಿ ಭಾವುಕರಾಗಿ ತಮ್ಮ ಭಾವನೆಯನ್ನು ಕಣ್ಣೀರು ಹಾಕುವ ಎಮೋಷ್ನಲ್ ಗಳ ಮೂಲಕ ಹಂಚಿಕೊಂಡಿದ್ದಾರೆ. ಕೆಲವರು ಈ ಶ್ವಾನಗಳು ಗೊಂಬೆಗಳು ಎಂದು ಅನುಮಾನ ವ್ಯಕ್ತಪಡಿಸಿದ್ದು, ಪ್ರಚಾರಕ್ಕಾಗಿ ಈ ರೀತಿ ಹಾಕಲಾಗಿದೆ ಎಂದಿದ್ದಾರೆ. ಫೋಟೋವನ್ನು ಸೂಕ್ಷ್ಮವಾಗಿ ಗಮನಿಸಿದರೆ ಈ ಅನುಮಾನ ಹೌದು ಎನ್ನುವಂತಿದೆ.
