ಮೇಕ್ ಇನ್ ಇಂಡಿಯಾ ಯೋಜನೆಗೆ ಸಹಕಾರ ನೀಡುವಲ್ಲಿ ಮತ್ತೂಂದು ಹೆಜ್ಜೆಯನ್ನಿಟ್ಟಿರುವ ರಕ್ಷಣ ಇಲಾಖೆ, ಬೆಂಗಳೂರಿನ ಭಾರತ್ ಅರ್ತ್ ಮೂವರ್ಸ್ ಸಂಸ್ಥೆಯ ಜತೆಗೆ ಒಪ್ಪಂದ ಮಾಡಿಕೊಂಡಿದೆ. ಇತ್ತೀಚೆಗೆ ಗಾಲ್ವಾನ್ ಕಣಿವೆಯಲ್ಲಿ ಚೀನದೊಂದಿಗೆ ಮುಖಾಮುಖಿಯಾದಾಗ ಅಲ್ಲಿನ ದುರ್ಗಮ ಹಾದಿಯಲ್ಲಿ ಮುಂದುವರಿಯಲು ಟ್ಯಾಂಕರ್ಗಳಿಗೆ ಅಡಚಣೆಯಾಗಿದ್ದರಿಂದ ನೇಗಿಲು ಮಾದರಿಯ ಸಲಕರಣೆಯನ್ನು ಜೋಡಿಸಲು ನಿರ್ಧರಿಸಿದ್ದು, ಅದರಂತೆ ಸೇನೆಯ ಇಂಡಿಯನ್ ಆರ್ಮ್ಡ್ ಕಾರ್ಪ್ಸ್ ಬಳಸುವ ಟಿ-೯೦ ಎಸ್/ಎಸ್ಕೆ ಮಾದರಿಯ ಟ್ಯಾಂಕರ್ ಗಳಿಗೆ ೧,೫೧೨ ಕಬ್ಬಿಣದ ನೇಗಿಲುಗಳ ಮಾದರಿಯ ಸಾಮಗ್ರಿಗಳನ್ನು ತಯಾರಿಸಿಕೊಡುವಂತೆ ಬೆಮೆಲ್ಗೆ ಸೂಚಿಸಿದೆ. ೫೫೭ ಕೋ.ರೂ. ಮೊತ್ತದ ಒಪ್ಪಂದಕ್ಕೆ ರಕ್ಷಣ ಇಲಾಖೆ ಸಹಿ ಹಾಕಿದೆ. ೨೦೨೭ರ ವೇಳೆಗೆ ಈ ಉಪಕರಣಗಳನ್ನು ಬೆಮೆಲ್ ಸಂಸ್ಥೆಯು ತಯಾರಿಸಿಕೊಡಲಿದ್ದು, ಅವು ಕಡಿದಾದ ಪರ್ವತ ಶ್ರೇಣಿಗಳಲ್ಲಿ ಉರುಳಿ ಬೀಳುವ ಅಪಾಯವಿಲ್ಲದೆ ಟ್ಯಾಂಕರ್ಗಳು ಸಾಗಲು ಸಹಕಾರಿಯಾಗಲಿವೆ.
ಬೆಮೆಲ್ ಜತೆಗೆ ಕೈ ಜೋಡಿಸಿದ ರಕ್ಷಣ ಇಲಾಖೆ
Please follow and like us: