ಅರ್ಚನಾ ಗೌತಮ್.. ಹಿಂದಿಯ ಬಿಗ್ ಬಾಸ್-16 ಖ್ಯಾತಿಯ ಸೆಲೆಬ್ರಿಟಿ. ಈ ಬ್ಯೂಟಿ ಮಾಡೆಲ್ ಕೂಡ ಆಗಿದ್ದು ನಟಿಯಾಗಿಯೂ ಮಿಂಚಿದ್ದಾರೆ. 2018ರಲ್ಲಿ ಮಿಸ್ ಬಿಕಿನಿ ಇಂಡಿಯಾ ಅವಾರ್ಡ್ಗೂ ಮುತ್ತಿಕ್ಕಿದ್ದಾರೆ. ಸದ್ಯ ರಾಜಕಾರಣದಲ್ಲಿ ಬ್ಯುಸಿಯಾಗಿರುವ ಅರ್ಚನಾ ಗೌತಮ್, ತನಗೆ ಕಾಂಗ್ರೆಸ್ನ ನಾಯಕಿ ಪ್ರಿಯಾಂಕಾ ಗಾಂಧಿಯವರ ಪರ್ಸನಲ್ ಅಸಿಸ್ಟೆಂಟ್ ಬೆದರಿಕೆ ಹಾಕಿದ್ದಾರೆ ಎಂದು ಆರೋಪ ಮಾಡಿದ್ದಾರೆ.
ಈ ಆರೋಪದ ಬಗ್ಗೆ ಫೇಸ್ಬುಕ್ ವಿಡಿಯೋದಲ್ಲಿ ಲೈವ್ ಬಂದ ಅರ್ಚನಾ, ನನಗೆ ಪ್ರಿಯಾಂಕಾ ಗಾಂಧಿ ಪರ್ಸನಲ್ ಅಸಿಸ್ಟೆಂಟ್ ಸಂದೀಪ್ ಸಿಂಗ್ ಬೆದರಿಕೆ ಹಾಕಿ ನೀನು ಎರಡು ಪೈಸೆಯ ಹೆಣ್ಣು. ರಾಯ್ಪುರದ ಅಧಿವೇಶನ ಮುಗಿದ ಮೇಲೆ ನಿನ್ನನ್ನು ಕಂಬಿ ಹಿಂದೆ ಕಳುಹಿಸುತ್ತೇನೆ ಎಂದು ಬೆದರಿಸಿದ್ದಾರೆ. ಸಂದೀಪ್ಗೆ ಒಬ್ಬ ಮಹಿಳೆ ಹತ್ತಿರ ಹೇಗೆ ಮಾತನಾಡಬೇಕು ಎಂಬುದು ಗೊತ್ತಿಲ್ಲ ಎಂದು ಆರೋಪಿಸಿದ್ದಾರೆ. ಇನ್ನು ಇದೇ ಲೈವ್ನಲ್ಲಿ ನಿನಗೆ ಧೈರ್ಯ ಇದ್ರೆ, ಜೈಲಿಗೆ ಹಾಕಿಸು ನೋಡೋಣ ಎಂದು ಅರ್ಚನಾ ಚಾಲೆಂಜ್ ಹಾಕಿದ್ದಾಳೆ. ಸದ್ಯ ಇದಕ್ಕೆ ಸಂದೀಪ್ ಸಿಂಗ್ ವಿರುದ್ಧ ಕಾಂಗ್ರೆಸ್ ನಾಯಕರು ಗರಂ ಆಗಿದ್ದಾರೆ.
ನಾನು ಇನ್ನು ಕಾಂಗ್ರೆಸ್ ಪಾರ್ಟಿಯನ್ನ ಅಧಿಕೃತವಾಗಿ ಸೇರಿಕೊಂಡಿಲ್ಲ. ಆದ್ರೆ ಪ್ರಿಯಾಂಕಾ ಗಾಂಧಿಯವರ ಮೀಟ್ ಮಾಡಿದ್ದೇನೆ. ಅವರಿಂದಲೇ ಕಾಂಗ್ರೆಸ್ಗೆ ಬಂದಿದ್ದೇನೆ ಎಂದು ತಿಳಿಸಿದ್ದಾರೆ. ಇನ್ನು ಅರ್ಚನಾ ಬಿಗ್ಬಾಸ್ನಲ್ಲಿ ಇರುವಾಗ ಕಂಟೆಸ್ಟೆಂಟ್ ಒಬ್ಬರು ಪ್ರಿಯಾಂಕಾ ಗಾಂಧಿ ವಿರುದ್ಧ ಮಾತನಾಡಿದ್ದರು. ಇದನ್ನ ಪ್ರಬಲವಾಗಿ ಖಂಡಿಸಿದ್ದರಿಂದ 7ನೇ ವಾರದಲ್ಲೇ ಬಿಗ್ಬಾಸ್ ಮನೆಯಿಂದ ಹೊರಬಂದಿದ್ದರು.
ಇತ್ತೀಚಿನ ಸುದ್ದಿಗಳಿಗಾಗಿ ಈಗಲೇ ಡೌನ್ ಲೋಡ್ ಮಾಡಿ:
https://play.google.com/store/apps/details?id=com.speed.newskannada