ಬಾಗಲಕೋಟೆ ಜಿಲ್ಲೆಯಲ್ಲಿ ಪೊಲೀಸ್ ಸಿಬ್ಬಂದಿ ಮತ್ತು ಅಧಿಕಾರಿ ಸೇರಿ ಒಟ್ಟು 26 ಕೊರೊನಾ ಪಾಸಿಟಿವ್ ಪ್ರಕರಣ ಪತ್ತೆಯಾಗಿದೆ. ಅದರಲ್ಲಿ ನಾಲ್ಕು ಜನ ಚಿಕಿತ್ಸೆ ಪಡೆದು ಗುಣಮುಖರಾಗಿದ್ದಾರೆಂದು ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಲೋಕೇಶ ಜಗಲಾಸರ್ ತಿಳಿಸಿದ್ದಾರೆ. ಬಾಕಿ ಉಳಿದ 22 ಜನರಲ್ಲಿ 6 ಜನ ಎಸ್ಪಿ ಕಚೇರಿ ಸಿಬ್ಬಂದಿಗಳು, ಇಬ್ಬರು ಬನಹಟ್ಟಿ-ತೇರದಾಳ ಕಚೇರಿಯ ಸಿಬ್ಬಂದಿಗಳು, ಆರು ಗುಳೇದಗುಡ್ಡ ಮತ್ತು ಕೆರೂರು ಸಿಬ್ಬಂದಿಗಳು, ಮೂವರು ಬಾಗಲಕೋಟೆ ಸಿಬ್ಬಂದಿಗಳು, ಓರ್ವ ಡಿಆರ್ ಒ ಸಿಬ್ಬಂದಿ ಹಾಗೂ ನಾಲ್ಕು ಜನ ಇಲ್ಲಕಲ್ ಕಚೇರಿ ಸಿಬ್ಬಂದಿಗಳು ಕೋವಿಡ್-19 ಆಸ್ಪತ್ರೆ ಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ ಎಂದು ಮಾಹಿತಿ ನೀಡಿದ್ದಾರೆ.