ಬ್ರಿಮ್ಸ್ ಆಸ್ಪತ್ರೆ ಅವ್ಯವಸ್ಥೆಗೆ ಲಗಾಮು ಹಾಕಲಿದ್ದೇವೆ ಎಂದು ಸಚಿವ ಡಾ.ಕೆ ಸುಧಾಕರ್ ಹೇಳಿದ್ದಾರೆ. ಬೀದರ್‌ನಲ್ಲಿ ಮಾತನಾಡಿದ ಅವರು, ಬ್ರಿಮ್ಸ್ ಆಸ್ಪತ್ರೆ ಅವ್ಯವಸ್ಥೆ ನೋಡಿ ನಮಗೆ ಸಾಕಾಗಿ ಹೋಗಿದೆ ಎಂದು ಅಸಮಾಧಾನ ಹೊರಹಾಕಿದ ಶಾಸಕರಿಗೆ ಎಲ್ಲವೂ ಸರಿ ಮಾಡುವ ಭರವಸೆ ನೀಡಿದರು. ಬ್ರಿಮ್ಸ್ನಲ್ಲಿ ೭೧ ಗ್ರೂಪ್ ಎ, ೧ ಗ್ರೂಪ್ ಬಿ, ೧೩೫ ಗ್ರೂಪ್ ಸಿ, ೮೨ ಗ್ರೂಪ್ ಡಿ ಸೇರಿ ೨೮೯ ಹುದ್ದೆಗಳು ಇವೆ. ಇಲ್ಲಿನ ಬೋಧಕ ಆಸ್ಪತ್ರೆಯಲ್ಲಿ ಗ್ರೂಪ್ ಎ ೧೨, ಗ್ರೂಪ್ ಬಿ ೨, ಗ್ರೂಪ್ ಸಿ ೭೧ ಮತ್ತು ಗ್ರೂಪ್ ಡಿ ೧೫ ಸೇರಿ ೧೦೦ ಹುದ್ದೆಗಳು ಸೇರಿ ಒಟ್ಟು ೩೮೯ ಹುದ್ದೆಗಳು ಖಾಲಿ ಇವೆ. ಇವನ್ನು ಕೂಡಲೇ ಭರ್ತಿ ಮಾಡಿ. ಬ್ರಿಮ್ಸ್ನಲ್ಲಿ ಇದುವರೆಗೆ ಖಾಲಿ ಇರುವ ೫ ಪ್ರೊಪೆಸರ್, ೩ ಅಸೋಸಿಯೇಟ್ ಪ್ರೊಪೆಸರ್ ಮತ್ತು ೮ ಅಸಿಸ್ಟಂಟ್ ಪ್ರೊಪೇಸರ್‌ಗಳ ಹುದ್ದೆಗಳ ನೇಮಕಾತಿ ನಡೆಯುವ ಪ್ರಕ್ರಿಯೆ ಶೀಘ್ರ ಆರಂಭವಾಗಬೇಕು ಎಂದು ಸಚಿವರು ನಿರ್ದೇಶನ ನೀಡಿದರು. ೧೩ ವರ್ಷದ ಈ ಕಾಲೇಜಿಗೆ ಇದುವರೆಗೆ ಆಡಾಳಿತಾಧಿಕಾರಿ ಇಲ್ಲವೆಂದರೆ ಹೇಗೆ? ಒಟ್ಟು ಮಂಜೂರಾದ ೧೦೮೫ ಹುದ್ದೆಗಳ ಪೈಕಿ ಇದುವರೆಗೆ ೩೮೯ ಹುದ್ದೆಗಳು ಭರ್ತಿಯೇ ಆಗಿಲ್ಲ ಅಂದರೆ ಹೇಗೆ? ಎಂದು ಪ್ರಶ್ನಿಸಿದರು.
