ಈಗ ಎಲ್ಲೆಲ್ಲೂ ಆನೆಯದ್ದೇ ಸುದ್ದಿ. ಕೇರಳದಲ್ಲಿ ಸಿಡಿಮದ್ದು ಇದ್ದ ಹಣ್ಣು ತಿಂದು ಗರ್ಭಿಣಿ ಆನೆ ಮೃತಪಟ್ಟಿದ್ದ ಬೆನ್ನಲ್ಲೇ ಅನೇಕ ಆನೆಗಳ ಹತ್ಯೆ ಬಗ್ಗೆ ವರದಿಯಾಗುತ್ತಲೇ ಇದೆ. ಈ ಕಾರಣಕ್ಕೆ ಆನೆ ಎಂದರೆ ನೋವಿನ ಸಂಗತಿಗಳೇ ನೆನಪಾಗುತ್ತವೆ. ಇದೆಲ್ಲದರ ನಡುವೆಯೇ, ಮುದ್ದುಮುದ್ದಾದ ಆನೆ ಮರಿಯೊಂದು ಓಡಿಬಂದು ಬಾಟಲಿ ಹಾಲನ್ನು ಕುಡಿಯುತ್ತಿರುವ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ, ಅಮ್ಮನನ್ನು ಕಳೆದುಕೊಂಡಿರುವ ಈ ಮರಿ ಆನೆ ಇರುವುದು ಕೀನ್ಯಾದ ಶೆಲ್ಡ್ರಿಕ್ ವೈಲ್ಡ್ಲೈಫ್ ಸೆಂಚುರಿಯಲ್ಲಿ, ಇದಕ್ಕೆ ಬಾಟಲಿ ಹಾಲು ನೀಡಿ ಬೆಳೆಸಲಾಗುತ್ತಿದೆ ಎಂದು ಟ್ವಿಟರ್ನಲ್ಲಿ ಅಲ್ಲಿಯ ಸಿಬ್ಬಂದಿಯೊಬ್ಬರು ಹಂಚಿಕೊಂಡಿದ್ದಾರೆ. ಚಿಕ್ಕ ಮಗುವಿನಂತೆ ಓಡೋಡಿ ಬಂದು ಹಾಲು ಕುಡಿಯುತ್ತಿರುವ ವಿಡಿಯೋ ಕ್ಷಣ ಮಾತ್ರದಲ್ಲಿ 12 ಸಾವಿರಕ್ಕೂ ಹೆಚ್ಚು ಬಾರಿ ರೀಟ್ವೀಟ್ ಆಗಿದೆ..
Please follow and like us:
