ಒಡಿಶಾದಲ್ಲಿ ಸೋನು ಸೂದ್ರ ಪೋಸ್ಟರ್‌ ಒಂದನ್ನು ಹಾಕಿ ಅವರ ಅಭಿಮಾನಿಗಳು, ‘ಕೊರೋನಾ ಫೈಟರ್‌ ಕಿಂಗ್ ಸೋನು ಸೂದ್’ ಎಂದು ಮೆಚ್ಚುಗೆಯ ಕ್ಯಾಪ್ಷನ್ ಹಾಕಿದ್ದಾರೆ. ಹೌದು ಕೋವಿಡ್-19 ಲಾಕ್‌ಡೌನ್ ಸಮಯದಲ್ಲಿ ವಲಸೆ ಕಾರ್ಮಿಕರು ಮರಳಿ ತಮ್ಮ ಊರುಗಳಿಗೆ ತೆರಳಲು ನೆರವಿಗೆ ಬರುತ್ತಿರುವ ಬಾಲಿವುಡ್ ನಟ ಸೋನು ಸೂದ್ ವಲಸೆ ಕಾರ್ಮಿಕರ ರಿಯಲ್ ಲೈಫ್ ಹೀರೊ ಆಗಿದ್ದಾರೆ. ಅವರ ಈ ಸತ್ಕಾರ್ಯಕ್ಕೆ ಇಡೀ ದೇಶವೇ ಮೆಚ್ಚಿಕೊಂಡಿದೆ. ಸೋನು ಜೊತೆಗೆ ಒಡಿಶಾ ನಟರಾದ ಸಬ್ಯಸಾಚಿ ಮಿಶ್ರಾ ಹಾಗೂ ರಾಣಿ ಪಂಡಾರನ್ನು ಸಹ ಮೆಚ್ಚಿಕೊಂಡು ಪೋಸ್ಟರ್‌ಗಳಲ್ಲಿ ಹಾಕಲಾಗಿದೆ. ಈ ಚಿತ್ರವನ್ನು ತಮ್ಮ ಟ್ವಿಟರ್‌ ಖಾತೆಯಲ್ಲಿ ರೀಟ್ವಿಟ್ ಮಾಡಿರುವ ಸೋನು, ಇದು ಬಹಳ ಸ್ವೀಟ್ ಆಗಿದೆ. ಆದರೆ ನಾನು ಇದಕ್ಕೆ ಅರ್ಹನಲ್ಲ. ನಿಮ್ಮ ಪ್ರೀತಿ ಹಾಗೂ ಹಾರೈಕೆಗಳು ನನ್ನನ್ನು ಚೆನ್ನಾಗಿ ಇಟ್ಟಿವೆ ಎಂದಿದ್ದಾರೆ.
Please follow and like us:
