ಡಿಜಿಟಲ್ ಡೆಸ್ಕ್ : ಭಾರತೀಯ ಔಷಧ ನಿಯಂತ್ರಕ ಜನರಲ್ (DCGI) ಬುಧವಾರ ಹೈದರಾಬಾದ್ ಮೂಲದ ಬಯೋಲಾಜಿಕಲ್ ಇ ಲಿಮಿಟೆಡ್(Biological E Limited)ನ ಕೋವಿಡ್-19 ಲಸಿಕೆ ಬಯೋಲಾಜಿಕಲ್ ಇ(Biological E)ಯ 2/3ನೇ ಹಂತದ ವೈದ್ಯಕೀಯ ಪ್ರಯೋಗಗಳನ್ನ ಕೆಲವು ಷರತ್ತು(Some Condition)ಗಳೊಂದಿಗೆ 5 ರಿಂದ 18 ವರ್ಷ ವಯಸ್ಸಿನ ಮಕ್ಕಳ ಮೇಲೆ ನಡೆಸಲು ಅನುಮತಿ ನೀಡಿದೆ ಎಂದು ಮೂಲಗಳು ತಿಳಿಸಿವೆ.
ಮಕ್ಕಳು ಮತ್ತು ಹದಿಹರೆಯದವರಲ್ಲಿ ಕಾರ್ಬೆವಾಕ್ಸ್ ಲಸಿಕೆಯ ಇಮ್ಯುನೊಜೆನಿಸಿಟಿಯನ್ನ ಮೌಲ್ಯಮಾಪನ ಮಾಡಲು ಹಂತ-2/3 ಅಧ್ಯಯನ’ ಎಂಬ ಶೀರ್ಷಿಕೆಯ ಅನುಮೋದಿತ ಪ್ರೊಟೋಕಾಲ್ ಪ್ರಕಾರ 2 ಮತ್ತು 3ನೇ ಹಂತದ ವೈದ್ಯಕೀಯ ಪ್ರಯೋಗಗಳನ್ನ ನಡೆಸಲಾಯಿತು ಎಂದು ಮೂಲಗಳು ತಿಳಿಸಿವೆ.
* ಕೋವಿಡ್-19 ಕುರಿತ ವಿಷಯ ತಜ್ಞರ ಸಮಿತಿ (SEC) ಶಿಫಾರಸುಗಳನ್ನ ಆಧರಿಸಿ ಡಿಸಿಜಿಐ ಅನುಮತಿ ನೀಡಿದೆ.
* ಇಲ್ಲಿಯವರೆಗೆ, ದೇಶೀಯವಾಗಿ ಅಭಿವೃದ್ಧಿಪಡಿಸಲಾದ ಝೈಡಸ್ ಕ್ಯಾಡಿಲಾ ಅವರ ಸೂಜಿ ಮುಕ್ತ ಕೋವಿಡ್-19 ಲಸಿಕೆ ಝೈಕೋವಿ-ಡಿ ಔಷಧ ನಿಯಂತ್ರಕರಿಂದ ತುರ್ತು ಬಳಕೆಯ ದೃಢೀಕರಣವನ್ನು ಪಡೆದಿದೆ, ಇದು ದೇಶದಲ್ಲಿ 12-18 ವರ್ಷ ವಯಸ್ಸಿನವರಲ್ಲಿ ನೀಡಲಾದ ಮೊದಲ ಲಸಿಕೆಯಾಗಿದೆ.
* ಏತನ್ಮಧ್ಯೆ, 2 ರಿಂದ 18 ವರ್ಷ ವಯಸ್ಸಿನ ಭಾರತ್ ಬಯೋಟೆಕ್ ನ ಕೊವಾಕ್ಸಿನ್ ನ ಹಂತ 2/3 ವೈದ್ಯಕೀಯ ಪ್ರಯೋಗಗಳ ದತ್ತಾಂಶವು ನಡೆಯುತ್ತಿದೆ.
* ಭಾರತದ ಔಷಧ ನಿಯಂತ್ರಕ ಜುಲೈನಲ್ಲಿ ಸೀರಮ್ ಇನ್ಸ್ಟಿಟ್ಯೂಟ್ ಆಫ್ ಇಂಡಿಯಾ (SII)ಗೆ ಕೆಲವು ಷರತ್ತುಗಳೊಂದಿಗೆ 2 ರಿಂದ 17 ವರ್ಷ ವಯಸ್ಸಿನ ಮಕ್ಕಳ ಮೇಲೆ ಕೊವೊವಾಕ್ಸ್ʼನ 2/3 ನೇ ಹಂತದ ಪ್ರಯೋಗಗಳನ್ನು ನಡೆಸಲು ಅನುಮತಿ ನೀಡಿತು.
* ಜೂನ್ʼನಲ್ಲಿ ಕೇಂದ್ರ ಆರೋಗ್ಯ ಸಚಿವಾಲಯ ಘೋಷಿಸಿದಂತೆ ಬಯೋಲಾಜಿಕಲ್ ಇ ಡಿಸೆಂಬರ್ ವೇಳೆಗೆ ಕೇಂದ್ರ ಸರ್ಕಾರಕ್ಕೆ 30 ಕೋಟಿ ಡೋಸ್ ಕಾರ್ಬೆವಾಕ್ಸ್ ಪೂರೈಸಲಿದೆ. ಹೈದರಾಬಾದ್ ಮೂಲದ ಲಸಿಕೆ ತಯಾರಕರೊಂದಿಗೆ 30 ಕೋಟಿ ಲಸಿಕೆ ಡೋಸ್ʼಗಳನ್ನು ಕಾಯ್ದಿರಿಸಲು ಸಚಿವಾಲಯವು ವ್ಯವಸ್ಥೆಗಳನ್ನು ಅಂತಿಮಗೊಳಿಸಿದೆ ಎಂದು ಅಧಿಕೃತ ಹೇಳಿಕೆ ತಿಳಿಸಿದೆ.