ಕಿರ್ಮಾನಿ 1949ರ ಡಿಸೆಂಬರ್ 29ರಂದು ಜನಿಸಿದರು. ಪ್ರಾರಂಭಿಕ ಹಲವು ವರ್ಷಗಳಲ್ಲಿ ಅವರ ಸಾಧನೆ ಕಡಿಮೆ ಇದ್ದಿದ್ದರಿಂದ ತಂಡದಿಂದ ಹೊರಗೆ ಉಳಿದರಾದರೂ ಮುಂದೆ ಬಂದ ವರ್ಷಗಳಲ್ಲಿ ವಿಕೆಟ್ ಕೀಪಿಂಗ್ ಮತ್ತು ಕೆಳ ಹಂತದ ಬ್ಯಾಟಿಂಗ್ ಸ್ಥಾನದಲ್ಲಿ ನೀಡಿದ ಅಪೂರ್ವ ಕೊಡುಗೆಗಳು ಅವರಿಗೆ ಅಪಾರ ಕೀರ್ತಿ ತಂದವು.
ಕಿರ್ಮಾನಿ ಅವರ ಸಾಧನೆಗಳಲ್ಲಿ ಪ್ರಮುಖವೆಂದರೆ, ಒಂದು ಇನ್ನಿಂಗ್ಸ್ ನಲ್ಲಿ ಆರು ಜನ ಔಟ್ ಆಗಲು ಕಾರಣವಾಗಿ ವಿಶ್ವ ದಾಖಲೆ ಸಮಗಟ್ಟಿದ್ದು; ಕಪಿಲ್ ದೇವ್ ಅವರ ಪ್ರಸಿದ್ಧ ಜಿಂಬಾವ್ವೆ ವಿರುದ್ದದ ವಿಶ್ವಕಪ್ ಪಂದ್ಯದ ಆಟದಲ್ಲಿ ಅವರೊಂದಿಗೆ 126 ರನ್ನುಗಳ ಅಭೇದ್ಯ ಸಹಯೋಗದಲ್ಲಿ ಪಾಲ್ಗೊಂಡಿದ್ದು; 1983ರ ವಿಶ್ವ ಕಪ್ ಸ್ಪರ್ಧೆಗಳಲ್ಲಿ ಅತ್ಯುತ್ತಮ ವಿಕೆಟ್ ಕೀಪರ್ ಪ್ರಶಸ್ತಿಗೆ ಪಾತ್ರರಾಗಿದ್ದು; ಟೆಸ್ಟ್ ಪಂದ್ಯವೊಂದರಲ್ಲಿ ಒಂಬತ್ತನೇ ವಿಕಟ್ ಜೊತೆ ಆಟದಲ್ಲಿ ಸುನಿಲ್ ಗಾವಸ್ಕರ್ ಅವರ ಜೊತೆ 143ರನ್ನುಗಳ ಸಹಯೋಗದಲ್ಲಿ ಪಾಲ್ಗೊಂಡಿದ್ದು; ರವಿ ಶಾಸ್ತ್ರಿ ಅವರೊಂದಿಗೆ ಏಳನೆ ವಿಕೆಟ್ಟಿಗೆ ವಿಶ್ವದಾಖಲೆಯಾದ 235 ರನ್ನುಗಳ ಸಹಯೋಗದಲ್ಲಿ ಬಾಗಿಯಾದದ್ದು; 1981-82 ಇಂಗ್ಲೆಂಡ್ ವಿರುದ್ಧದ ಟೆಸ್ಟ್ ಸರಣಿಯಲ್ಲಿ, ಇಂಗ್ಲೆಂಡ್ ತಂಡ ಮೂರು ಟೆಸ್ಟ್ಗಳಲ್ಲಿ ಗಳಿಸಿದ 1964 ರನ್ನುಗಳಲ್ಲಿ ಒಂದೇ ಒಂದು ಬೈ ಕೂಡ ನೀಡದೆ ಇದ್ದದ್ದು ಇತ್ಯಾದಿ ಹೆಸರಿಸಬಹುದು.
ಕಿರ್ಮಾನಿ ವಿಕೆಟ್ ರಕ್ಷಕರಾಗಿ ಹಿಡಿದ ಹಲವು ಅದ್ಭುತ ಕ್ಯಾಚುಗಳು ಬಹಳಷ್ಟು ಮಹತ್ವದ ಪಂದ್ಯಗಳನ್ನು ಭಾರತದ ಪರವಾಗಿಸಿದ್ದವು.
ಇತ್ತೀಚಿನ ಸುದ್ದಿಗಳಿಗಾಗಿ ಈಗಲೇ ಡೌನ್ ಲೋಡ್ ಮಾಡಿ:
Please follow and like us: