ನವಾಜುದ್ದೀನ್ ಸಿದ್ದಿಕಿಯವರ ವಿರುದ್ಧ ಅತ್ಯಾಚಾರ ಪ್ರಕರಣ ದಾಖಲಾಗಿದೆ. ಈ ದೂರು ದಾಖಲಿಸಿದವರು ಇನ್ಯಾರೂ ಅಲ್ಲ, ಅವರ ಮಾಜಿ ಪತ್ನಿ ಆಲಿಯಾ ಅವರೇ ನವಾಜ್ ವಿರುದ್ಧ ಅತ್ಯಾಚಾರ ಪ್ರಕರಣ ದಾಖಲಿಸಿದ್ದಾರೆ. ಆಲಿಯಾ ಶುಕ್ರವಾರ ಸಾಮಾಜಿಕ ಮಾಧ್ಯಮದಲ್ಲಿ ಇದನ್ನು ಬರೆದುಕೊಂಡಿದ್ದಾರೆ, ಹಾಗೂ ಒಂದು ವೀಡಿಯೋ ಬಿಡುಗಡೆಗೊಳಿಸಿದ್ದಾರೆ. ’ನವಾಜ್ ಅವರ ಹೃದಯಹೀನ ತಾಯಿ ನನ್ನ ಮುಗ್ಧ ಮಗುವನ್ನು ಅಕ್ರಮ ಎಂದು ಕರೆಯುತ್ತಾರೆ ಮತ್ತು ಈ ಬಡ ವ್ಯಕ್ತಿ ಮೌನವಾಗಿದ್ದಾರೆ’ ಎಂದಿದ್ದಾರೆ. ವರ್ಸೋವಾ ಪೊಲೀಸ್ ಠಾಣೆಯಲ್ಲಿ ನಿನ್ನೆ ಅವರ ವಿರುದ್ಧ ಅತ್ಯಾಚಾರದ ದೂರು (ಪುರಾವೆ ಸಹಿತ) ದಾಖಲಿಸಿದ್ದಾರೆ. “ಏನೇ ಆಗಲಿ, ಆದರೆ ನನ್ನ ಮುಗ್ಧ ಮಕ್ಕಳನ್ನು ಈ ಹೃದಯಹೀನನ ಕೈಯಲ್ಲಿ ನಾನು ಬಿಡುವುದಿಲ್ಲ.” ಎಂದೂ ಹೇಳಿದ್ದಾರೆ.ಮಕ್ಕಳ ಡೈಪರ್ ಕೂಡ ಬದಲಾಯಿಸದ ಇವರು ಆಲಿಯಾ ಸಾಮಾಜಿಕ ಜಾಲತಾಣದಲ್ಲಿ ಒಂದು ವಿಡಿಯೋ ಹಂಚಿಕೊಂಡಿದ್ದಾರೆ. ಇದರಲ್ಲಿ, ’ನವಾಜ್‌ಗೆ ಮಕ್ಕಳ ಪಾಲನೆ ಬೇಕು, ಆದರೆ ತನ್ನ ಮಕ್ಕಳು ಚಿಕ್ಕವರಿಂದ ದೊಡ್ಡವರಾದಾಗ ಹೇಗೆಂದು ತಿಳಿಯದ ಈ ಮನುಷ್ಯ ನಿಮ್ಮಿಂದ ಏನು ತಿಳಿದುಕೊಳ್ಳಲು ಬಯಸುತ್ತಾನೆ ಎಂದು ಅವರು ಅಳುತ್ತಾರೆ. “ಮಕ್ಕಳ ಡೈಪರ್ ಬದಲಾಯಿಸುವುದೂ ತಿಳಿಯದವನು ಇಂದು ತನ್ನ ಅಧಿಕಾರವನ್ನು ದುರುಪಯೋಗಪಡಿಸಿಕೊಂಡು ನನ್ನ ಮಕ್ಕಳನ್ನು ನನ್ನಿಂದ ಕಸಿದುಕೊಳ್ಳಲು ಬಯಸುತ್ತಾನೆ. ಇಂದು ಇಷ್ಟೆಲ್ಲ ಮಾಡುವ ಮೂಲಕ ತಾನೊಬ್ಬ ದೊಡ್ಡ ತಂದೆ ಎಂದು ತೋರಿಸಿಕೊಳ್ಳಲು ಯತ್ನಿಸುತ್ತಿದ್ದಾನೆ”ಎಂದು ಆರೋಪಿಸಿದ್ದಾರೆ.ಆಲಿಯಾ ನವಾಜ್ ಅವರನ್ನು ಗುರಿಯಾಗಿಸಿಕೊಂಡು, ತನ್ನ ಮಕ್ಕಳ ಬಗ್ಗೆ ಎಂದಿಗೂ ಗಮನ ಹರಿಸದ ವ್ಯಕ್ತಿ ಅವರನ್ನು ಎಂದಿಗೂ ಪ್ರೀತಿಸುವುದಿಲ್ಲ ಎಂದು ಹೇಳಿದ್ದಾರೆ. ಇಂದು ನವಾಜ್ ಮಕ್ಕಳನ್ನು ತಮ್ಮ ಕಸ್ಟಡಿಗೆ ಕೋರಿದ್ದಾರೆ ಎಂದು ಆಶ್ಚರ್ಯ ವ್ಯಕ್ತ ಪಡಿಸಿದ್ದಾರೆ. ನವಾಜ್ ನನ್ನನ್ನು ಆರ್ಥಿಕವಾಗಿ ದುರ್ಬಲಗೊಳಿಸಿದ್ದಾನೆ ನಿಮ್ಮ ಹಣದಿಂದ ಎಷ್ಟೇ ಜನರನ್ನು ಖರೀದಿಸಿದರೂ ನನ್ನ ಮಕ್ಕಳನ್ನು ನನ್ನಿಂದ ಬೇರ್ಪಡಿಸಲು ಸಾಧ್ಯವಿಲ್ಲ ಎಂದು ಆಲಿಯಾ ವಿಡಿಯೋದಲ್ಲಿ ಹೇಳಿದ್ದಾರೆ. ನೀವು ನನ್ನನ್ನು ನಿಮ್ಮ ಹೆಂಡತಿಯಾಗಿ ಸ್ವೀಕರಿಸುವುದಿಲ್ಲ, ಆದರೆ ನಾನು ಯಾವಾಗಲೂ ನಿಮ್ಮನ್ನು ನನ್ನ ಪತಿಯಾಗಿ ಸ್ವೀಕರಿಸಿದ್ದೇನೆ. ಪ್ರತಿ ದಾಖಲೆಯಲ್ಲಿ, ನಾನು ನಿಮ್ಮನ್ನು ನನ್ನ ಪತಿ ಎಂದು ಪರಿಗಣಿಸಿದ್ದೇನೆ, ಆದರೆ ನೀವು ನನಗೆ ಮೋಸ ಮಾಡಿದ್ದಿರಿ. ಈ ವಿಷಯ ನನಗೆ ಸಹಿಸಲು ಕಷ್ಟ. ನನ್ನ ಜೀವನದ ೪೦ ಪ್ರಮುಖ ವರ್ಷಗಳನ್ನು ನಿಮ್ಮೊಂದಿಗೆ ಕಳೆದಿದ್ದೇನೆ. ಇಂದು ನನಗೆ ಪ್ರತಿ ರೂಪಾಯಿಯ ಕೊರತೆಯಿದೆ. ನಾನು ಇದನ್ನು ಯಾರಿಗೂ ಹೇಳಿರಲಿಲ್ಲ, ಆದರೆ ಈಗ ನಾನು ಹೇಳುತ್ತಿದ್ದೇನೆ ಏಕೆಂದರೆ ನವಾಜ್ ನನ್ನನ್ನು ಎಲ್ಲಾ ಕಡೆಯಿಂದ ದುರ್ಬಲಗೊಳಿಸಿದ್ದಾರೆ”.ಆಲಿಯಾ ಹೇಳಿದರು ? ನವಾಜ್‌ನ ಕರಾಳ ಮುಖವನ್ನೂ ನೋಡಬೇಕು
ಆಲಿಯಾ ಅವರು ನವಾಜುದ್ದೀನ್ ರನ್ನು ದುರಹಂಕಾರಿ ಎಂದು ಕರೆದಿದ್ದಾರೆ. ಅವರು ಮತ್ತಷ್ಟು ಹೇಳಿದರು, ’ಈ ವ್ಯಕ್ತಿಗೆ ಅಧಿಕಾರ ಮತ್ತು ಖ್ಯಾತಿಯ ಹುಚ್ಚಿದೆ ಎಂದು ನಾನು ಭಾವಿಸುತ್ತೇನೆ. ಇವತ್ತಿಗೂ ಮಕ್ಕಳು ನನ್ನನ್ನು ಅಂಟಿಕೊಂಡು ಮಲಗುತ್ತಾರೆ, ಆತ ಅವರನ್ನು ಅಪ್ಪಿಕೊಂಡೇ ಇರಲಿಲ್ಲ. ನ್ಯಾಯಾಲಯದ ಮೇಲೆ ನನಗೆ ಸಂಪೂರ್ಣ ನಂಬಿಕೆ ಇದೆ, ಹೀಗಾಗಿ ನನ್ನ ಪರವಾಗಿ ತೀರ್ಪು ಬರುವುದು ಖಚಿತ. ನೀವೆಲ್ಲರೂ ಈ ಮನುಷ್ಯನ ಕರಾಳ ಮುಖವನ್ನು ಸಹ ನೋಡಬೇಕೆಂದು ವಿನಂತಿಸುತ್ತೇನೆ” ಎಂದಿರುವರು.
ಇತ್ತೀಚಿನ ಸುದ್ದಿಗಳಿಗಾಗಿ ಈಗಲೇ ಡೌನ್‌ ಲೋಡ್‌ ಮಾಡಿ:
https://play.google.com/store/apps/details?id=com.speed.newskannada
