ಅಶುತೋಷ್ ಗೋವಾರಿಕರ್ 1964ರ ಫೆಬ್ರುವರಿ 15ರಂದು ಮುಂಬೈನಲ್ಲಿ ಜನಿಸಿದರು. ಓದಿನಲ್ಲಿ ರಸಾಯನ ಶಾಸ್ತ್ರದ ಪದವಿ ಪಡೆದರು. ಮೊದಲಿನಿಂದಲೂ ಅಶುತೋಷ್ ಅವರಿಗೆ ನಾಟಕ, ಜನಪದ ನೃತ್ಯ, ಸಂಗೀತಗಳಲ್ಲಿ ಆಸಕ್ತಿ. ಹೀಗಾಗಿ ಅವರು ಮೊದಲು ಮಾಡೆಲ್ ಆಗಿ ತಮ್ಮ ವೃತ್ತಿಜೀವನವನ್ನು ಪ್ರಾರಂಭಿಸಿದರು.ಹಲವು ಹಿಂದಿ, ಮರಾಠಿ ಚಿತ್ರಗಳಲ್ಲಿ ನಟಿಸಿದ ಅಶುತೋಷ್ ಗೋವಾರಿಕರ್ 1993ರಲ್ಲಿ ಚಲನಚಿತ್ರ ನಿರ್ದೇಶನ ಕ್ಷೇತ್ರಕ್ಕೆ ಪಾದಾರ್ಪಣೆ ಮಾಡಿದರು. ಅವರ ‘ಲಗಾನ್’ ಚಿತ್ರ ಪ್ರೇಕ್ಷಕರಿಗೆ, ವಿಮರ್ಶಕರಿಗೆ ಇಷ್ಟವಾಗಿದ್ದು ಮಾತ್ರವಲ್ಲದೆ ಮೊಟ್ಟಮೊದಲ ಬಾರಿಗೆ ಭಾರತದ ಸಿನಿಮಾ ರಂಗವನ್ನು ಆಸ್ಕರ್ ಪ್ರಶಸ್ತಿಯ ಹೆಬ್ಬಾಗಿಲವರೆಗೂ ತಂದಿತ್ತು. ‘ಲಗಾನ್’, ‘ಸ್ವದೇಸ್’, ‘ಜೋಧಾ ಅಕ್ಬರ್’, ‘ವಾಟ್ ಈಸ್ ಯುವರ್ ರಾಶೀ’, ಖೇಲೇನ್ ಹಮ್ ಜೀ ಜಾನ್ ಸೇ’, ‘ಮೊಹೆಂಜೊ ದಾರೋ’, ‘ಪಾಣಿಪತ್’ ಮುಂತಾದ ಚಿತ್ರಗಳನ್ನು ನಿರ್ದೇಶಿಸಿ ಅವುಗಳಲ್ಲಿ ಹಲವು ಚಿತ್ರಗಳ ನಿರ್ಮಾಪಕರೂ ಆಗಿದ್ದಾರೆ. ಹಲವು ಚಿತ್ರಗಳಲ್ಲಿ ಪ್ರಧಾನ ಪಾತ್ರದಲ್ಲಿ ನಟಿಸಿದ್ದಾರೆ. ಏಳು ಅಂತರರಾಷ್ಟ್ರೀಯ ಚಲನಚಿತ್ರ ಪಶಸ್ತಿಗಳು, ಹಲವಾರು ಫಿಲ್ಮ್ ಫೇರ್ ಪ್ರಶಸ್ತಿಗಳು ಹಾಗೂ ರಾಷ್ಟ್ರೀಯ ಚಲನಚಿತ್ರ ಪಶಸ್ತಿಗಳೂ ಸೇರಿದಂತೆ ಹಲವಾರು ಮಹತ್ವದ ಗೌರವಗಳು ಅಶುತೋಷ್ ಗೋವಾರಿಕರ್ ಅವರಿಗೆ ಸಂದಿವೆ.ಸಂಸ್ಕೃತಿ, ಸಂಗೀತ, ಕಲಾತ್ಮಕ ಮತ್ತು ಚಾರಿತ್ರಿಕ ಗುಣಗಳನ್ನು ಸಿನಿಮಾದಲ್ಲಿ ಸಂಯೋಜಿಸುವುದರ ಮೂಲಕ ಸಾಂಸ್ಕೃತಿಕ ಲೋಕಕ್ಕೊಂದು ಹೊಸ ಆಯಾಮವನ್ನು ಹಾಕಿಕೊಟ್ಟು ವಿಶಿಷ್ಟತೆಯನ್ನು ಸಾಧಿಸಿರುವ ಅಶುತೋಷ್ ಗೋವಾರಿಕರ್ ಸಿನಿಮಾ ಲೋಕದಲ್ಲಿ ಹೊಸ ಭರವಸೆಯನ್ನು ಮೂಡಿಸಿದವರು.
ಇತ್ತೀಚಿನ ಸುದ್ದಿಗಳಿಗಾಗಿ ಈಗಲೇ ಡೌನ್‌ ಲೋಡ್‌ ಮಾಡಿ:
https://play.google.com/store/apps/details?id=com.speed.newskannada
Please follow and like us:
