ಹೆದ್ದಾರಿ ಮತ್ತು ಸಾರಿಗೆ ಸಚಿವಾಲಯ ವಿತರಿಸಿದ ಕರಡು ನೋಟಿಫಿಕೇಶನ್ ಅನ್ವಯ ಎಂ1 ಕೆಟಗರಿಯ, ಅಂದರೆ ಎಂಟು ಪ್ರಯಾಣಿಕರನ್ನು ಹೊತ್ತೊಯ್ಯಬಲ್ಲ, ಎಲ್ಲಾ ವಾಹನಗಳಿಗೆ ಸೀಟ್ಬೆಲ್ಟ್ಗಳನ್ನು ಕಡ್ಡಾಯಗೊಳಿಸಲಾಗುವುದು.ಈ ನಿಯಮಗಳನ್ನು ಅಕ್ಟೋಬರ್ 1, 2022ರಿಂದ ಕಡ್ಡಾಯಗೊಳಿಸಲಾಗುವುದು.ಈ ದಿನಾಂಕದ ಬಳಿಕ ಉತ್ಪಾದನೆಯಾಗುವ ವಾಹನಗಳಲ್ಲಿ ಸೀಟ್ ಬೆಲ್ಟ್, ಸೀಟ್ ಬೆಲ್ಟ್ ಅಲಾರ್ಮ್ ಮತ್ತು ನಿಯಂತ್ರಣ ವ್ಯವಸ್ಥೆಗಳನ್ನು ಪ್ರಯಾಣಿಕರ ಸುರಕ್ಷತೆ ಖಾತ್ರಿಪಡಿಸಲು ಒದಗಿಸಬೇಕಾಗುತ್ತದೆ.ಸೀಟ್ಬೆಲ್ಟ್ಗಳನ್ನು ಕಡ್ಡಾಯಗೊಳಿಸಲು ಕೋರಿ ತಯಾರಿಸಲಾದ ಈ ಕರಡನ್ನು ಸಂಬಂಧಪಟ್ಟ ವರ್ಗಗಳ ಮಂದಿಯಿಂದ ಪ್ರತಿಕ್ರಿಯೆ ಕೋರಿ ಪ್ರಕಟಿಸಲಾಗಿದೆ. 30 ದಿನಗಳ ಒಳಗೆ ಈ ಕರಡಿಗೆ ಪ್ರತಿಕ್ರಿಯೆಗಳನ್ನು ಕಳುಹಿಸಲು ಸಚಿವಾಲಯ ಕೋರಿದೆ.ಎಲ್ಲಾ ಎಂಟು-ಸೀಟರ್ ವಾಹನಗಳಲ್ಲೂ ಮುಂದಿನ ಸೀಟುಗಳಿಗೆ ಮೂರು ಪಾಯಿಂಟ್ ಸೀಟ್ ಬೆಲ್ಟ್ಗಳನ್ನು ಕಡ್ಡಾಯಗೊಳಿಸಲು ಕೋರಿ ಈ ಕರಡು ರಚಿಸಲಾಗಿದೆ. 3.5 ಟನ್ಗಳಿಗಿಂತ ಕಡಿಮೆ ತೂಕದ ಪ್ರಯಾಣಿಕರನ್ನು ಕರೆದೊಯ್ಯುವ ವಾಹನಗಳನ್ನು ಈ ಎಂ1 ಕೆಟಗರಿಯಲ್ಲಿ ಪರಿಗಣಿಸಲಾಗುತ್ತದೆ.
ಇತ್ತೀಚಿನ ಸುದ್ದಿಗಳಿಗಾಗಿ ಈಗಲೇ ಡೌನ್ ಲೋಡ್ ಮಾಡಿ:
https://play.google.com/store/apps/details?id=com.speed.newskannada