ಬೆಂಗಳೂರು: ರಾಜ್ಯದ ಜನರ ಸಾರಿಗೆ ಸಂಚಾರಕ್ಕೆ ಅನುಕೂಲ ಕಲ್ಪಿಸೋ ನಿಟ್ಟಿನಲ್ಲಿ ಕರ್ನಾಟಕ ರಾಜ್ಯ ರಸ್ತೆ ಸಾರಿಗೆ ನಿಗಮವು, ಸೇವೆ ಸಲ್ಲಿಸುತ್ತಿದೆ. ತನ್ನ ಪ್ರಯಾಣಿಕರಿಗೆ ಯಾವುದೇ ತೊಂದರೆಯಾಗದಂತೆ ಹಲವು ಕ್ರಮ ಕೆ ಎಸ್ ಆರ್ ಟಿಸಿ ಕೈಗೊಂಡಿದೆ.
ಈಗ ಸೋಷಿಯಲ್ ಮೀಡಿಯಾಗಳಲ್ಲಿ ಪ್ರಯಾಣಿಕರು ನೀಡುವ ದೂರು, ತೊಂದರೆಗಳನ್ನು ಪರಿಹರಿಸೋ ನಿಟ್ಟಿನಲ್ಲಿಯೂ ಮಹತ್ವದ ಹೆಜ್ಜೆ ಇರಿಸಿದೆ. ಹಾಗಾದ್ರೇ.. ನೀವು ಕೆ ಎಸ್ ಆರ್ ಟಿ ಸಿ ಬಸ್ ನಲ್ಲಿ (KSRTC Bus ) ಪ್ರಯಾಣಿಸ್ತಾ ಇದ್ದರೇ, ನಿಮ್ಗೆ ಏನಾದ್ರೂ ಸಮಸ್ಯೆಗಳಾದ್ರೇ.. ನೀವು ಟ್ವಿಟ್ಟರ್, ಫೇಸ್ ಬುಕ್ ನಲ್ಲಿ ಮಾಡೋ ಒಂದು ಪೋಸ್ಟ್, ನಿಮ್ಮ ಸಮಸ್ಯೆಗಳನ್ನು ಪರಿಹರಿಸಬಲ್ಲದು. ಅದೇಗೆ ಎನ್ನುವ ಮಾಹಿತಿ ಮುಂದೆ ಓದಿ..
ಪ್ರಯಾಣಿಕ ಸ್ನೇಹಿ ಆಗುವ ನಿಟ್ಟಿನಲ್ಲಿ ರಾಜ್ಯ ರಸ್ತೆ ಸಾರಿಗೆ ನಿಗಮವು ಮಹತ್ವದ ಹೆಜ್ಜೆಗಳಲ್ಲಿ, ಇದೀಗ ಸೋಷಿಯಲ್ ಮೀಡಿಯಾ ಪ್ರವೇಶವೂ ಒಂದಾಗಿದೆ. ಕೆ ಎಸ್ ಆರ್ ಟಿ ಸಿಯಿಂದ ಟ್ವಿಟ್ಟರ್, ಫೇಸ್ ಬುಕ್ ಪೇಜ್ ಕೂಡ ಆರಂಭಿಸಲಾಗಿದೆ. ಇಲ್ಲಿ ತನ್ನ ನಿಗಮದ ಸಾರ್ವಜನಿಕ ಮಾಹಿತಿ ಸೇರಿದಂತೆ, ಹಲವು ವಿಷಯಗಳನ್ನು ಜನರಿಗೆ ತಲುಪಿಸೋ ಕೆಲಸ ಮಾಡುತ್ತಿದೆ.
ಇದಷ್ಟೇ ಅಲ್ಲದೇ ಕೆ ಎಸ್ ಆರ್ ಟಿ ಸಿ ಬಸ್ ಬಳಸಿ ಪ್ರಯಾಣಿಸುವಂತ ಪ್ರತಿ ಪ್ರಯಾಣಿಕ ನೀಡುವ ಫೀಡ್ ಬ್ಯಾಕ್, ಸಮಸ್ಯೆಗಳ ಪೋಸ್ಟ್ ಮೇಲೆಯೂ ಹದ್ದಿನ ಕಣ್ಣನ್ನು ನೆಟ್ಟಿದೆ. ತನ್ನ ಪ್ರಯಾಣಿಕರು ತಮಗಾದ ಅನುಭವಗಳ ಜೊತೆಗೆ, ಕೆಲ ಸಮಸ್ಯೆಗಳನ್ನು ಹೇಳಿಕೊಂಡಾಗ, ಅದನ್ನು ಕೂಡಲೇ ಸಂಬಂಧಪಟ್ಟಂತವರ ಗಮನಕ್ಕೆ ತಂದು ಪರಿಹರಿಸೋ ಕಾರ್ಯಕ್ಕೂ ಮುಂದಾಗಿದೆ.
ಮಹಿಳಾ ಪ್ರಯಾಣಿಕರ ಸುರಕ್ಷತೆಯಿಂದ ಹಿಡಿದು, ಪ್ರತಿಯೊಬ್ಬ ಲಾಸ್ಟ್ ಸ್ಟಾಫ್ ಪ್ರಯಾಣಿಕನನ್ನು ಸುರಕ್ಷಿತವಾಗಿ ತಲುಪಿಸೋ ಕಾರ್ಯವನ್ನು ಮಾಡುತ್ತಿದೆ. ಒಂದೊಮ್ಮ ಸಾರಿಗೆ ಬಸ್ ನಲ್ಲಿ ಪ್ರಯಾಣಿಸಿದಂತ ಪ್ರಯಾಣಿಕನು ತನಗಾದಂತ ಸಮಸ್ಯೆ, ನಡೆದಂತ ಘಟನೆಗಳನ್ನು ಕೆ ಎಸ್ ಆರ್ ಟಿ ಸಿಯ ಟ್ವಿಟ್ಟರ್ ಖಾತೆ @KSRTC_Journeys ಟ್ಯಾಗ್ ಮಾಡಿದ್ರೇ.. ಫೇಸ್ ಬುಕ್ ಖಾತೆಯಾದಂತ @KSRTC.Karnataka ಕ್ಕೆ ಟ್ಯಾಗ್ ಮಾಡಿದ್ರೇ.. ಆ ಬಗ್ಗೆ ಕೂಡಲೇ ಕ್ರಮ ಕೈಗೊಳ್ಳಲಿದೆ. ಇದಷ್ಟೇ ಅಲ್ಲದೇ ನೇರವಾಗಿ ಸಹಾಯವಾಣಿ ಸಂಖ್ಯೆ 080-26252625ಗೆ ( KSRTC Helpline Number ) ಕರೆ ಮಾಡಿ ತಿಳಿಸಿದ್ರೂ, ನಿಮ್ಮ ಸಮಸ್ಯೆಗೆ ಸೂಕ್ತ ಸ್ಪಂದನೆ, ಪರಿಹಾರ ಕೂಡ ದೊರೆಯಲಿದೆ.
ಇತ್ತೀಚಿನ ಸುದ್ದಿಗಳಿಗಾಗಿ ಈಗಲೇ ಡೌನ್‌ ಲೋಡ್‌ ಮಾಡಿ:
https://play.google.com/store/apps/details?id=com.speed.newskannada
