ಸಾನ್ಯಾ ಅಯ್ಯರ್ ಹಾಗೂ ರೂಪೇಶ್ ಶೆಟ್ಟಿ ಇವರಿಬ್ಬರ ಜೋಡಿಯ ಸ್ನೇಹ-ಪ್ರೀತಿಯ ಬಗ್ಗೆ ಬಿಗ್ ಬಾಸ್ ನೋಡುವ ಪ್ರತಿಯೊಬ್ಬರಿಗೂ ಗೊತ್ತೆ ಇದೆ. ಬಿಬಿಕೆ ಓಟಿಟಿ ಕನ್ನಡ 1ನೇ ಸೀಸನ್ ಅಲ್ಲಿ ವಿನ್ ಆದ ಈ ಜೋಡಿ ಜೊತೆಜೊತೆಯಾಗಿ ಬಿಗ್ ಬಾಸ್ ಕನ್ನಡ ಸೀಸನ್ ಒಂಭತ್ತಕ್ಕೆ ಗ್ರಾಂಡ್ ಆಗಿ ಎಂಟ್ರಿ ಕೊಟ್ಟಿತ್ತು. ಓಟಿಟಿಯಲ್ಲಿ ವಿನ್ ಆದ ಹಾಗೆಯೇ ಬಿಬಿಕೆ ಸೀಸನ್ 9 ರ ಫಿನಾಲೆವರೆಗೂ ಇವರಿಬ್ಬರೂ ಒಟ್ಟಿಗೆ ಇರ್ತಾರೆ ಅಂದುಕೊಂಡಿದ್ರು ವೀಕ್ಷಕರು. ಆದರೆ ಬಿಗ್ಬಾಸ್ 6ನೇ ವಾರಕ್ಕೆ ಸಾನ್ಯಾ ಬಿಗ್ ಮನೆಯಿಂದ ಎಲಿಮಿನೇಟ್ ಆಗಿ ಹೊರಗಡೆ ಬಂದ್ರು.
ಮನೆಯಿಂದ ಹೊರಬರುವಾಗ ಸಾನ್ಯಾ ರೂಪೇಶ್ಗೆ ಪ್ರತಿವಾರವೂ ನಿನಗೆ ನಾನು ಬಟ್ಟೆ ಕಳುಹಿಸುತ್ತೇನ ಎಂದು ಹೇಳಿದ್ದರು. ಅದೇ ರೀತಿ ಮನೆಯಿಂದ ಹೊರಗಡೆ ಬಂದ ವಾರವೇ ಸಾನ್ಯಾ ಹಾರ್ಟ್ ಮಾರ್ಕ್ ಇರುವ ಎರಡು ರೆಡ್ ಕಲರ್ ಶರ್ಟ್ಗಳನ್ನ ಪ್ರೀತಿಯ ರೂಪಿಗಾಗಿ ಪ್ರೀತಿಯಿಂದ ಕಳುಹಿಸಿದ್ದರು. ರೂಪು ಕೂಡ ಅಷ್ಟೇ ಪ್ರೀತಿಯಿಂದ ವೀಕೆಂಡ್ನ ಕಿಚ್ಚ ಸುದೀಪ್ ಅವರ ಎರಡೂ ಸ್ಪೆಷಲ್ ಎಪಿಸೋಡ್ಗಳಲ್ಲಿ ಆ ಶರ್ಟ್ ಧರಿಸಿಯೇ ಕೂತಿದ್ದನ್ನ ನೋಡಿದೀವಿ. ಸುದೀಪ್ ಅವರೂ ಕೂಡ ಆ ಶರ್ಟ್ ಬಗ್ಗೆ ಮಾತನಾಡಿದಾಗ ರೂಪೇಶ್ ನಾಚಿಕೊಂಡಿದ್ದನ್ನ ಕೂಡ ಗಮನಿಸಿದ್ದೇವೆ.
ಹೀಗಿರುವಾಗ ಸಾನ್ಯಾ ಇದೀಗ ಬಿಗ್ಬಾಸ್ ಮೇಲೆಯೇ ದೊಡ್ಡದಾಗಿರುವ ಆರೋಪ ಮಾಡಿದ್ದು, ತಮ್ಮ ಇನ್ಸಟಾಗ್ರಾಂನಲ್ಲಿ ಹೀಗಂತ ಬರೆದುಕೊಂಡಿದ್ದಾರೆ- “ರೂಪಿ ನೀನು ಸ್ಟ್ರಾಂಗ್ ಆಗಿರಬೇಕು ಆಯ್ತಾ. ನಾನು ಕಳುಹಿಸಿದ ಶರ್ಟ್ ಅನ್ನು ಅವರು ತೆಗೆದುಕೊಂಡಿದ್ದರೂ, ಅದನ್ನು ನಿನ್ನ ಬಳಿಗೆ ತಲುಪಿಸುತ್ತಿಲ್ಲ. ಆದರೆ, ನಾನು ಕಳುಹಿಸೋ ಪಾಸಿಟಿವಿಟಿಯನ್ನು ನಿನಗೆ ತಲುಪಿಸಲು ಯಾರಿಂದಲೂ ಸಾಧ್ಯವಿಲ್ಲ ಆಯ್ತಾ. ನೀನು ಯಾವಾಗಲೂ ಮಿನುಗುತ್ತಿರು.” ಎಂದು ಸಾನ್ಯಾ ಐಯ್ಯರ್ ಪೋಸ್ಟ್ ಮಾಡಿದ್ದಾರೆ.
ಹಾಗಾದ್ರೆ ನಿಜವಾಗಿಯೂ ಸಾನ್ಯಾ ಅಯ್ಯರ್ ಕಳುಹಿಸುತ್ತಿರುವ ಕಾಸ್ಟ್ಯೂಮ್ಗಳನ್ನ ಬಿಗ್ಬಾಸ್ ರೂಪೇಶ್ಗೆ ಕೊಡ್ತಾ ಇಲ್ವಾ? ಅಥವಾ ರೂಪೇಶ್ ಅವರೇ ಆ ಕಾಸ್ಟ್ಯೂಮ್ಗಳನ್ನ ಧರಿಸುತ್ತಿಲ್ಲವಾ ಅನ್ನೋದು ಗೊತ್ತಿಲ್ಲ.
ಇತ್ತೀಚಿನ ಸುದ್ದಿಗಳಿಗಾಗಿ ಈಗಲೇ ಡೌನ್ ಲೋಡ್ ಮಾಡಿ:
https://play.google.com/store/apps/details?id=com.speed.newskannada
Please follow and like us: