– ಕೇಂದ್ರೀಯ ಮೀಸಲು ಪೊಲೀಸ್ ಪಡೆ — ಅಸಿಸ್ಟೆಂಟ್ ಕಮಾಂಡೆಂಟ್ ಪೂನಂ ಗುಪ್ತಾ ನೇತೃತ್ವದ ‘ರಾಷ್ಟ್ರದ ಶಾಂತಿಪಾಲಕರು’ ಸಂಪೂರ್ಣ ಮಹಿಳಾ ತುಕಡಿ. ವಿಶ್ವದಲ್ಲೇ ಮೊಟ್ಟಮೊದಲ ಮಹಿಳಾ ಸಶಸ್ತ್ರ ಪೊಲೀಸ್ ಬೆಟಾಲಿಯನ್ ನ್ನು ಬೆಳೆಸಿದ ಹೆಗ್ಗಳಿಕೆಗೆ ಈ ಪಡೆ ಪಾತ್ರವಾಗಿದೆ. – ಆರು ‘ಅಗ್ನಿವೀರ್’ಗಳು ಮೊದಲ ಬಾರಿಗೆ ಮೆರವಣಿಗೆಯ ಭಾಗವಾಗಿದ್ದವು.- ಮೊದಲ ಬಾರಿಗೆ, ಈಜಿಪ್ಟ್ ಸಶಸ್ತ್ರ ಪಡೆಗಳ ಸಂಯೋಜಿತ ಬ್ಯಾಂಡ್ ಮತ್ತು ಮೆರವಣಿಗೆಯ ತಂಡವು ವಿದ್ಯುಕ್ತ ಮೆರವಣಿಗೆಯಲ್ಲಿ ಭಾಗವಹಿಸಿತು. ಕರ್ನಲ್ ಎಲ್ಖರಸಾವಿ ನೇತೃತ್ವದ ಈಜಿಪ್ಟಿನ ಸಶಸ್ತ್ರ ಪಡೆಗಳ ಮುಖ್ಯ ಶಾಖೆಗಳನ್ನು ಪ್ರತಿನಿಧಿಸುವ 144 ಸೈನಿಕರನ್ನು ಒಳಗೊಂಡಿತ್ತು.
ಇದೇ ಮೊದಲ ಬಾರಿಗೆ ಈಜಿಪ್ಟ್ ಅಧ್ಯಕ್ಷ ಅಬ್ದೆಲ್ ಫತ್ತಾಹ್ ಎಲ್-ಸಿಸಿ ಗಣರಾಜ್ಯೋತ್ಸವ ಪಥಸಂಚಲನದಲ್ಲಿ ಭಾಗವಹಿಸಿದ್ದಾರೆ. ಭಾರತದ ಎರಡನೇ ಮಹಿಳಾ ರಾಷ್ಟ್ರಪತಿ ದ್ರೌಪದಿ ಮುರ್ಮು ರಾಷ್ಟ್ರಧ್ವಜವನ್ನು ಬಿಚ್ಚಿ, ಮೆರವಣಿಗೆ ತುಕಡಿಗಳಿಂದ ಗೌರವ ವಂದನೆ ಸ್ವೀಕರಿಸಿದ್ದಾರೆ. ಕಳೆದ ವರ್ಷ ಕರ್ತವ್ಯ ಪಥ್ ಎಂದು ಮರುನಾಮಕರಣಗೊಂಡ ರಾಜಪಥದಲ್ಲಿ ಮೊದಲ ಬಾರಿಗೆ ಭಾರತ ನಿರ್ಮಿತ ಟ್ಯಾಂಕ್ಗಳು, ಬಂದೂಕುಗಳು ಕಾಣಿಸಿಕೊಂಡಿವೆ. ಅಲ್ಲದೆ, ಎಲ್ಲಾ ಅಧಿಕೃತ ಆಹ್ವಾನಗಳನ್ನು ಆನ್ಲೈನ್ ಮೂಲಕವೆ ಕಳುಹಿಸಿ ಇತಿಹಾಸ ನಿರ್ಮಿಸಲಾಗಿದೆ.
2023 ರ ಮೊದಲು, ಮೆರವಣಿಗೆಯ ಮೊದಲು ಭಾರತದ ರಾಷ್ಟ್ರಪತಿಗಳಿಗೆ 21-ಗನ್ ಸೆಲ್ಯೂಟ್ ನೀಡಲು ರಾಣಿ ಕಾಲದ ಬ್ರಿಟಿಷ್ ಬಂದೂಕುಗಳನ್ನು ಬಳಸಲಾಗುತ್ತಿತ್ತು. ಆದರೆ ಈಗ ಮೇಕ್ ಇನ್ ಇಂಡಿಯಾ ಯೋಜನೆಯಡಿ, ಸ್ವದೇಶಿ ನಿರ್ಮಿತ 105 ಎಂಎಂ ಫೀಲ್ಡ್ ಗನ್ಗಳನ್ನು ಬಳಸಲಾಗಿದೆ. 40 ವರ್ಷಗಳಿಗೂ ಹೆಚ್ಚು ಕಾಲ ಸೇವೆ ಸಲ್ಲಿಸಿದ ನೌಕಾಪಡೆಯ ಐಎಲ್-38, ವಿಚಕ್ಷಣ ಸಾಗರ ವಿಮಾನವು ಪ್ರಪ್ರಥಮ ಬಾರಿಗೆ ಪಥ ಸಂಚಲದಲ್ಲಿ ಭಾಗವಹಿಸಿದೆ. ಬಾರ್ಡರ್ ಸೆಕ್ಯುರಿಟಿ ಫೋರ್ಸ್ ನ ಒಂಟೆ ತುಕಡಿಯು ಇದೇ ಮೊದಲ ಬಾರಿಗೆ ಮಹಿಳೆಯರನ್ನು ಹೊಂದಿದೆ. ಇದೇ ಮೊದಲ ಬಾರಿಗೆ “ಸಾಮಾನ್ಯ ಜನರ ಭಾಗವಹಿಸುವಿಕೆ” ಎಂಬ ಥೀಮ್ ನೊಂದಿಗೆ ವೀಕ್ಷಕರ ಗ್ಯಾಲರಿಯನ್ನು ಶ್ರಮಯೋಗಿಗಳಾದ ಸೆಂಟ್ರಲ್ ವಿಸ್ತಾ ಕಾರ್ಮಿಕರಿಗೆ, ಆಟೋ ರಿಕ್ಷಾ ಚಾಲಕರಿಗೆ, ಸ್ವಚ್ಛತಾ ಕರ್ಮಿಗಳಿಗೆ ಮೀಸಲಿರಿಸಲಾಗಿದೆ. ಜನವರಿ 29 ರಂದು ನಡೆಯುವ ಬೀಟಿಂಗ್ ರಿಟ್ರೀಟ್ ಸಮಾರಂಭವು ಮೊದಲ ಬಾರಿಗೆ 3-ಡಿ ಅನಾಮಾರ್ಫಿಕ್ ಪ್ರೊಜೆಕ್ಷನ್ಗಳನ್ನು ಹೊಂದಿರಲಿದೆ.
https://play.google.com/store/apps/details?id=com.speed.newskannada
