ವಿಜಯಪುರ : ಜಿಲ್ಲೆಯ ಸಿಂದಗಿ ತಾಲೂಕಿನಲ್ಲಿ ಇಂದು (ಸಿಪಿಐ) ರವಿ ಉಕ್ಕುಂದ್ ಹಾಗೂ ಪಿಎಸ್ಐ ನಿಂಗಪ್ಪ ಪೂಜಾರಿ ಅವರ ನೇತೃತ್ವದಲ್ಲಿ ಇಂದು ಸಿಂದಗಿ ಪೊಲೀಸ್ ಠಾಣೆಯ ವ್ಯಾಪ್ತಿಯಲ್ಲಿ ಬರುವ ರೌಡಿಶೀಟರ್ ಗಳ ಪರೇಡ್ ನಡೆಸಲಾಯಿತು. ಈ ಪರೇಡ್ ನಲ್ಲಿ 39 ಜನ ರೌಡಿಶೀಟರ್ ಗಳು ಭಾಗಿಯಾಗಿದ್ದರು . ರೌಡಿಶೀಟರ್ ಗಳ ಪರೇಡ್ ನಂತರ ಮಾತನಾಡಿದ ಸಿಂದಗಿ( ಸಿಪಿಐ) ರವಿ ಉಕ್ಕುಂದ್ ಸಿಂದಗಿ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ ಒಟ್ಟು 112 ರೌಡಿ ಶೀಟರ್ ಗಳು ಇದ್ದು, ಆ ಪೈಕಿ A.B.C. A ಒಂದರಲ್ಲಿ 58 ಜನ B ಗುಂಪಿನಲ್ಲಿ 44 ಜನ C ಗುಂಪಿನಲ್ಲಿ 8 ಜನ ಇದ್ದು , ಇದರಲ್ಲಿ ಕೇವಲ 39 ಜನ ಪೆರೇಡ್ ಗೆ ಆಗಮಿಸಿದ್ದಾರೆ . ಇನ್ನೂ 73 ಜನ ರೌಡಿಶೀಟರ್ ಈ ಪೆರೇಡ್ ನಲ್ಲಿ ಬರದೇ ಇರುವ 73 ಜನ ರೌಡಿಶೀಟರ್ ಗಳನ್ನು ಆದಷ್ಟು ಬೇಗ ಠಾಣೆಗೆ ಕರೆಸಿ ಶಿಸ್ತಿನ ಕ್ರಮ ಜರುಗಿಸುವುದು ನಮ್ಮ ಕರ್ತವ್ಯ ಎಂದು ತಿಳಿಸಿದರು. ಅದೇ ರೀತಿ ಸಿಂದಗಿ ಪೊಲೀಸ್ ಠಾಣಾ (ಪಿಎಸ್ಐ) ನಿಂಗಪ್ಪ ಪೂಜಾರಿ ಅವರು ಮಾತನಾಡಿ ಈಗ ನಮ್ಮ ಠಾಣಾ ವ್ಯಾಪ್ತಿಯಲ್ಲಿ ಯಾವುದೇ ರೀತಿಯ ಕ್ರಿಮಿನಲ್ ಆಕ್ಟಿವಿಟಿಗಳು ನಡೆಯುತ್ತಿಲ್ಲ . ಮೊದಲಿನಂತೆ ಯಾರಾದರೂ ವರ್ತಿಸಿದರೆ ಅವರನ್ನು ನಾವು ಸುಮ್ಮನೆ ಬಿಡುವುದಿಲ್ಲ ಅದೇ ರೀತಿ ಮುಂಬರುವ ಹಬ್ಬ ಹರಿದಿನಗಳಲ್ಲಿ ಸಮಾಜದಲ್ಲಿ ಅಶಾಂತಿ ಕದಡಿಸಿದವರ ವಿರುದ್ಧ ಕಾನೂನು ರೀತಿಯಲ್ಲಿ ಕಠಿಣ ಕ್ರಮ ಜರುಗಿಸಲಾಗುವುದು ಎಂದು ತಿಳಿಸಿದರು.
ಇತ್ತೀಚಿನ ಸುದ್ದಿಗಳಿಗಾಗಿ ಈಗಲೇ ಡೌನ್‌ ಲೋಡ್‌ ಮಾಡಿ:
https://plಇay.google.com/store/apps/details?id=com.speed.newskannada
