ಪಾಟ್ನಾ:ಬಿಹಾರದ ಬಾಗಾಹಾದ ಶಾಲೆಯಲ್ಲಿ ಕ್ವಾರಂಟೈನ್ನಲ್ಲಿರುವ ವಲಸೆ ಕಾರ್ಮಿಕರು ಶಾಲೆಗೆ ಬಣ್ಣ ಬಳಿದು, ಚಿತ್ರ ಬಿಡಿಸಿ ಸುಂದರವಾಗಿಸಿದ್ದಾರೆ. ನೇಪಾಳದಿಂದ ಹಿಂದಿರುಗಿದ ರಾಂಪುರ್ವಾ ಪಂಚಾಯತ್ನ ಲಕ್ಷ್ಮಿಪುರ ಸರ್ಕಾರಿ ಮಧ್ಯಮ ಶಾಲೆಯಲ್ಲಿ ಕ್ವಾರಂಟೈನ್ನಲ್ಲಿರುವ ಸುಮಾರು ೫೨ ಕಾರ್ಮಿಕರು ತಮ್ಮ ಬಿಡುವಿನ ವೇಳೆಯಲ್ಲಿ ಬಣ್ಣ ಬಳಿಯುವ ಮೂಲಕ ಶಾಲೆಯನ್ನು ನವೀಕರಿಸಿದ್ದಾರೆ. ಸಾಮಾಜಿಕ ಅಂತರ ಪಾಲಿಸೊಕೊಂಡೇ, ಕಾರ್ಮಿಕರು ಕ್ಯಾಂಪಸ್ ಹಾಗೂ ಆಟದ ಮೈದಾನವನ್ನು ಸ್ವಚ್ಛಗೊಳಿಸಿ, ಶಾಲೆಯ ಆವರಣದಲ್ಲಿ ತರಕಾರಿ ಮತ್ತು ಹೂವಿನ ಗಿಡಗಳನ್ನು ನೆಟ್ಟಿದ್ದಾರೆ. ಬಳಿಕ ಶಾಲೆಯ ಗೋಡೆಗಳಿಗೆ ಬಣ್ಣ ಬಳಿದಿದ್ದಾರೆ.”ಕೇವಲ ಕುಳಿತು ತಿನ್ನುವುದರ ಬದಲು, ನಾವು ಶಾಲೆಯನ್ನು ಸುಂದರವಾಗಿಸಿದ್ದೇವೆ. ಗಿಡ ನೆಟ್ಟಿರುವುದರಿಂದ ಭವಿಷ್ಯದಲ್ಲಿ ಅದು ಶಾಲಾ ವಿದ್ಯಾರ್ಥಿಗಳಿಗೆ ಫಲ ನೀಡಲಿದೆ” ಎಂದು ಕಾರ್ಮಿಕರು ಹೇಳಿದ್ದಾರೆ.
ಕ್ವಾರಂಟೈನ್ ನಲ್ಲೂ ಬೆಳಗಿದ ಜ್ಞಾನ ದೇಗುಲ
Please follow and like us: