ತಾಯಿಯ ಮೃತದೇಹವನ್ನು ನಾಲ್ವರು ಹೆಣ್ಣುಮಕ್ಕಳು ಭುಜದ ಮೇಲೆ ಹೊತ್ತುಕೊಂಡು ಸ್ಮಶಾನದವರೆಗು ಹೋಗಿರುವ ಘಟನೆ ಒಡಿಶಾದ ಪುರಿಯಲ್ಲಿ ನಡೆದಿದೆ. ಹೌದು ತಂದೆ ತಾಯಿ ತೀರಿಹೋದ ಸಮಯದಲ್ಲಿ ಗಂಡುಮಕ್ಕಳು ಅಂತ್ಯಕ್ರಿಯೆ ಮಾಡುವುದು ವಾಡಿಕೆ. ಆದರೆ ಪುರಿಯ ಮಂಗಳಘಾಟ್ನ ಅಷ್ಟಮಠಾಧೀಶರಾದ ಜಾತಿ ನಾಯಕ್ ಅವರಿಗೆ ಇಬ್ಬರು ಗಂಡುಮಕ್ಕಳಿದ್ದರು ಕೂಡ ತನ್ನ ಹೆತ್ತ ತಾಯಿ ತೀರಿಹೋದ ಸಮಯದಲ್ಲಿ ನೋಡಲು ಕೂಡ ಬರಲಿಲ್ಲ. ಇನ್ನು ಈ ಬಗ್ಗೆ ಇವರ ಅಳಿಯರೊಬ್ಬರು ಮಾತನಾಡಿದ್ದು, ಈ ಹಿಂದೆಯು ಕೂಡ ತಮ್ಮ ಅತ್ತೆಯನ್ನು ನೋಡಲು ಯಾರು ಬರುತ್ತಿರಲಿಲ್ಲ, ಬದುಕಿದ್ದಾಗಲು ಇವರನ್ನು ಸಂತೋಷದಿಂದ ಎಂದೂ ನೋಡಿಕೊಂಡಿಲ್ಲಾ ಎಂದು ತಿಳಿಸಿದ್ದಾರೆ.