ಮದ್ಯಪಾನ ಮತ್ತು ಧೂಮಪಾನ ಆರೋಗ್ಯಕ್ಕೆ ಹಾನಿಕರ.. ಈ ಘೋಷವಾಕ್ಯವನ್ನ ನಾವು ಸಾಕಷ್ಟು ಬಾರಿ ಕೇಳಿದ್ದೇವೆ. ಆದ್ರೆ, ಅದನ್ನ ಅಷ್ಟು ಗಂಭೀರವಾಗಿ ತೆಗೆದುಕೊಳ್ಳುತ್ತಿಲ್ಲ. ಇನ್ನೂ ಕೆಲವು ತಪ್ಪು ಕಲ್ಪನೆಗಳಿವೆ, ವಿಶೇಷವಾಗಿ ಮದ್ಯ ಸೇವನೆಯ ಬಗ್ಗೆ.ಪ್ರತಿನಿತ್ಯ ಮಧ್ಯಮ ಪ್ರಮಾಣದಲ್ಲಿ ಆಲ್ಕೋಹಾಲ್ ಕುಡಿಯುವುದರಿಂದ ಉತ್ತಮ ಆರೋಗ್ಯವನ್ನ ಪಡೆಯಬಹುದು ಎಂದು ಹಲವರು ಹೇಳುತ್ತಾರೆ. ಆದ್ರೆ, ವಿಶ್ವ ಆರೋಗ್ಯ ಸಂಸ್ಥೆ (WHO) ಇದು ಸತ್ಯವಲ್ಲ ಎಂದು ಸ್ಪಷ್ಟಪಡಿಸಿದೆ. ಮಾನವ ದೇಹವನ್ನ ಪ್ರವೇಶಿಸುವ ಪ್ರತಿ ಹನಿ ಆಲ್ಕೋಹಾಲ್ ಅನಾರೋಗ್ಯಕ್ಕೆ ಕಾರಣವಾಗುತ್ತದೆ ಎಂದು ಅದು ತೀರ್ಮಾನಿಸಿದೆ. ಕಡಿಮೆ ಪ್ರಮಾಣದಲ್ಲಿ ಆಲ್ಕೋಹಾಲ್ ಕುಡಿಯುವುದು ಆರೋಗ್ಯಕ್ಕೆ ಒಳ್ಳೆಯದು ಎಂಬ ಹೇಳಿಕೆಗಳಲ್ಲಿ ಯಾವುದೇ ವೈಜ್ಞಾನಿಕ ಪುರಾವೆಗಳಿಲ್ಲ ಎಂದು ಅವರು ವಿವರಿಸಿದರು.ಆಲ್ಕೋಹಾಲ್ ಕ್ಯಾನ್ಸ್ರ್’ಗೆ ಕಾರಣ.!ವಿಶ್ವದಲ್ಲಿ ಅತಿ ಹೆಚ್ಚು ಮದ್ಯಪಾನ ಮಾಡುವ ದೇಶಗಳ ಪೈಕಿ ಯುರೋಪಿಯನ್ ರಾಷ್ಟ್ರಗಳು ಮೊದಲ ಸ್ಥಾನದಲ್ಲಿವೆ. ದಿ ಲ್ಯಾನ್ಸೆಟ್ ಪಬ್ಲಿಕ್ ಹೆಲ್ತ್ನ ವರದಿಯ ಪ್ರಕಾರ, ಆ ದೇಶಗಳಲ್ಲಿ ಸುಮಾರು 200 ಮಿಲಿಯನ್ ಜನರು ಹೆಚ್ಚು ಮದ್ಯಪಾನ ಮಾಡುವುದರಿಂದ ಕ್ಯಾನ್ಸರ್ ಬರುವ ಅಪಾಯವಿದೆ. WHO ಮಾಹಿತಿಯ ಪ್ರಕಾರ, ಯುರೋಪಿಯನ್ ಪ್ರದೇಶದಲ್ಲಿ ಕಡಿಮೆ ಆಲ್ಕೋಹಾಲ್ ಕುಡಿಯುವ ಜನರಲ್ಲಿಯೂ ಸಹ ಕ್ಯಾನ್ಸರ್ ಕೋಶಗಳು ಬೆಳೆಯುತ್ತಿವೆ.ಏಳು ವಿಧದ ಕ್ಯಾನ್ಸರ್.!WHO ಪ್ರಕಾರ, ಸುಮಾರು ಏಳು ವಿಧದ ಕ್ಯಾನ್ಸರ್ ಆಲ್ಕೋಹಾಲ್’ನಿಂದ ಉಂಟಾಗುತ್ತದೆ. ಇವುಗಳಲ್ಲಿ ಸಾಮಾನ್ಯ ಕರುಳಿನ ಮತ್ತು ಸ್ತನ ಕ್ಯಾನ್ಸರ್ ಎಂದು ವಿವರಿಸುತ್ತಾರೆ. ಈ ಆಲ್ಕೋಹಾಲ್ ದೇಹದ ಎಲ್ಲಾ ವ್ಯವಸ್ಥೆಗಳನ್ನು ಹಾನಿಗೊಳಿಸುತ್ತದೆ ಎಂದು ಹೇಳಲಾಗುತ್ತದೆ.ಆಧಾರವಿಲ್ಲ.!ಮಿತವಾಗಿ ಮದ್ಯಪಾನ ಮಾಡುವುದರಿಂದ ಉತ್ತಮ ಆರೋಗ್ಯ ಪಡೆಯಬಹುದು ಎಂಬ ವಾದವನ್ನ ವಿಶ್ವ ಆರೋಗ್ಯ ಸಂಸ್ಥೆ ತಿರಸ್ಕರಿಸಿದೆ. ಈ ಹೇಳಿಕೆಯನ್ನ ಸಾಬೀತುಪಡಿಸಲು ಯಾವುದೇ ವೈಜ್ಞಾನಿಕ ಪುರಾವೆಗಳಿಲ್ಲ ಎಂಬುದು ಸ್ಪಷ್ಟವಾಗಿದೆ. ಮಾನವ ದೇಹಕ್ಕೆ ಪ್ರವೇಶಿಸುವ ಪ್ರತಿ ಹನಿ ಆಲ್ಕೋಹಾಲ್ ದೇಹವನ್ನ ವಿಷಪೂರಿತಗೊಳಿಸಲು ಪ್ರಯತ್ನಿಸುತ್ತದೆ ಎಂದು ಅದು ತೀರ್ಮಾನಿಸಿದೆ. ನೀವು ಎಷ್ಟು ಕುಡಿಯುತ್ತಿದ್ದೀರಿ ಎಂಬುದು ಮುಖ್ಯವಲ್ಲ. ಕಡಿಮೆ ಕುಡಿಯುವುದರಿಂದ ಅಪಘಾತಗಳನ್ನ ತಡೆಯಲಾಗುವುದಿಲ್ಲ ಎಂದಿದೆ.
https://play.google.com/store/apps/details?id=com.speed.newskannada