ಬಾಲಿವುಡ್ ಸೆಲೆಬ್ರಿಟಿಯೊಬ್ಬರು ಪಿಜ್ಜಾ ಆರ್ಡರ್ (Pizza Order) ಮಾಡಲು ಅಂಗಡಿಯವರಿಗೆ ಕರೆ ಮಾಡಿದರೆ, ಅವರು ಒಂದು ಕ್ಷಣ ಆಶ್ಚರ್ಯಚಕಿತರಾಗುವುದು ಸಾಮಾನ್ಯ. ಜನಸಾಮಾನ್ಯರು ಪಿಜ್ಜಾ ಆರ್ಡರ್ಗಳಿಗೆ ಕರೆ ಮಾಡುತ್ತಾರೆ. ಆದರೆ ಸೆಲೆಬ್ರಿಟಿಗಳು ಕರೆ ಮಾಡಿದಾಗ ಕರೆ ಸ್ವೀಕರಿಸಿದ ಅಂಗಡಿಯವರು ಕೊಂಚ ಗೊಂದಲಕ್ಕೆ ಒಳಗಾಗಬಹುದು.
ಇಲ್ಲೊಂದು ಘಟನೆಯಲ್ಲಿ ಮಿಮಿಕ್ರಿ ಕಲಾವಿದರೊಬ್ಬರು ಪಿಜ್ಜಾ ಡೆಲಿವರಿ ಕಂಪನಿಯೊಂದರ ಕೆಲಸಗಾರರಿಗೆ ಸರಿಯಾಗಿ ಮಕ್ಕರ್ ಮಾಡಿದ್ದಾರೆ.
ಪಿಜ್ಜಾ ಆರ್ಡರ್ ಮಾಡುವಾಗ ಆಲಿಯಾ ಭಟ್ ಧ್ವನಿ ಕೇಳಿಸಿದೆ. ಬಾಲಿವುಡ್ ಸ್ಟಾರ್ ನಟಿ ಆಲಿಯಾ ಭಟ್ ಅವರ ಧ್ವನಿಯಲ್ಲಿ ಮಾತನಾಡಿ ಪಿಜ್ಜಾ ಆರ್ಡರ್ ಮಾಡಿದ್ದಾರೆ. ಪಿಜ್ಜಾ ಆರ್ಡರ್ ಮಾಡುವಾಗ, ಹುಡುಗಿ ಆಲಿಯಾ ಭಟ್ ಅವರಂತೆಯೇ ಮಾತನಾಡಿದ್ದಾಳೆ. ಆಲಿಯಾ ಧ್ವನಿ ಕೇಳಿದ ನಂತರ, ಪಿಜ್ಜಾ ಅಂಗಡಿಯ ಕೆಲಸಗಾರ ಸ್ವಲ್ಪ ಗಲಿಬಿಲಿಗೊಂಡಿದ್ದಾನೆ.
ಮಿಮಿಕ್ರಿ ಕಲಾವಿದರು ಪಿಜ್ಜಾ ಕೆಲಸಗಾರನ ಜೊತೆ ಇಂತಹ ಜೋಕ್ ಮಾಡಿದ್ದಾರೆ. ಸಾಮಾಜಿಕ ಮಾಧ್ಯಮದಲ್ಲಿ ಸದ್ಯ ಈ ವಿಡಿಯೋ ಸಖತ್ ವೈರಲ್ (Video Viral) ಆಗುತ್ತಿದೆ. ಚಾಂದಿನಿ ಎಂಬ ಮಿಮಿಕ್ರಿ ಕಲಾವಿದೆ ಆಲಿಯಾ ಭಟ್ ಅವರಂತೆ ಮಾತನಾಡಿದ್ದಾರೆ. ಮಿಮಿಕ್ರಿ ಸಮಯದಲ್ಲಿ ರಣಬೀರ್ ಕಪೂರ್ ಹೆಸರನ್ನು ಸಹ ತೆಗೆದುಕೊಂಡಿದ್ದಾರೆ.
ವಿಡಿಯೋದಲ್ಲಿ ಮಹಿಳೆ ಪಿಜ್ಜಾ ಔಟ್ಲೆಟ್ಗೆ ಕರೆ ಮಾಡಿ ಆಲಿಯಾ ಭಟ್ ಅವರಂತೆಯೇ ಮಾತನಾಡುತ್ತಿರುವುದನ್ನು ನಾವು ನೋಡಬಹುದು. ಧ್ವನಿ ಕೇಳಿದ ನಂತರ, ಅಂಗಡಿಯವರು ಯಾರಿದು ಎಂದು ಪ್ರಶ್ನಿಸಿದ್ದಾರೆ. ಅದಕ್ಕೆ ಅವರು ಆಲಿಯಾ ಭಟ್ ಎಂದು ಉತ್ತರಿಸುತ್ತಾರೆ. ಬಳಿಕ ‘ರಣಬೀರ್’ ಯಾವ ಪಿಜ್ಜಾ ತಿನ್ನಲು ಬಯಸುತ್ತಾರೆ ಎಂದು ಕೇಳುವಂತೆ ನಟಿಸುತ್ತಾರೆ. ನಂತರ ವೆಜ್ ಪಿಜ್ಜಾ ಬಗ್ಗೆ ವಿಚಾರಿಸುತ್ತಾರೆ.
ಇತ್ತೀಚಿನ ಸುದ್ದಿಗಳಿಗಾಗಿ ಈಗಲೇ ಡೌನ್ ಲೋಡ್ ಮಾಡಿ:
https://plಇay.google.com/store/apps/details?id=com.speed.newskannada