ಗುವಾಹಟಿ: ಮೂರು ವರ್ಷದ ಬಾಲಕಿಯೊಬ್ಬಳು ಆನೆಯ ಕೆಚ್ಚಲಿಗೆ ಬಾಯಿಯಿಟ್ಟು ಅದರ ಹಾಲು ಕುಡಿಯುಲು ಯತ್ನಿಸಿದ ಘಟನೆ ಅಸ್ಸಾಂನ ಗೋಲ್ಗಾಟ್ ಜಿಲ್ಲೆಯಲ್ಲಿ ನಡೆದಿದೆ. ಘಟನೆಗೆ ಸಂಬಂಧಿಸಿದ ವಿಡಿಯೊ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದ್ದು, ಬಾಲಕಿಯ ದೈರ್ಯವನ್ನು ಕೊಂಡಾಡಿದ್ದಾರೆ. ಹರ್ಷಿತಾ ಬೋರಾ ಎನ್ನುವ ಬಾಲಕಿ ಆನೆ ಕ್ಯಾಂಪ್ನಲ್ಲಿ ಆಟವಾಡುತ್ತಿದ್ದಾಗ ಬಿನು ಎಂಬ ಆನೆಯ ಕಾಲುಗಳ ಬಳಿ ನಿಲ್ಲುವ ಸಾಹಸ ಮಾಡುತ್ತಾಳೆ. ಮುಂದುವರೆದು ಅದರ ಕೆಚ್ಚಲಿಗೆ ಬಾಯಿಯಿಟ್ಟು ಹಾಲು ಕುಡಿಯುಲು ನೋಡುತ್ತಾಳೆ. ಆದರೆ, ಕೆಚ್ಚಲು ನಿಲುಕದಿದ್ದಕ್ಕೆ ವಿಫಲ ಪ್ರಯತ್ನ ನಡೆಸಿ ಸುಮ್ಮನಾಗುತ್ತಾಳೆ. ಬಿನು ಆನೆಯು ಹರ್ಷಿತಾಳಿಗೆ ಕಾಲು ಬಳಿ ನಿಂತಿದ್ದರೂ ಏನೂ ಮಾಡದೇ ಮಾತೃ ವಾತ್ಸಲ್ಯವನ್ನು ತೋರಿದೆ. ಈ ಕುರಿತು ವಿ ಫಾರ್ ವೈರಲ್ ಎನ್ನುವ ಖಾತೆ ಇನ್ಸ್ಟಾಗ್ರಾಂನಲ್ಲಿ ವಿಡಿಯೊ ಹಂಚಿಕೊಂಡಿದೆ.
ಇತ್ತೀಚಿನ ಸುದ್ದಿಗಳಿಗಾಗಿ ಈಗಲೇ ಡೌನ್ ಲೋಡ್ ಮಾಡಿ:
https://play.google.com/store/apps/details?id=com.speed.newskannada