ಅಕ್ಕಿ ತಿಂದವ ಹಕ್ಕಿ, ಜೋಳ ತಿಂದವ ತೋಳ’ ಎಂಬ ಮಾತೇ ಇದೆ. ಉತ್ತರ ಕರ್ನಾಟಕದ ಮಂದಿಯನ್ನು ನೋಡುವಾಗ ಈ ಮಾತು ಸತ್ಯ ಅನಿಸುವುದು. ತೆಳ್ಳಗೆ ಗಟ್ಟಿಮುಟ್ಟಾಗಿರುವ ಅವರ ಆರೋಗ್ಯದ ರಹಸ್ಯವೇ ಜೋಳದ ರೊಟ್ಟಿ, ಕಡಕ್‌ ರೊಟ್ಟಿ ಎಂದರೆ ತಪ್ಪಾಗಲಾರದು.ಜೋಳದ ರೊಟ್ಟಿ ತಿಂದಿಲ್ಲ ಎಂದರೆ ಅವರಿಗೆ ಆಹಾರ ಸೇವಿಸಿದಂತೆ ಆಗುವುದೇ ಇಲ್ಲ, ಜೋಳದ ರೊಟ್ಟಿ ಬದನೆಕಾಯಿಪಲ್ಯ ಕಾಂಬಿನೇಷನ್‌ ಅಂತೂ ತುಂಬಾನೇ ಸೂಪರ್ ಆಗಿರುತ್ತದೆ.ಉತ್ತರ ಕರ್ನಾಟದ ಪ್ರಸಿದ್ಧ ಆಹಾರವಾಗಿರುವ ಜೋಳದ ರೊಟ್ಟಿ ತಿಂದರೆ ಈ ಪ್ರಮುಖ ಪ್ರಯೋಜನಗಳಿವೆ ನೋಡಿ:
ಗ್ಯಾಸ್ಟ್ರಿಕ್, ಮಲಬದ್ಧತೆ ಸಮಸ್ಯೆ ತಡೆಗಟ್ಟಲು ಸಹಕಾರಿಯಾರಿಗೆ ಗ್ಯಾಸ್ಟ್ರಿಕ್ ಸಮಸ್ಯೆ ಇದೆಯೋ ಅವರು ಜೋಳದ ರೊಟ್ಟಿಯ ಆಹಾರ ಪದ್ಧತಿಗೆ ಬದಲಾಗಿ ನೋಡಿ ಗ್ಯಾಸ್ಟ್ರಿಕ್ ಸಮಸ್ಯೆ ಕಡಿಮೆಯಾಗುವುದು ಅಲ್ಲದೆ ಮಲಬದ್ಧತೆ ಸಮಸ್ಯೆ ಹೋಗಲಾಡಿಸಲು ಕೂಡ ಸಹಕಾರಿ. ಅತಿಯಾದ ಅಸಿಡಿಟಿ, ಹೊಟ್ಟೆ ಉಬ್ಬುವುದು ಈ ಬಗೆಯ ಸಮಸ್ಯೆ ಕೂಡ ಇರುವುದಿಲ್ಲ.
ಜೋಳದ ರೊಟ್ಟಿ ತಿಂದಾಗ ದೊರೆಯುವ ಪೋಷಕಾಂಶಗಳುಜೋಳದ ರೊಟ್ಟಿಯಲ್ಲಿ ವಿಟಮಿನ್‌ ಎ, ಸಿ, ಕೆ ಮತ್ತು ಬಿ ವಿಟಮಿನ್‌ಗಳಿವೆ ಅಲ್ಲದೆ ಇದರಲ್ಲಿ ಕಬ್ಬಿಣದಂಶ, ರಂಜಕ, ಆಯಂಟಿಆಕ್ಸಿಡೆಂಟ್‌ ಅಧಿಕವಿರುವುದರಿಂದ ಆರೋಗ್ಯಕ್ಕೆ ತುಂಬಾನೇ ಒಳ್ಳೆಯದು.
ಇನ್ನು ಜೋಳದ ರೊಟ್ಟಿ ಸವಿಯಲು ಶೇಂಗಾ ಬೀಜದ ಚ್ಟನಿ ಪುಡಿ, ತುಪ್ಪ, ತರಕಾರಿ ಪಲ್ಯ ಇವುಗಳನ್ನು ಬಳಸುತ್ತೇವೆ, ಇದರಿಂದಾಗಿ ತರಕಾರಿಯಲ್ಲಿರುವ ಪೋಷಕಾಂಶಗಳು ದೇಹವನ್ನು ಸೇರುತ್ತದೆ.
ಗರ್ಭಿಣಿಯರಿಗೆ ಒಳ್ಳೆಯದುಭ್ರೂಣದಲ್ಲಿರುವ ಮಗುವಿನ ಬೆಳವಣಿಗೆಗೆ ಜೋಳದ ರೊಟ್ಟಿ ತುಂಬಾ ಒಳ್ಳೆಯದು. ಹೆರಿಗೆಯ ಬಳಿಕ ಜೋಳದ ರೊಟ್ಟಿ ತಿನ್ನುವುದರಿಂದ ದೇಹಕ್ಕೆ ಅಗ್ಯತವಿರುವ ಪೋಷಕಾಂಶ ದೊರೆಯುತ್ತದೆ, ಮೈ ಬೊಜ್ಜು ಹೆಚ್ಚಾಗುವುದನ್ನು ತಡೆಗಟ್ಟಬಹುದು.ಥೈರಾಯ್ಡ್‌ ಗ್ರಂಥಿ ಉತ್ತಮವಾಗಿ ಕಾರ್ಯನಿರ್ವಹಿಸಲು ಸಹಕಾರಿಇದರಲ್ಲಿ ಅತ್ಯಧಿಕ ಬೀಟಾಕೆರೋಟಿನ್‌ ಹಾಗೂ ಸೆಲೆನಿಯಮ್‌ ಇರುವುದರಿಂದ ಥೈರಾಯ್ಡ್‌ ಗ್ರಂಥಿ ಸರಿಯಾಗಿ ಕಾರ್ಯನಿರ್ವಹಿಸಲು ತುಂಬಾನೇ ಸಹಕಾರಿ.
ಜೋಳದ ರೊಟ್ಟಿ ಮಾಡುವುದು ಹೇಗೆ?
ಮೊದಲಿಗೆ ಸ್ವಲ್ಪ ನೀರಿಗೆ ಉಪ್ಪು ಹಾಕಿ ಕುದಿಸಬೇಕು, ನೀರು ಕುದಿ ಬರುವಾಗ ಜೋಳದ ಹಿಟ್ಟು ಹಾಕಿ ಕಲೆಸಬೇಕು, ಆಗ ಮುದ್ದೆ ರೀತಿಯಾಗುವುದು, ಅದು ಗಟ್ಟಿಯಾಗದಿರಲು ಸ್ವಲ್ಪ ನೀರು ಹಾಕಿ. ಅದಕ್ಕೆ ಜಿಗಟು ಅಂತಾರೆ.
* ಈಗ ಸ್ವಲ್ಪ ಜಿಗಟು ತೆಗೆದು ಅದಕ್ಕೆ ಜೋಳದ ಪುಡಿ ಹಾಕಿ ಚೆನ್ನಾಗಿ ಮಿಕ್ಸ್ ಮಾಡಬೇಕು, ನಂತರ ಸ್ವಲ್ಪ ನೀರು ಸೇರಿಸಿ ಚಪಾತಿಗೆ ಕಲೆಸಿದಂತೆ ಕಲೆಸಿ, ನಂತರ ಸ್ವಲ್ಪ ಪುಡಿ ಉದುರಿಸಿ ರೊಟ್ಟಿ ತಟ್ಟಬೇಕು.
* ನಂತ ಹಂಚು ಬಿಸಿ ಮಾಡಿ ಅದಕ್ಕೆ ರೊಟ್ಟಿ ಹಾಕಿ, ಚಿಕ್ಕ ಬಟ್ಟೆಯನ್ನು ನೀರಿಗೆ ಅದ್ದಿ ರೊಟ್ಟಿ ಮೇಲೆ ಒತ್ತಬೇಕು. ಎರಡು ಬದಿ ಚೆನ್ನಾಗಿ ಬೆಂದರೆ ಜೋಳದ ರೊಟ್ಟಿ ರೆಡಿ.
ಇತ್ತೀಚಿನ ಸುದ್ದಿಗಳಿಗಾಗಿ ಈಗಲೇ ಡೌನ್‌ ಲೋಡ್‌ ಮಾಡಿ:
https://play.google.com/store/apps/details?id=com.speed.newskannada
