ಪೆಬ್ರವರಿ ತಿಂಗಳಲ್ಲಿ ಸರುಕು ಸೇವಾ ತೆರಿಗೆ – ಜಿಎಸ್ ಟಿ 1 ಲಕ್ಷ 49 ಸಾವಿರದ 557 ಕೋಟಿ ರೂಪಾಯಿ ಸಂಗ್ರಹ ಮಾಡಿದೆ ಎಂದು ಹಣಕಾಸು ಸಚಿವಾಲಯ ತಿಳಿಸಿದೆ.ಕಳೆದ ವರ್ಷ ಇದೇ ತಿಂಗಳಿಗೆ ಹೊಲಿಸಿದರೆ ಶೇ. 12ರಷ್ಟು ಜಿಎಸ್ ಟಿ ಸಂಗ್ರಹಣೆ ಹೆಚ್ಚಾಗಿದೆ. ಸತತ 12 ತಿಂಗಳಿನಿಂದ ಪ್ರತಿ ತಿಂಗಳ ಜಿಎಸ್ ಟಿ ಸಂಗ್ರಹದ ಮೊತ್ತ 1 ಲಕ್ಷ 40 ಸಾವಿರಕ್ಕೂ ಅಧಿಕವಾಗಿದೆ ಎಂದು ಪ್ರಕಟಣೆಯಲ್ಲಿ ತಿಳಿಸಿದೆ.ಪೆಬ್ರವರಿ ತಿಂಗಳಲ್ಲಿ ಸಂಗ್ರಹವಾಗಿರುವ 1 ಲಕ್ಷ 49 ಸಾವಿರದ 577 ಕೋಟಿ ರೂಪಾಯಿ ಜಿಎಸ್ ಟಿ ತೆರಿಗೆಯಲ್ಲಿ ಸಿಜಿಎಸ್ ಟಿ- 27 ಸಾವಿರದ 662 ಕೋಟಿ ರೂಪಾಯಿ. ಎಸ್ ಜಿಎಸ್ ಟಿ – 34 ಸಾವಿರದ 915 ಕೋಟಿ ರೂಪಾಯಿ, ಐಜಿಎಸ್ ಟಿ -75 ಸಾವಿರದ 69 ಕೋಟಿ ರೂ. ಹಾಗೂ ಸೆಸ್ ನಿಂದ 11 ಸಾವಿರದ 931 ಕೋಟಿ ಸಂಗ್ರಹ ಮಾಡಲಾಗಿದೆ ಎಂದು ತಿಳಿಸಿದೆ.ಈ ಪೈಕಿ ಕರ್ನಾಟಕದಲ್ಲಿ 10 ಸಾವಿರದ 809 ಕೋಟಿ ರೂ. ತೆರಿಗೆ ಸಂಹ್ರಹಿಸಿದ್ದು, ಕಳೆದ ವರ್ಷ ಇದೇ ತಿಂಗಳಲ್ಲಿ 9 ಸಾವಿರದ 176 ಕೋಟಿರೂ. ತೆರಿಗೆ ಸಂಗ್ರಹಿಸಿದ್ದು, ಈಗ ಶೇ. 18 ರಷ್ಟು ಹೆಚ್ಚಳ ಕಂಡಿದೆ ಎಂದು ಹಣಕಾಸು ಸಚಿವಾಲಯ ತಿಳಿಸಿದೆ.ಉಳಿದಂತೆ ಮಹಾರಾಷ್ಟ್ರದಲ್ಲಿ 22,349 ಕೋಟಿ ರೂ. ತಮಿಳುನಾಡಿದಲ್ಲಿ 8,774 ಕೋಟಿ ರೂ. ಹರಿಯಾಣದಲ್ಲಿ 7310 ಕೋಟಿ.ರೂ. ಉತ್ತರ ಪ್ರದೇಶದಲ್ಲಿ 7431 ಕೋಟಿ ರೂ. ಸೇರಿದಂತೆ ವಿವಿಧ ರಾಜ್ಯಗಳಲ್ಲಿ ದಾಖಲೆಯ ಜಿಎಸ್ ಟಿ ಸಂಗ್ರಹವಾಗಿದೆ ಎಂದು ಹಣಕಾಸು ಸಚಿವಾಲಯ ಮಾಹಿತಿ ನೀಡಿದೆ.
ಇತ್ತೀಚಿನ ಸುದ್ದಿಗಳಿಗಾಗಿ ಈಗಲೇ ಡೌನ್ ಲೋಡ್ ಮಾಡಿ:
https://play.google.com/store/apps/details?id=com.speed.newskannada