ಗದಗ: ಗದಗ ಜಿಲ್ಲೆಯ ಮುಂಡರಗಿ ತಾಲೂಕಿನ ಹಮ್ಮಗಿ ಬ್ಯಾರೇಜ್ ನ ಒಳಹರಿವಿನ ಪ್ರಮಾಣ ತಗ್ಗಿದೆ. ಬೆಳಿಗ್ಗೆ ಹೆಚ್ಚಾಗಿದ್ದ ಒಳಹರಿವಿನ ಪ್ರಮಾಣ ಸಂಜೆ ವೇಳೆ ತಗ್ಗಿದೆ. ಇಂದು ಮುಂಜಾನೆ 1.80 ಲಕ್ಷ ಕ್ಯೂಸೆಕ್ಸ್ ಇದ್ದಿದ್ದ ಒಳಹರಿವಿನ ಪ್ರಮಾಣ ಸಂಜೆಯ ವೇಳೆಗೆ 1.60 ಲಕ್ಷ ಕ್ಯೂಸೆಕ್ಸ್ ಗೆ ಬಂದು ನಿಂತಿದೆ. ಇನ್ನು ಮಳೆ ಪ್ರಮಾಣ ಇಳಿಮುಖ ಆಗಿದ್ದರಿಂದ ನದಿ ಒಳಹರಿವಿನ ಪ್ರಮಾಣದಲ್ಲಿ ಗಣನೀಯವಾಗಿ ಕಡಿಮೆಯಾಗಿದೆ. ಇದರಿಂದ ಹಮ್ಮಗಿ ಸೇರಿದಂತೆ ಹಿನ್ನೀರಿನ ಗ್ರಾಮಗಳು ತುಂಗಭದ್ರಾ ನದಿಯ ಪ್ರವಾಹದ ಆತಂಕದಿಂದ ದೂರವಾಗಿವೆ.
ಇನ್ನು ಹಮ್ಮಗಿ ಬ್ಯಾರೇಜ್ ನಲ್ಲಿ 3.12 ಟಿಎಂಸಿ ನೀರು ಸಂಗ್ರಹ ಸಾಮರ್ಥ್ಯ ಇದೆ.ಆದ್ರೆ ಬ್ಯಾರೇಜ್ ನ ಹಿನ್ನೀರಿನ ಗ್ರಾಮಗಳಾದ ಗುಮ್ಮಗೋಳ, ವಿಠಲಾಪೂರ ಬಿದರಳ್ಳಿ ಮತ್ತ ಬಳ್ಳಾರಿ ಜಿಲ್ಲೆಯ ಹೂವಿನ ಹಡಗಲಿ ತಾಲೂಕಿನ ಅಲ್ಲಿಪುರ ಗ್ರಾಮಗಳು ಮುಳಗಡೆಯಾಗುವ ಸಾಧ್ಯತೆ ಹೆಚ್ಚಿರುವುದರಿಂದ ಬ್ಯಾರೇಜ್ ನಲ್ಲಿ ಕೇವಲ1.99 ಟಿಎಂಸಿ ನೀರನ್ನ ಮಾತ್ರ ಸಂಗ್ರಹಿಸಿ ಉಳಿದ ನೀರನ್ನ ನದಿಗೆ ಹರಿಬಿಡಲಾಗ್ತಿದೆ. ಹೀಗಾಗಿ ಒಟ್ಟು 26 ಗೇಟ್ ಗಳ ಪೈಕಿ 22 ಗೇಟ್ ಗಳ ಮುಖಾಂತರ ನೀರನ್ನ ನದಿಗೆ ಹರಿಬಿಡಲಾಗ್ತಿದೆ. ಇನ್ನು ನಿನ್ನೆ ನೀರು ಹೆಚ್ಚಾಗಿದ್ದ ಪರಿಣಾಮ ನದಿಗೆ ಹೊಂದಿಕೊಂಡಿದ್ದ ಮದಲಗಟ್ಟಿ ಹಣಮಪ್ಪನ ಗುಡಿಯಲ್ಲಿ ನದಿನೀರು ಹೊಕ್ಕಿತ್ತು. ಆದ್ರೆ ಸದ್ಯ ನೀರಿನ ಪ್ರಮಾಣ ಕಡಿಮೆಯಾಗಿದ್ದರಿಂದ ದೇವಸ್ಥಾನಕ್ಕೆ ಜಲದಿಗ್ಭಂದನ ಮುಕ್ತವಾಗಿದೆ.
ಇತ್ತೀಚಿನ ಸುದ್ದಿಗಳಿಗಾಗಿ ಈಗಲೇ ಡೌನ್ ಲೋಡ್ ಮಾಡಿ: