ಕೆಎನ್‌ಎನ್ ಡಿಜಿಟಲ್ ಡೆಸ್ಕ್ : ಒಂದು ಕಾಲದಲ್ಲಿ ವಿಶ್ವದ ಅತ್ಯಂತ ತೂಕದ ವ್ಯಕ್ತಿಯೊಬ್ಬ ಇಂದು ಆಶ್ಚರ್ಯಕರ ರೀತಿಯಲ್ಲಿ ತೂಕ ಇಳಿಸಿಕೊಂಡಿದ್ದಾನೆ. ಹೌದು, ಸೌದಿ ಅರೇಬಿಯಾದ (Saudi Arabia) ಖಾಲಿದ್ ಮೊಹ್ಸಿನ್ ಅಲ್ ಶೇರಿ ಒಂದು ಕಾಲದಲ್ಲಿ ಜಗತ್ತು ಅತ್ಯಂತ ಭಾರವಾದ ವ್ಯಕ್ತಿವಾಗಿದ್ದ, ಆದರೆ ಇಂದು ಈ ವ್ಯಕ್ತಿಯನ್ನು ಗುರುತಿಸುವುದು ಕಷ್ಟವಾಗಿದೆ.
ಖಾಲಿದ್ ಮೊಹ್ಸಿನ್ ಸೌದಿಯ ಜಾರ್ಜನ್ ಮೂಲದವರು. ಖಾಲಿದ್ 17 ವರ್ಷದವನಾಗಿದ್ದಾಗ 609 ಕೆಜಿ ತೂಕಹೊಂದಿದ್ದ. ಖಾಲಿದ್ ಎಷ್ಟು ಭಾರವಾಗಿದ್ದನೆಂದರೆ ಹಾಸಿಗೆಯಿಂದ ಸರಿಯಾಗಿ ಚಲಿಸಲು ಸಾಧ್ಯವಾಗುತ್ತಿರಲಿಲ್ಲ. ಸೌದಿಯ ದಿವಂಗತ ರಾಜ ಅಬ್ದುಲ್ಲಾ ಅವರ ಆದೇಶದ ಮೇರೆಗೆ ಖಲೀದ್ಗೆ ಆಸ್ಪತ್ರೆಯಲ್ಲಿ ತೂಕ ಇಳಿಕೆಯ ಚಿಕಿತ್ಸೆಗೆ ಅವಕಾಶ ಸಿಕ್ಕಿತು. ಹೀಗೆ ಚಿಕಿತ್ಸೆ ದೊರೆತ ಕೇವಲ ಆರು ತಿಂಗಳಲ್ಲೇ ಖಲೀದ್ ದೇಹದ 543 ಕೆಜಿ ತೂಕವನ್ನು ಕಳೆದುಕೊಂಡರು.
2013 ರಲ್ಲಿ ತಂಡವು ಅವನನ್ನು ಆಸ್ಪತ್ರೆಗೆ ಕರೆದೊಯ್ಯಲು ಬಂದಾಗ, ಖಲೀದ್ ನನ್ನು ಮನೆಯ ಮೆಟ್ಟಿಲುಗಳಿಂದ ಕೆಳಗಿಳಿಸುವುದು ಕಷ್ಟವಾಗಿತ್ತು. ಮನೆಯಿಂದ ಹೊರಗೆ ತರಲು ಅವರ ಮನೆಯ ಒಂದು ಭಾಗವನ್ನು ಕೆಡವಬೇಕಾಯಿತು. ನಂತರ ಅವರನ್ನು ಹಾಸಿಗೆಗಳು ಸೇರಿದಂತೆ ಕ್ರೇನ್ ಗಳ ಸಹಾಯದಿಂದ ಆಂಬ್ಯುಲೆನ್ಸ್ ಗಳಲ್ಲಿ ಇರಿಸಲಾಯಿತು. ನಂತರ ಅವರನ್ನು ವಿಮಾನದಲ್ಲಿ ಆಸ್ಪತ್ರೆಗೆ ಕರೆದೊಯ್ಯಲಾಗಿತ್ತು.
ಖಾಲಿದ್ ಅವರನ್ನು 30 ವೈದ್ಯರ ಮೇಲ್ವಿಚಾರಣೆಯಲ್ಲಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡಲಾಗಿದ್ದು, ಈ ಸಮಯದಲ್ಲಿ, ಖಾಲಿದ್ ಗೆ ಶಸ್ತ್ರಚಿಕಿತ್ಸೆಯಿಂದ ಹಿಡಿದು ವಿವಿಧ ವ್ಯಾಯಾಮಗಳು ಮತ್ತು ಚಿಕಿತ್ಸೆಯನ್ನು ನೀಡಲಾಯಿತು. ವೈದ್ಯರು ಶಸ್ತ್ರಚಿಕಿತ್ಸೆ ಮಾಡಿ 543 ಕಿಲೋ ತೂಕವನ್ನು ಕಡಿಮೆ ಮಾಡಿದ್ದಾರೆ. ಈ ಮೂಲಕ ಒಂದು ಕಾಲದಲ್ಲಿ 609 ಕೆಜಿ ಇದ್ದ ವ್ಯಕ್ತಿ ಈಗ ಕೇವಲ 63 ಕೆ.ಜಿ.ಗೆ ದೇಹವನ್ನು ಇಳಿಸಿದ್ದಾರೆ.
ಇತ್ತೀಚಿನ ಸುದ್ದಿಗಳಿಗಾಗಿ ಈಗಲೇ ಡೌನ್‌ ಲೋಡ್‌ ಮಾಡಿ:
