‘ಸನಿಹ ಪಾತ್ರಕ್ಕೆ ಲವ್‌ ಎಪಿಸೋಡ್‌ಗಳಿವೆ ಮತ್ತು ಕೆಲವು ಭಾವನಾತ್ಮಕ ಅಂಶಗಳಿವೆ. ಟೀನೇಜ್‌ನಿಂದ ಮದುವೆಯವರೆಗೆ, ಮದುವೆಯ ನಂತರದ ಜೀವನ ಹೀಗೆ ಹಲವು ಶೇಡ್‌ಗಳಲ್ಲಿ ನನ್ನ ಪಾತ್ರ ಸಾಗುತ್ತದೆ. ಈ ಕಾರಣಕ್ಕಾಗಿ ಮೂರು ರೀತಿಯ ಲುಕ್‌ಗಳು ಚಿತ್ರದಲ್ಲಿವೆ. ಈ ಪೈಕಿ ಕಾಲೇಜು ಹುಡುಗಿಯ ಲುಕ್‌ ನನ್ನ ಫೇವರಿಟ್‌. ಇದರಲ್ಲಿ ಹೇರ್‌ ಕಟ್‌ ಮತ್ತು ಕಾಸ್ಟ್ಯೂಮ್‌ಗಳನ್ನೂ ಅಂದಿನ ಕಾಲಕ್ಕೆ ಮ್ಯಾಚ್‌ ಮಾಡಿದ್ದೇವೆ. ಈ ಪಾತ್ರಕ್ಕಾಗಿ ನಾನು ಕೊಂಚ ಸಣ್ಣ ಮತ್ತು ದಪ್ಪ ಎಲ್ಲವೂ ಆಗಿದ್ದೆ. ನಿರ್ದೇಶಕರು ನನ್ನ ಪಾತ್ರವನ್ನು ಬಹಳ ಚೆಂದವಾಗಿ ಕಟ್ಟಿಕೊಟ್ಟಿದ್ದಾರೆ’ ಎನ್ನುವುದು ಐಶಾನಿ ಶೆಟ್ಟಿ ಮಾತು.
‘ಈ ಪಾತ್ರವನ್ನು ನಾನು ಒಪ್ಪಿಕೊಳ್ಳಲು ಮುಖ್ಯ ಕಾರಣ ಚಿತ್ರದಲ್ಲಿರುವ ಎಮೋಷನಲ್‌ ಗ್ರಾಫ್‌. ಕಾಲೇಜು ದಿನಗಳ ಹುಡುಗಾಟಿಕೆ, ನಂತರ ಬರುವ ಸೀರಿಯಸ್ನೆಸ್‌, ಮದುವೆಯ ನಂತರದ ಸಮಸ್ಯೆಗಳು ಹೀಗೆ ಎಲ್ಲವನ್ನೂ ಬಹಳ ಚೆಂದವಾಗಿ ವಿವರಿಸಿದ್ದಾರೆ ನಿರ್ದೇಶಕರು. ಈ ರೀತಿಯ ಪಾತ್ರ ನಮ್ಮ ಸುತ್ತಮುತ್ತ ನಡೆಯುತ್ತಲೇ ಇರುತ್ತದೆ. ಹಾಗಾಗಿ ಸನಿಹ ಪಾತ್ರ ಹಲವರಿಗೆ ಕನೆಕ್ಟ್ ಆಗುತ್ತದೆ’ ಎಂದಿದ್ದಾರೆ ಐಶಾನಿ ಶೆಟ್ಟಿ. ‘ಹೊಂದಿಸಿ ಬರೆಯಿರಿ’ ಸಿನಿಮಾದಲ್ಲಿ ಅವರು ನಟ ಶ್ರೀಮಹಾದೇವ್‌ಗೆ ಜೋಡಿಯಾಗಿ ನಟಿಸಿದ್ದಾರೆ.
https://play.google.com/store/apps/details?id=com.speed.newskannada
