ಹೊಸದಿಲ್ಲಿ: ನಿಮ್ಮ ಮೊಬೈಲ್ಗೊಂದು, ಟ್ಯಾಬ್ಗೊಂದು, ಲ್ಯಾಪ್ಟಾಪ್ಗೊಂದು – ಹೀಗೆ ನಾನಾ ರೀತಿಯ ಚಾರ್ಜರ್ಗಳನ್ನು ಬಳಸಿ ಬೇಸತ್ತಿರುವಿರಾ? 3-4 ಚಾರ್ಜರ್ಗಳನ್ನು ಬಳಸಲು ಕಷ್ಟವಾಗುತ್ತಿದೆಯೇ? ಇನ್ನೆರಡು ವರ್ಷಗಳಲ್ಲಿ ನಿಮ್ಮ ಸಮಸ್ಯೆಗೆ ಪರಿಹಾರ ಸಿಗಲಿದೆ.ಯುಎಸ್ಬಿ ಸಿ-ಟೈಪ್ ಚಾರ್ಜಿಂಗ್ ಪೋರ್ಟ್ ಬಳಕೆಯನ್ನು 2025ರ ಮಾರ್ಚ್ನಿಂದ ಕೇಂದ್ರ ಸರಕಾರವು ಕಡ್ಡಾಯ ಮಾಡಲಿದ್ದು, ಒಂದೇ ರೀತಿಯ ಚಾರ್ಜರ್ ಬಳಸಿ ಎಲ್ಲ ಸಾಧನಗಳನ್ನೂ ಚಾರ್ಜ್ ಮಾಡಲು ಸಾಧ್ಯವಾಗಲಿದೆ. ಭಾರತದಲ್ಲಿ ಯುಎಸ್ಬಿ ಟೈಪ್-ಸಿ ಪೋರ್ಟ್ ಹೊಂದಿರುವ ಎಲೆಕ್ಟ್ರಾನಿಕ್ಸ್ ಸಾಧನಗಳನ್ನೇ ಮಾರಾಟ ಮಾಡುವಂತೆ ಉತ್ಪಾದಕ ಕಂಪನಿಗಳಿಗೆ ಸೂಚಿಸಲಾಗಿದ್ದು, 2025ರ ಮಾರ್ಚ್ ಗಡುವನ್ನು ನೀಡಲಾಗಿದೆ.ಏಕರೂಪದ ಚಾರ್ಜರ್ ಬಳಕೆಗೆ ತಕ್ಕನಾಗಿ ಮೊಬೈಲ್, ಟ್ಯಾಬ್ ಸೇರಿದಂತೆ ಎಲೆಕ್ಟ್ರಾನಿಕ್ಸ್ ಸಾಧನಗಳನ್ನು ಅಭಿವೃದ್ಧಿ ಪಡಿಸಬೇಕು ಎನ್ನುವ ಬೇಡಿಕೆ ಬಹಳ ವರ್ಷಗಳಿಂದ ಇದೆ. ಈ ವಿಷಯದಲ್ಲಿ ಐರೋಪ್ಯ ಒಕ್ಕೂಟದ ಕಾಲಮಿತಿಗೆ ಅನುಗುಣವಾಗಿ ಯುಎಸ್ಬಿ ಟೈಪ್-ಸಿ ಪೋರ್ಟ್ಗಳನ್ನು ಕಡ್ಡಾಯಗೊಳಿಸಲು ಬ್ಯೂರೋ ಆಫ್ ಇಂಡಿಯನ್ ಸ್ಟ್ಯಾಂಡರ್ಡ್ (ಬಿಐಎಸ್) ಮುಂದಾಗಿದೆ. ಇದನ್ನು ಜಾರಿಗೊಳಿಸುವ ನಿಟ್ಟಿನಲ್ಲಿ ಸರಕಾರವು ಕಾರ್ಯ ಪ್ರವೃತ್ತವಾಗಿದೆ.2025ರ ಮಾರ್ಚ್ ಗಡುವಿನೊಳಗೆ ಎಲ್ಲ ಸ್ಮಾರ್ಟ್ಫೋನ್ಗಳಿಗೆ ಯುಎಸ್ಬಿ ಟೈಪ್-ಸಿ ಪೋರ್ಟ್ ಕಡ್ಡಾಯವಾಗಲಿದೆ. ಲ್ಯಾಪ್ಟಾಪ್ ಉತ್ಪಾದಕರಿಗೆ ಅಗತ್ಯ ಬದಲಾವಣೆಗೆ 2026ರ ತನಕ ಗಡುವು ನೀಡಲಾಗಿದೆ.
ಇತ್ತೀಚಿನ ಸುದ್ದಿಗಳಿಗಾಗಿ ಈಗಲೇ ಡೌನ್ ಲೋಡ್ ಮಾಡಿ:
https://play.google.com/store/apps/de…