ಜಿಲ್ಲೆಯಲ್ಲಿ ಬೃಹತ್ ಜಲಾಶಯವಿದ್ದರೂ ಬೇಸಿಗೆಯಲ್ಲಿ ಕೆಲವೆಡೆ ಕುಡಿವ ನೀರಿಗೆ ಹಾಹಾಕಾರ ಉಂಟಾಗುತ್ತದೆ. ಹೀಗಾಗಿ ಬೇಸಿಗೆಯಲ್ಲಿ ಜನ ಜಾನುವಾರುಗಳಿಗೆ ಕುಡಿವ ನೀರಿನ ತೊಂದರೆಯಾಗದಂತೆ ಜಲಾಶಯದ ನೀರನ್ನು ಎಚ್ಚರಿಕೆಯಲ್ಲಿ ಅಳೆದು ತೂಗಿ ಬಳಕೆ ಮಾಡಬೇಕಿದೆ.519.60ಮೀ ಗರಿಷ್ಠ ಮಟ್ಟದಲ್ಲಿ 123.081 ಟಿಎಂಸಿ ನೀರು ಸಂಗ್ರಹಣಾ ಸಾಮಾರ್ಥ್ಯದ ಆಲಮಟ್ಟಿ ಜಲಾಶಯದಲ್ಲಿ ಫೆ.27ರಂದು 513.70 ಮೀಟರ್ ಎತ್ತರದಲ್ಲಿ 52.424 ಟಿಎಂಸಿ ನೀರು ಸಂಗ್ರಹವಿದೆ. ಇದರಲ್ಲಿ 17.62 ಟಿಎಂಸಿ ಡೆಡ್ ಸ್ಟೋರೇಜ್ಗೆ ಮೀಸಲಿದ್ದು, ಉಳಿದ 34.804 ಟಿಎಂಸಿ ನೀರಿನಲ್ಲಿ ಮಾ.30ರವರೆಗೆ ಕಾಲುವಗಳಿಗೆ ನೀರು ಹರಿಸಿ ಉಳಿದ ನೀರಿನಲ್ಲಿ ಬೇಸಿಗೆಯಲ್ಲಿಕುಡಿವ ನೀರು, ಕೆರೆ ತುಂಬಿಸುವುದು ಸೇರಿದಂತೆ ಬೇಸಿಗೆಯಲ್ಲಿ ಬಳಕೆ ಮಾಡಬೇಕು.2022ರ ಫೆ.27ರಂದು ಜಲಾಶಯದಲ್ಲಿ 516.08 ಮೀಟರ್ ಎತ್ತರದಲ್ಲಿ 73.838 ಟಿಎಂಸಿ ನೀರು ಸಂಗ್ರಹವಾಗಿತ್ತು. ಕಳೆದ ವರ್ಷಕ್ಕೆ ಹೋಲಿಸಿದರೆ ಈ ವರ್ಷ ಅಂದಾಜು 21.414 ಟಿಎಂಸಿ ನೀರು ಕಡಿಮೆ ಇದೆ. ಹೀಗಾಗಿ ಜಲಾಶಯದ ನೀರನ್ನು ವ್ಯರ್ಥವಾಗಿ ಬಳಸದೇ ಸಮರ್ಪಕವಾಗಿ ಬಳಕೆ ಮಾಡುವ ಸವಾಲು ಅಧಿಕಾರಿಗಳಿಗೆ ಇದೆ.
ಇತ್ತೀಚಿನ ಸುದ್ದಿಗಳಿಗಾಗಿ ಈಗಲೇ ಡೌನ್ ಲೋಡ್ ಮಾಡಿ:
https://play.google.com/store/apps/details?id=com.speed.newskannada