ನಟ ವಿಷ್ಣು ವಿಶಾಲ್ ಅವರ ತಮಿಳು ಚಲನಚಿತ್ರ ಎಫ್ಐಆರ್ ತೆಲಂಗಾಣದ ಆಲ್ ಇಂಡಿಯಾ ಮಜ್ಲಿಸ್-ಎ-ಇತ್ತೆಹಾದುಲ್ ಮುಸ್ಲಿಮೀನ್ (ಎಐಎಂಐಎಂ) ನಿಂದ ವಿರೋಧವನ್ನು ಎದುರಿಸುತ್ತಿದೆ.
ಎಐಎಂಐಎಂ ಶಾಸಕರಾದ ಸೈಯದ್ ಅಹಮದ್ ಪಾಷಾ ಕ್ವಾದ್ರಿ, ಜಾಫರ್ ಹುಸೇನ್ ಮೆರಾಜ್ ಮತ್ತು ಕೌಸರ್ ಮೊಹಿಯುದ್ದೀನ್ ಶುಕ್ರವಾರ ಸಿನಿಮಾಟೋಗ್ರಫಿ ಸಚಿವ ಟಿ ಶ್ರೀನಿವಾಸ್ ಯಾದವ್ ಅವರನ್ನು ಭೇಟಿ ಮಾಡಿ ‘ಎಫ್ಐಆರ್’ ಚಿತ್ರದ ವಿರುದ್ಧ ಮನವಿ ಸಲ್ಲಿಸಿದರು.
ಚಿತ್ರದ ಪೋಸ್ಟರ್‌ನಲ್ಲಿ ‘ಶಹದಾ’ ಎಂಬ ಪದವನ್ನು ಹಿನ್ನೆಲೆಯಲ್ಲಿ ಬರೆಯಲಾಗಿರುವುದರಿಂದ ಚಿತ್ರವು ವಿರೋಧವನ್ನು ಎದುರಿಸುತ್ತಿದೆ ಎಂದು ವರದಿಯಾಗಿದೆ.
ವಿಷ್ಣು ವಿಶಾಲ್ ಅವರ ಇತ್ತೀಚಿನ ತಮಿಳು ಚಿತ್ರ ಇಂದು ವಿಶ್ವದಾದ್ಯಂತ ತೆರೆಗೆ ಅಪ್ಪಳಿಸಿದೆ. ಆದರೆ, ಮೂರು ದೇಶಗಳಲ್ಲಿ ಎಫ್ಐಆರ್ ಬಿಡುಗಡೆ ಮಾಡುವುದನ್ನು ನಿಷೇಧಿಸಲಾಗಿದೆ.
ವರದಿಯ ಪ್ರಕಾರ, ಚಲನಚಿತ್ರ ಎಫ್ಐಆರ್ ಸ್ಥಳೀಯ ಸೆನ್ಸಾರ್ ಮಂಡಳಿಗಳಿಂದ ಅನುಮೋದನೆ ಪಡೆಯಲು ವಿಫಲವಾಗಿದೆ ಮತ್ತು ಪ್ರಸ್ತುತ ಮಲೇಷ್ಯಾ, ಕುವೈತ್ ಮತ್ತು ಕತಾರ್‌ನಲ್ಲಿ ಚಲನಚಿತ್ರವನ್ನು ನಿಷೇಧಿಸಲಾಗಿದೆ.
ಮನು ಆನಂದ್ ನಿರ್ದೇಶನದ ಈ ಚಿತ್ರದಲ್ಲಿ ವಿಷ್ಣು ವಿಶಾಲ್, ರೆಬಾ ಮೋನಿಕಾ ಜಾನ್, ಗೌತಮ್ ವಾಸುದೇವ್ ಮೆನನ್ ಮತ್ತು ಮಂಜಿಮಾ ಮೋಹನ್ ಮುಖ್ಯ ಭೂಮಿಕೆಯಲ್ಲಿದ್ದಾರೆ.
ಇತ್ತೀಚಿನ ಸುದ್ದಿಗಳಿಗಾಗಿ ಈಗಲೇ ಡೌನ್‌ ಲೋಡ್‌ ಮಾಡಿ:
https://play.google.com/store/apps/details?id=com.speed.newskannada
