ಬಾಳೆ ಹಣ್ಣುಗಳ ಗುಣವೇ ಹಾಗೆ. ಪುಟ್ಟ ಬಾಳೆ, ಪಚ್ಚ ಬಾಳೆ, ಚುಕ್ಕಿ ಬಾಳೆ ಹೀಗೆ ನಾನಾ ವಿಧದ ಬಾಳೆ ಹಣ್ಣುಗಳು ಸಿಹಿಯಾದ ಸ್ವಾದದ ಜೊತೆಗೆ ಉತ್ತಮ ಆರೋಗ್ಯಕರ ಅಂಶಗಳನ್ನು ತಮ್ಮಲ್ಲಿ ಒಳಗೊಂಡಿವೆ. ಬೆಳಗಿನ ಉಪಹಾರದ ಸಮಯದಲ್ಲಿ, ಮಧ್ಯಾಹ್ನದ ಊಟದ ನಂತರ ಅಥವಾ ಸಂಜೆಯ ಸ್ನಾಕ್ಸ್ ಸವಿಯುವ ವೇಳೆ ಇಲ್ಲವೆಂದರೆ ರಾತ್ರಿ ಊಟದ ನಂತರ ಬಾಳೆ ಹಣ್ಣು ಸೇವಿಸುವ ಅಭ್ಯಾಸ ಇಟ್ಟುಕೊಂಡರೆ, ನಾವು ತಿಂದ ಆಹಾರ ಚೆನ್ನಾಗಿ ಜೀರ್ಣಗೊಂಡು ಪಚನ ಕ್ರಿಯೆಗೆ ಸಹಾಯಕವಾಗುತ್ತದೆ.ಇತರೆ ಬಾಳೆಹಣ್ಣುಗಳಿಗೆ ಹೋಲಿಸಿದರೆ ಕಪ್ಪು ಕಲೆಗಳನ್ನು ಹೊಂದಿರುವ ಬಾಳೆಹಣ್ಣುಗಳು ವಿಟಿಮಿನ್ ʼಎʼ ಅಂಶ ಹೆಚ್ಚು ಹೊಂದಿರುತ್ತದೆ. ಇದನ್ನು ನಿಯಮಿತವಾಗಿ ಸೇವಿಸುವುದರಿಂದ ದೃಷ್ಟಿ ಹೆಚ್ಚುತ್ತದೆ.ಇನ್ನೂ ಕೆಲ ಜನರು ಬಾಳೆ ಹಣ್ಣಿನ ರುಚಿ ಹೆಚ್ಚಿಸಲು ಅದನ್ನು ಬ್ರೆಡ್, ಕೇಕ್, ಮೊಸರು ಹೀಗೆ ಹಲವಾರು ವಿಧದ ಇತರ ಆಹಾರಗಳ ಜೊತೆ ಸೇರಿಸಿ ಇನ್ನಷ್ಟು ಬಗೆ ಬಗೆಯ ರುಚಿಕರ ಆಹಾರಗಳನ್ನು ತಯಾರಿಸಿ ಸವಿಯುತ್ತಾರೆ. ಬಾಳೆ ಹಣ್ಣನ್ನು ಇಷ್ಟೆಲ್ಲಾ ರೀತಿಯಲ್ಲಿ ಸವಿಯಬೇಕಾದರೆ ಅದರ ಉಪಯೋಗಗಳ ಬಗ್ಗೆ ನಿಮಗೆ ತಿಳಿಸಲೇಬೇಕು. ಬಾಳೆ ಹಣ್ಣನ್ನು ಇಷ್ಟ ಪಟ್ಟು ಸವಿದ ಯಾವುದೇ ವ್ಯಕ್ತಿಗೆ ದೇಹದ ತುಂಬಾ ಶಕ್ತಿ ಸಂಚಲನ ವಾಗಿ, ಹೊಟ್ಟೆಯುಬ್ಬರ ಕಡಿಮೆಯಾಗಿ, ಮೂತ್ರ ಪಿಂಡ ಗಳಲ್ಲಿ ಕಲ್ಲುಗಳು ಇಲ್ಲವಾಗಿ ಹೃದಯದ ಆರೋಗ್ಯ ಉತ್ತಮಗೊಂಡು ಅಜೀರ್ಣತೆ ದೂರವಾಗುತ್ತದೆ.
ಇತ್ತೀಚಿನ ಸುದ್ದಿಗಳಿಗಾಗಿ ಈಗಲೇ ಡೌನ್ ಲೋಡ್ ಮಾಡಿ:
https://play.google.com/store/apps/details?id=com.speed.newskannada