ಬಾಲಿವುಡ್ ನಟಿ ಅನುಷ್ಕಾ ಶರ್ಮಾ ಬಾಂಬೆ ಹೈಕೋರ್ಟ್ ಮೊರೆ ಹೋಗಿದ್ದಾರೆ. 2012-2013 ಮತ್ತು 2013-2014ರ ಬಾಕಿ ತೆರಿಗೆ ಪಾವತಿಸುವಂತೆ ಮಾರಾಟ ತೆರಿಗೆಯ ಉಪ ಆಯುಕ್ತರು ನೀಡಿದ್ದ ಎರಡು ಆದೇಶಗಳನ್ನು ಪ್ರಶ್ನಿಸಿ ನಟಿ ಅನುಷ್ಕಾ ಶರ್ಮಾ ಬಾಂಬೆ ಹೈಕೋರ್ಟ್ನ ಮೆಟ್ಟಿಲೇರಿದ್ದಾರೆ. ಅನುಷ್ಕಾ ಶರ್ಮಾ ಸಲ್ಲಿಸಿರುವ ಮನವಿಗೆ ಉತ್ತರ ನೀಡುವಂತೆ ಮಹಾರಾಷ್ಟ್ರ ರಾಜ್ಯ ಸರ್ಕಾರಕ್ಕೆ ಬಾಂಬೆ ಹೈಕೋರ್ಟ್ ಇಂದು (ಗುರುವಾರ, ಜನವರಿ 12) ನಿರ್ದೇಶನ ನೀಡಿದೆ ನ್ಯಾಯಾಧೀಶರಾದ ನಿತಿನ್.ಎಂ.ಜಮ್ದಾರ್ ಮತ್ತು ಅಭಯ್ ಅಹುಜಾ ಅವರ ಪೀಠವು ನಟಿ ಅನುಷ್ಕಾ ಶರ್ಮಾ ಅವರ ಮನವಿ ಅರ್ಜಿಯನ್ನ ಆಲಿಸಿದರು. ಎಂಡಾರ್ಸ್ಮೆಂಟ್ಸ್ ಹಾಗೂ ಪ್ರಶಸ್ತಿ ಕಾರ್ಯಕ್ರಮಗಳಲ್ಲಿನ ಆಂಕರಿಂಗ್ಗೆ ತಾವು ಪಡೆದ ಶುಲ್ಕದ ಮೇಲೆ ಮೌಲ್ಯಮಾಪನ ಮಾಡುವ ಅಧಿಕಾರಿ ತಪ್ಪಾಗಿ ಮಾರಾಟ ತೆರಿಗೆ (ಸೇಲ್ಸ್ ಟ್ಯಾಕ್ಸ್) ವಿಧಿಸಿದ್ದಾರೆ ಎಂದು ತಮ್ಮ ಅರ್ಜಿಯಲ್ಲಿ ಅನುಷ್ಕಾ ಶರ್ಮಾ ಉಲ್ಲೇಖಿಸಿದ್ದಾರೆ.2012-13ರಲ್ಲಿ ಅನುಷ್ಕಾ ಶರ್ಮಾ ಪಡೆದ 12.3 ಕೋಟಿ ರೂಪಾಯಿ ಶುಲ್ಕದ ಮೇಲೆ ಪ್ರಾಧಿಕಾರವು 1.2 ಕೋಟಿ ರೂಪಾಯಿ ಮಾರಾಟ ತೆರಿಗೆ ವಿಧಿಸಿತ್ತು. 2013-14ರಲ್ಲಿ ಅನುಷ್ಕಾ ಶರ್ಮಾ ಪಡೆದಿದ್ದ 17 ಕೋಟಿ ರೂಪಾಯಿ ಶುಲ್ಕದ ಮೇಲೆ 1.6 ಕೋಟಿ ರೂಪಾಯಿ ತೆರಿಗೆ ವಿಧಿಸಲಾಗಿತ್ತು.
https://play.google.com/store/apps/details?id=com.speed.newskannada