ಪಿಚ್ಗೆ ಎಂಟ್ರಿ ಆಗೋಕು ಮುಂಚೆ ಬ್ಯಾಟ್ ಹಿಡಿಯೋದು ಹೇಗೆ ಅಂತ ಕಲ್ತ್ಕೊ ಇದುಕ್ಕೆ ಅಂತ ಒಂದು ಸ್ಟೈಲ್ ಇದೆ, ಗ್ರಿಪ್ ಇದೆ,ಲಾಂಗ್ ಹಿಡಿಯೋರೆಲ್ಲಾ ರೌಡಿಗಳಾಗಲ್ಲ ಸೌಂಡ್ ಕೊಡೊರೆಲ್ಲ ಪಂಟ್ರುಗಳಾಗಲ್ಲ. ಹೀರೋ ಆಗಬೇಕು ಅಂತ ಇಂಡಸ್ಟ್ರಿಗೆ ಬಂದೊರೆಲ್ಲಾ ಹೀರೋಯಿಸಂ ತೊರ್ಸ್ ಬೊದು ಅಷ್ಟೇ ,ಆದ್ರೆ ಹ್ಯಾಟ್ರಿಕ್ ಹೊಡೆದು ಟ್ರೀಕ್ ಅಲ್ಲೇ ಟ್ರೀಪ್ ಹಾಕಿಸಿ ಲಾಂಗ್ ಅಲ್ಲೇ ಸೂಪ್ ಕೂಡಿಸೋದು ಹೇಗೆ ಅಂತ ತೊರಿಸಿಕೊಟಿದ್ದೆ ಭಜ ಭಜ ಭಜರಂಗಿಯ ಅವತಾರ ಶಿವರಾಜ್ ಕುಮಾರ್.
ಅಯ್ಯೋ ತಪ್ ತಿಳಿಕೊಬೇಡಿ ಸ್ವಾಮಿ, ಭಜರೇ ಭಜರೇ ಭಜರಂಗಿ ಅಂತ ಭರ್ಜರಿಯಾಗಿ ಭಜರಂಗಿ ಟ್ರೇಲರ್ ಬಿಡುಗಡೆಯಾಗಿದೆ. ನಿರ್ದೇಶಕ ಎ. ಹರ್ಷ ಮತ್ತು ಶಿವರಾಜ್ಕುಮಾರ್ ಕಾಂಬಿನೇಷನ್ನಲ್ಲಿ ಮೂಡಿ ಬಂದಿರುವ ‘ಭಜರಂಗಿ 2’ ಚಿತ್ರದ ಬಗ್ಗೆ ಸಿನಿಪ್ರಿಯರಿಗೆ ದೊಡ್ಡ ಮಟ್ಟದ ನಿರೀಕ್ಷೆ ಇದೆ. ಈಗಾಗಲೇ ಈ ಸಿನಿಮಾದ ಟೀಸರ್ ಮತ್ತು ಪೋಸ್ಟರ್ಗಳು ರಿಲೀಸ್ ಆಗಿದ್ದು, ಸಿನಿಮಾದ ನಿರೀಕ್ಷೆಯನ್ನು ಹೆಚ್ಚಿಸಿವೆ. 2013ರಲ್ಲಿ ತೆರೆಕಂಡ ಭಜರಂಗಿ ಸಿನಿಮಾದ ಮುಂಧೆವರೆದ ಭಾಗವೇ ಈ ಭಜರಂಗಿ 2 ಎನ್ನಲಾಗುತ್ತಿದೆ. ಜಯಣ್ಣ-ಭೋಗೇಂದ್ರ ನಿರ್ಮಾಣದಲ್ಲಿ ಮೂಡಿ ಬಂದಿರುವ ಈ ಸಿನಿಮಾ ಅಕ್ಟೋಬರ್ 29ರಂದು ತೆರೆಗಪ್ಪಳಿಸಲಿದೆ. ಮ್ಯೂಸಿಕ್ ಮಾಂತ್ರಿಕ ಅರ್ಜುನ್ ಜನ್ಯ ಸಂಗೀತ ಸಂಯೋಜನೆ ಈ ಚಿತ್ರಕ್ಕೆ ಇದೆ ಅಂದಮೇಲೆ ರ್ರಾಂ ರ್ರೀಂ ಪಟ್ ಅಂತ ಮಾಂತ್ರಿಕ ಸ್ಟೈಲ್ ಅಲ್ಲಿ ಹೇಳೋಕೆ ನಾವ್ ರೇಡಿಯಾಗೊಣ.
ಅತೀಂದ್ರಿಯ ಶಕ್ತಿಯ ಅಂಶಗಳನ್ನು ಹೊಂದಿರುವ ಈ ಸಿನಿಮಾ ಹೇಗೆ ಮೂಡಿಬಂದಿದೆ ಎಂಬುದರ ಝಲಕ್ ‘ಭಜರಂಗಿ 2’ ಟ್ರೇಲರ್ನಲ್ಲಿ ತೋರಿಸಲಾಗಿದೆ. ನಟ ಶಿವರಾಜ್ಕುಮಾರ್, ನಟಿ ಭಾವನಾ ಮೆನನ್ ಮಾತ್ರವಲ್ಲದೇ ಎಲ್ಲ ಪಾತ್ರಗಳನ್ನು ಟ್ರೇಲರ್ನಲ್ಲಿ ಅದ್ಬುತವಾಗಿ ಆಗಿ ತೋರಿಸಲಾಗಿದೆ. ಈ ಟ್ರೇಲರ್ ನೋಡಿದ ಮೇಲಂತೂ ಯಾವಾಗ ಸಿನಿಮಾ ನೋಡ್ತಿವೋ ಅಂತ ವೀಕ್ಷಕರು ಕಾಯುತಿದ್ದಾರೆ.
ಅತೀಂದ್ರಿಯ ಶಕ್ತಿಯಅದ್ದೂರಿ ಸೆಟ್ಗಳು, ಬಹು ತಾರಾಗಣ, ಭರ್ಜರಿ ಆಯಕ್ಷನ್ ದೃಶ್ಯಗಳು, ಸಿನಿಮಾದ ವಿಭಿನ್ನವಾದ ಕಥಾವಸ್ತು, ಎಲ್ಲದಕ್ಕಿಂತ ಹೆಚ್ಚಾಗಿ ಶಿವರಾಜ್ಕುಮಾರ್ ಮತ್ತು ಹರ್ಷ ಕಾಂಬಿನೇಷನ್ ಈ ಚಿತ್ರದ ಪ್ಲಸ್ ಪಾಯಿಂಟ್ ಆಗಿದೆ. ಈ ಪವರ್ಫುಲ್ ಕಾಂಬಿನೇಷನ್ ಸಿನಿಮಾ ಮಾಡಿದರೆ ಅದು ಪಕ್ಕಾ ಸಕ್ಸಸ್ ಎಂಬುದು ಗಾಂಧಿನಗರದ ಲೆಕ್ಕಾಚಾರ. ಕೆಲವೇ ದಿನಗಳ ಹಿಂದೆ ನಟಿ ಭಾವಾನಾ, ಹಿರಿಯ ನಟಿ ಶ್ರುತಿ, ಖಳನಟ ಲೋಕಿ, ಅವರ ಪೋಸ್ಟರ್ಗಳನ್ನು ಬಿಡುಗಡೆ ಮಾಡಲಾಗಿತ್ತು.
ಜಯಣ್ಣ ಕಂಬೈನ್ಸ್ ಬ್ಯಾನರ್ನಲ್ಲಿ ‘ಭಜರಂಗಿ 2′ ನಿರ್ಮಾಣ ಆಗಿದ್ದು, ರಘು ನಿಡುವಳ್ಳಿ ಸಂಭಾಷಣೆ ಬರೆದಿದ್ದಾರೆ. ಸ್ವಾಮಿ ಜೆ. ಗೌಡ ಛಾಯಾಗ್ರಹಣ, ದೀಪು ಎಸ್. ಕುಮಾರ್ ಸಂಕಲನದ ಜವಾಬ್ದಾರಿ ನಿಭಾಯಿಸಿದ್ದಾರೆ. ಭಜರಂಗಿ 2’ ಚಿತ್ರ ಆಗಸ್ಟ್ನಲ್ಲಿ ಬಿಡುಗಡೆಯಾಗಬೇಕಿತ್ತು. ಆದ್ರೆ ಕೋವಿಡ್ ಎರಡನೇ ಅಲೆ ಹಾಗೂ ಲಾಕ್ಡೌನ್ನಿಂದಾಗಿ ‘ಭಜರಂಗಿ 2’ ಚಿತ್ರದ ಪೋಸ್ಟ್ ಪ್ರೊಡಕ್ಷನ್ ಕೆಲಸಗಳು ಕೊಂಚ ತಡವಾಗಿದ್ದವು. ಅ.29ರಂದು ‘ಭಜರಂಗಿ 2’ ಚಿತ್ರ ನಿಮ್ಮೆಲ್ಲರ ಮುಂದೆ ಬರಲಿದೆ.
ನಟ ಶಿವ ರಾಜ್ಕುಮಾರ್ ಹುಟ್ಟುಹಬ್ಬದ ವಿಶೇಷವಾಗಿ ಭಜರಂಗಿ-2 ಚಿತ್ರತಂಡ ಟೀಸರ್ ಅನ್ನು ಬಿಡುಗಡೆ ಮಾಡಿತ್ತು. ಆ ಮೂಲಕ ಶಿವಣ್ಣನ ಕಡೆಯಿಂದ ಅಭಿಮಾನಿಗಳಿಗೆ ಸರ್ಪ್ರೈಸ್ ನೀಡಿತ್ತು. ಬಿಡುಗಡೆಗೊಂಡ ಟೀಸರ್ ಯ್ಯೂಟೂಬ್ನಲ್ಲಿ ಒಂದೇ ದಿನದಲ್ಲಿ ಸಾಕಷ್ಟು ಹವಾ ಸೃಷ್ಟಿಸಿತ್ತು. ಬಿಡುಗಡೆಗೊಂಡ ಟೀಸರ್ 24 ಗಂಟೆಗಳ ಒಳಗೆ ಅತಿ ಹೆಚ್ಚು ವೀಕ್ಷಣೆಕಂಡ ಕೆಲವೇ ಕೆಲವು ಕನ್ನಡದ ಸಿನಿಮಾ ಟೀಸರ್ಗಳ ಪೈಕಿಯಲ್ಲಿ ಭಜರಂಗಿ-2 ಸೇರಿಕೊಂಡಿದೆ.
ಅದ್ಧೂರಿ ಸೆಟ್ ಗಳು, ಭಯ ಹುಟ್ಟಿಸುವ ಭಯಾನಕ ಪಾತ್ರಗಳು, ಬೆಂಕಿಯುಗುಳುವ ಕಂಗಳು… ಒಂದಾ. ಎರಡಾ…. “ಭಜರಂಗಿ-2′ ಟ್ರೇಲರ್ ನೋಡಿದಾಗ ನಿಮಗೆ ಸಾಕಷ್ಟು ವಿಭಿನ್ನ ಅಂಶಗಳು ಕಾಣಸಿಕೊಳ್ಳುತ್ತೆ.ಒಂದು ಫ್ಯಾಂಟಸಿ ಲೋಕವನ್ನೇ ಧರೆಗಿಳಿಸಿದ್ದಾರೆ.ಕನ್ನಡಕ್ಕೆ ಹೊಸತೆನಿಸುವ ಈ ಫ್ಯಾಂಟಸಿ ಡ್ರಾಮಾದಲ್ಲಿ ಒಂದಷ್ಟು ವಿಚಿತ್ರ, ವಿಕ್ಷಿಪ್ತ ಪಾತ್ರಗಳು ಕಾಣಸಿಗುತ್ತವೆ. ಜೊತೆಗೆ ಅಗೋಚರ ಶಕ್ತಿಗಳ ಛಾಯೆ, ಮಾಯೆ ಎಲ್ಲವೂ ಈ ಟ್ರೇಲರ್ನಲ್ಲಿವೆ.
ತಾಜಾ ಸುದ್ಧಿಗಳಿಗಾಗಿ ಈಗಲೇ ಡೌನ್ ಲೋಡ್ ಮಾಡಿ :
https://play.google.com/store/apps/details?id=com.speed.newskannada