5 ದಿನ, 809 ವೈಮಾನಿಕ ವಲಯದ ಪ್ರದರ್ಶನ
ಇಂದಿನಿಂದ 5 ದಿನಗಳ ಕಾಲ ಬೆಂಗಳೂರಲ್ಲಿ ಲೋಹದ ಹಕ್ಕಿಗಳ ಕಲರವದ ರಂಗು ಇರಲಿದೆ. ಅಮೆರಿಕಾ, ಬ್ರಿಟನ್, ಇಸ್ರೇಲ್, ಇಟಲಿ, ಜಪಾನ್ ಸೇರಿ 20ಕ್ಕೂ ಹೆಚ್ಚು ರಾಷ್ಟ್ರಗಳ ಯುದ್ಧ ವಿಮಾನಗಳು ಏರ್ ಶೋದಲ್ಲಿ ಕಸರತ್ತು ಪ್ರದರ್ಶಿಸಲಿವೆ. ಅಲ್ಲದೆ, ಒಟ್ಟು 809 ವೈಮಾನಿಕ ವಲಯದ ಪ್ರದರ್ಶನಗಳು ನಡೆಯಲಿದೆ.
ಝಗಮಗಿಸುತ್ತಿರುವ ರಸ್ತೆಗಳು!
ಇತ್ತ ಪ್ರಧಾನಿಗಳು ಆಗಮಿಸುತ್ತಾರೆ ಎಂದ ಕೂಡಲೇ ಸರ್ಕಾರ ಗುಂಡಿಬಿದ್ದ ರಸ್ತೆಗಳಿಗೆಲ್ಲಾ ಇದ್ದಕ್ಕಿದ್ದಂತೆ ಕಾಯಕಲ್ಪ ಮಾಡಿದೆ. ಕುಲಗೆಟ್ಟಿದ್ದ ರಸ್ತೆಗಳಿಗೆಲ್ಲಾ ಡಾಂಬರು ಹಾಕಿ ಝಗಮಗ ಅನಿಸಿದೆ. ವಾಹನ ಸವಾರರು ಬಾಯ್ ಬಾಯ್ ಬಡಿದುಕೊಂಡರು ಸುಮ್ಮನಿದ್ದ ಸರ್ಕಾರ ಈಗ ಯಲಹಂಕ ಸುತ್ತಾಮುತ್ತ ಭರ್ಜರಿಯಾಗಿ ರಸ್ತೆ ರಿಪೇರಿ ಮಾಡಿ ಮುಗಿಸಿದೆ.
ಟ್ರಾಫಿಕ್ ಬಿಸಿ ಹೆಚ್ಚಾಗುವ ಸಾಧ್ಯತೆ!
ಪ್ರಧಾನಿ ಮೋದಿ ಬೆಂಗಳೂರಿಗೆ ಬಂದಿದ್ದಾರೆ. ಜೊತೆಗೆ ಏರೋ ಇಂಡಿಯಾ ಶೋ ಬೇರೆ ಇದೆ. ಹೀಗಾಗಿ ಯಲಹಂಕ ಸುತ್ತಮುತ್ತ ಊಹಿಸಲಾಗದಷ್ಟು ಟ್ರಾಫಿಕ್ ಸಮಸ್ಯೆ ಎದುರಾಗುವುದು ಬಹುತೇಕ ಪಕ್ಕ ಆಗಿದೆ. ಸಾರ್ವಜನಿಕರು ಸಾಧ್ಯವಾದಷ್ಟು ಕಾರುಗಳನ್ನು ದೂರವಿಟ್ಟರೆ ಉತ್ತಮ. ಸಂಚಾರಕ್ಕಾಗಿ ಬದಲಿ ಮಾರ್ಗಗಳನ್ನ ಆಯ್ಕೆ ಮಾಡಿಕೊಳ್ಳಬೇಕಿದೆ. ಇಲ್ಲ ಎಂದರೆ ಗಂಟೆಗಟ್ಟಲೆ ಟ್ರಾಫಿಕ್ನಲ್ಲಿ ಸಿಲುಕುವ ಸಾಧ್ಯತೆ ಹೆಚ್ಚಿದೆ. ಇನ್ನು ಸಾಧ್ಯವಾದರೆ ಬೆಳಗ್ಗೆ 7 ರಿಂದ 8 ಗಂಟೆ ಮೇಲೆ ಬಳ್ಳಾರಿ ರಸ್ತೆ, ಯಲಹಂಕ ಸುತ್ತಮುತ್ತ ಪ್ರದೇಶಗಳಿಗೆ ಹೋಗದಿರುವುದು ಉತ್ತಮ ಎನ್ನಬಹುದು.
ಶೋ ನೋಡಲು ಓರ್ವ ವ್ಯಕ್ತಿಗೆ 2,500 ರೂಪಾಯಿ ಟಿಕೆಟ್ ದರ ನಿಗದಿ
ಉಳಿದಂತೆ ಏರೋ ಇಂಡಿಯಾ ಶೋ ನೋಡಲು ಸಾರ್ವಜನಿಕರಿಗೆ ಫೆಬ್ರವರಿ 16 ಮತ್ತು 17 ರಂದು ಅವಕಾಶ ನೀಡಲಾಗಿದೆ. ಶೋಗೆ ಪ್ರವೇಶ ಪಡೆಯಲು ಸಾರ್ವಜನಿಕರು ಪ್ರತಿ ಟಿಕೆಟ್ಗೆ 2500 ರೂಪಾಯಿ ನಿಗದಿ ಮಾಡಲಾಗಿದೆ. ಟಿಕೆಟ್ಗಳನ್ನು ಏರೋ ಇಂಡಿಯಾ ಅಧಿಕೃತ ವೆಬ್‌ಸೈಟ್ ನಲ್ಲಿ ಖರೀದಿಸಬಹುದಾಗಿದೆ.
ಇತ್ತೀಚಿನ ಸುದ್ದಿಗಳಿಗಾಗಿ ಈಗಲೇ ಡೌನ್ ಲೋಡ್‌ ಮಾಡಿ:
https://play.google.com/store/apps/details?id=com.speed.newskannada
