ಧ್ರುವ ಸರ್ಜಾ ನಾಯಕರಾಗಿರುವ ‘ಮಾರ್ಟಿನ್’ ಸಿನಿಮಾ ಚಿತ್ರೀಕರಣಕ್ಕೂ ಮುನ್ನವೇ ತನ್ನ ಅದ್ಧೂರಿ ಬಜೆಟ್ ಮತ್ತು ಮೇಕಿಂಗ್ನಿಂದಾಗಿ ಸದ್ದು ಮಾಡುತ್ತಿದೆ. ಈ ಸಿನಿಮಾದ ಕ್ಲೈಮ್ಯಾಕ್ಸ್ ಚಿತ್ರೀಕರಣ ಇತ್ತೀಚೆಗಷ್ಟೇ ಕಂಪ್ಲೀಟ್ ಆಗಿದ್ದು ಒಂದೇ ಫೈಟ್ಗೆ ಭಾರತೀಯ ಚಿತ್ರರಂಗದ ಖ್ಯಾತ ಮೂರು ಸಾಹಸ ನಿರ್ದೇಶಕರು ಕೆಲಸ ಮಾಡಿದ್ದಾರೆ.ಹೌದು, ಮಾರ್ಟಿನ್ ಚಿತ್ರದ ಕ್ಲೈಮ್ಯಾಕ್ಸ್ನ ಆ್ಯಕ್ಷನ್ ದೃಶ್ಯಗಳಿಗೆ ರಾಮ್-ಲಕ್ಷ್ಮಣ್ ಮತ್ತು ರವಿವರ್ಮ ಸಾಹಸ ನಿರ್ದೇಶನ ಮಾಡಿದ್ದಾರೆ. ಮೊದಲ ಬಾರಿಗೆ ಒಂದು ಸಿನಿಮಾದ ಕ್ಲೈಮ್ಯಾಕ್ಸ್ಗಾಗಿ ಮೂರು ಸಾಹಸ ನಿರ್ದೇಶಕರು ಕೆಲಸ ಮಾಡಿರುವುದು ಇದೇ ಮೊದಲ ಬಾರಿಗೆ ಎನ್ನಲಾಗುತ್ತಿದೆ.ಈ ಬಗ್ಗೆ ಲವಲವಿಕೆ ಜತೆ ಮಾತನಾಡಿದ ನಿರ್ದೇಶಕ ಎ ಪಿ ಅರ್ಜುನ್ ‘ನಮ್ಮ ಸಿನಿಮಾಗೆ ಚಿತ್ರೀಕರಣ ಮಾಡಿರುವ ಕ್ಲೈಮ್ಯಾಕ್ಸ್ ಬಹಳ ವಿಭಿನ್ನ. ಸಿನಿಮಾವೊಂದರ ಕ್ಲೈಮ್ಯಾಕ್ಸ್ಗಾಗಿ 52 ದಿನಗಳ ಚಿತ್ರೀಕರಣ ಮಾಡಿರುವುದು ಬಹುಶಃ ನಾವೇ ಮೊದಲಿರಬೇಕು. ಅಷ್ಟು ದೊಡ್ಡ ಆ್ಯಕ್ಷನ್ ಸನ್ನಿವೇಶಗಳು ಇದರಲ್ಲಿವೆ. ಮೂರು ಮಾಸ್ಟರ್ಗಳು ಯಾಕೆ ಈ ಕ್ಲೈಮ್ಯಾಕ್ಸ್ಗೆ ಕೆಲಸ ಮಾಡಿದರು ಎಂಬುದಕ್ಕೆ ಚಿತ್ರವನ್ನು ನೋಡಬೇಕು’ಎಂದು ಹೇಳಿದ್ದಾರೆ.
ಇತ್ತೀಚಿನ ಸುದ್ದಿಗಳಿಗಾಗಿ ಈಗಲೇ ಡೌನ್ ಲೋಡ್ ಮಾಡಿ:
https://play.google.com/store/apps/de…