ಹಿರಿಯ ನಟ ಅನಂತ್ ನಾಗ್ ಮತ್ತು ದಿಗಂತ್ ಹಲವು ಸಿನಿಮಾಗಳಲ್ಲಿ ಒಟ್ಟಿಗೆ ನಟಿಸಿದ್ದಾರೆ. ಆದರೆ ಈ ಬಾರಿ ತಾತ ಮೊಮ್ಮಗನಾಗಿ ತೆರೆಮೇಲೆ ಕಾಣಿಸಿಕೊಂಡಿದ್ದಾರೆ. ‘ತಿಮ್ಮಯ್ಯ & ತಿಮ್ಮಯ್ಯ’ ಸಿನಿಮಾದಲ್ಲಿ ಸೀನಿಯರ್ ತಿಮ್ಮಯ್ಯನಾಗಿ ಅನಂತ್ ನಾಗ್ ಮತ್ತು ಜೂನಿಯರ್ ತಿಮ್ಮಯ್ಯನಾಗಿ ದಿಗಂತ್ ಕಾಣಿಸಿಕೊಂಡಿದ್ದಾರೆ. ಈ ತಾತ-ಮೊಮ್ಮಗನ ಕಥೆಯನ್ನು ತೆರೆಮೇಲೆ ಸಂಜಯ್ ಶರ್ಮಾ ಹೇಳಿದ್ದಾರೆ ತನ್ನ ಗೆಳತಿ ಸೌಮ್ಯಾ (ಶುಭ್ರ) ಜೊತೆಗೆ ವಿದೇಶಕ್ಕೆ ಹೋಗಿ ನೆಲೆಸಬೇಕು, ಇಲ್ಲಿರುವ ಆಸ್ತಿಯನ್ನೆಲ್ಲ ಮಾರಬೇಕು ಎಂಬುದು ಜೂ. ತಿಮ್ಮಯ್ಯನ (ದಿಗಂತ್) ಪ್ಲ್ಯಾನ್. ಎಲ್ಲ ಅಂದುಕೊಂಡಂತೆ ಆಯಿತು ಎನ್ನುವಾಗಲೇ, ಕೂರ್ಗ್‌ನಲ್ಲಿರುವ ಸೀನಿಯರ್ ತಿಮ್ಮಯ್ಯನನ್ನು (ಅನಂತ್ ನಾಗ್) ಮೂರು ತಿಂಗಳು ನೋಡಿಕೊಳ್ಳುವ ಹೊಣೆ ಜೂ. ತಿಮ್ಮಯ್ಯನ ಹೆಗಲಿಗೆ ಬೀಳುತ್ತದೆ. ಸೀನಿಯರ್ ತಿಮ್ಮಯ್ಯನಿಗೆ ವಯಸ್ಸಾಗಿದ್ದರೂ, ಸೃಷ್ಟಿಸುವ ಸಮಸ್ಯೆಗಳು, ಹಠ ಸಾಮಾನ್ಯವೇನಲ್ಲ! ಇಂಥ ತಾತನನ್ನು ಮೂರು ತಿಂಗಳು ಸಂಭಾಳಿಸುವ ಮೊಮ್ಮಗನಿಗೆ ಆಗುತ್ತದೆಯೇ? ಅಂದುಕೊಂಡಂತೆ ಆತ ವಿದೇಶಕ್ಕೆ ಹೋಗುತ್ತಾನಾ? ಮೊಮ್ಮಗನ ಪ್ರೇಮಕಥೆ ಏನಾಗುತ್ತದೆ ಅನ್ನೋದೇ ‘ತಿಮ್ಮಯ್ಯ & ತಿಮ್ಮಯ್ಯ’ ಸಿನಿಮಾದ ಕೂತುಹಲ.
ಇತ್ತೀಚಿನ ಸುದ್ದಿಗಳಿಗಾಗಿ ಈಗಲೇ ಡೌನ್‌ ಲೋಡ್‌ ಮಾಡಿ:
https://play.google.com/store/apps/de…
