ಸ್ವಂತ ಬ್ಯುಸಿನೆಸ್ ಶುರು ಮಾಡಬೇಕೆಂದು ಅನೇಕರು ಕನಸು ಕಾಣುತ್ತಾರೆ.
ಆದ್ರೆ ಆರ್ಥಿಕ ಸಮಸ್ಯೆಯಿಂದಾಗಿ ಬ್ಯುಸಿನೆಸ್ ಆಸೆ ಕೈಬಿಡ್ತಾರೆ. ಕಡಿಮೆ ಬಂಡವಾಳದಲ್ಲಿ ಹೆಚ್ಚು ಲಾಭ ನೀಡುವ ಅನೇಕ ಬ್ಯುಸಿನೆಸ್ ಇದೆ. ಅದ್ರಲ್ಲಿ ಬೋನ್ಸಾಯ್ ಸಸ್ಯದ ಬ್ಯುಸಿನೆಸ್ ಕೂಡ ಒಂದು.
ಬೋನ್ಸಾಯ್ ಸಸ್ಯ ಅದೃಷ್ಟವೆಂದು ಪರಿಗಣಿಸಲಾಗಿದೆ. ಹಾಗಾಗಿ ಮನೆ, ಕಚೇರಿ ಸೇರಿದಂತೆ ಎಲ್ಲ ಕಡೆ ಈ ಗಿಡವನ್ನು ಜನರು ಇಡುತ್ತಾರೆ. ಅಲಂಕಾರಿಕವಾಗಿಯೂ ಇದನ್ನು ಬಳಸಲಾಗುತ್ತದೆ. ಮಾರುಕಟ್ಟೆಯಲ್ಲಿ ಈ ಗಿಡಗಳ ಬೆಲೆ 200 ರೂಪಾಯಿಯಿಂದ ಸುಮಾರು 2500 ರೂಪಾಯಿಯಿದೆ. ಇದ್ರ ಮೂಲಕ ನೀವು ಉತ್ತಮ ಸಂಪಾದನೆ ಮಾಡಬಹುದು. ಸರ್ಕಾರ ಇದಕ್ಕೆ ಆರ್ಥಿಕ ನೆರವು ನೀಡುತ್ತದೆ.
ಕಡಿಮೆ ಬಂಡವಾಳದೊಂದಿಗೆ ಈ ವ್ಯವಹಾರವನ್ನು ಪ್ರಾರಂಭಿಸಬಹುದು. ಒಂದೇ ಬಾರಿ ನಿಮಗೆ ಲಾಭ ಸಿಗುವುದಿಲ್ಲ. ಬೋನ್ಸಾಯ್ ಗಿಡ ಸಿದ್ಧವಾಗಲು ಕನಿಷ್ಠ ಎರಡರಿಂದ ಐದು ವರ್ಷ ಬೇಕು. ಮನೆಯಲ್ಲಿಯೇ ಸಸಿ ಬೆಳೆಸಿ ವ್ಯಾಪಾರ ಮಾಡಲು ಬಯಸುವವರು ಸ್ವಲ್ಪ ಸಮಯ ಕಾಯಬೇಕಾಗುತ್ತದೆ. ಇನ್ನೊಂದು ರೀತಿಯಲ್ಲಿ ರಿಟೇಲರ್ ತರ ಕೆಲಸ ಮಾಡಬಹುದು. ನರ್ಸರಿಯಿಂದ ಸಿದ್ಧವಾದ ಗಿಡಗಳನ್ನು ತಂದು ಶೇಕಡಾ 30ರಿಂದ 50ರಷ್ಟು ಹೆಚ್ಚಿನ ಬೆಲೆಗೆ ಮಾರಾಟ ಮಾಡಬಹುದು.
ಇತ್ತೀಚಿನ ಸುದ್ದಿಗಳಿಗಾಗಿ ಈಗಲೇ ಡೌನ್ ಲೋಡ್ ಮಾಡಿ:
https://play.google.com/store/apps/details?id=com.speed.newskannada