ಬೆಂಗಳೂರು: ಯುವತಿಯೊಬ್ಬಳನ್ನು ಮದುವೆಯಾಗುವುದಾಗಿ ನಂಬಿಸಿ ಅತ್ಯಾಚಾರ ಮಾಡಿರುವ ಆರೋಪಕ್ಕೆ ಸಂಬಂಧಿಸಿದಂತೆ ಸ್ಯಾಂಡಲ್ವುಡ್ ನಟಿಯ ಅಣ್ಣನ ವಿರುದ್ಧ ಎಫ್ಐಆರ್ ದಾಖಲಾಗಿದೆ.
ಪ್ರಸಿದ್ಧ ನಟಿಯ ಅಣ್ಣ ಕೀರ್ತಿಚಂದ್ರ ಎಂಬಾತನ ವಿರುದ್ಧ ಯುವತಿ ದೂರು ನೀಡಿದ್ದು, ಆತನ ವಿರುದ್ಧ ಬೆಂಗಳೂರಿನ ಬಸವನಗುಡಿ ಮಹಿಳಾ ಠಾಣೆಯಲ್ಲಿ ಕೇಸ್ ದಾಖಲು ಮಾಡಲಾಗಿದೆ.
ಶಾದಿ ಡಾಟ್ ಕಾಮ್ ಮೂಲಕ 2021 ರ ಮೇ ನಲ್ಲಿ ಕೀರ್ತಿಚಂದ್ರನಿಗೆ ಯುವತಿ ಪರಿಚಯವಾಗಿತ್ತು. ನಂತರ ಪರಸ್ಪರ ಮೊಬೈಲ್ ನಂಬರ್ ವಿನಿಮಯ ಮಾಡಿಕೊಂಡಿದ್ದರು. ಮದುವೆಯಾಗುವುದಾಗಿ ಯುವತಿಗೆ ಆತ ನಂಬಿಸಿದ್ದ.
ಇದಾದ ಬಳಿಕ ಕೀರ್ತಿಚಂದ್ರನ ಹುಟ್ಟುಹಬ್ಬಕ್ಕೆ ಯುವತಿ ಐ ಫೋನ್ ಗಿಫ್ಟ್ ನೀಡಿದ್ದಳು. ನಂತರ ಲ್ಯಾಪ್ಟಾಪ್ ಹಾಗೂ ಆಯಪಲ್ ವಾಚ್ ಕೂಡ ನೀಡಿದ್ದಳು. ನಂತರ ಖಾಸಗಿ ಹೋಟೆಲ್ ಒಂದಕ್ಕೆ ಕರೆಸಿಕೊಂಡಿದ್ದ ಕೀತ್ರಿಚಂದ್ರ ಅಲ್ಲಿ ತನ್ನ ಮೇಲೆ ಅತ್ಯಾಚಾರ ಮಾಡಿದ್ದಾಗಿ ಯುವತಿ ಆರೋಪಿಸಿದ್ದಾಳೆ.
ಇಷ್ಟಾದ ಬಳಿದ ಸಂಪರ್ಕಕ್ಕೆ ಸಿಗದೆ ಆತ ತಲೆಮರೆಸಿಕೊಂಡಿರುವುದಾಗಿ ದೂರಿರುವ ಯುವತಿ, ಅತ್ಯಾಚಾರದ ಕೇಸ್ ದಾಖಲಿಸಿದ್ದಾಳೆ. ತನಿಖೆ ಮುಂದುವರೆದಿದೆ.
ಇತ್ತೀಚಿನ ಸುದ್ದಿಗಳಿಗಾಗಿ ಈಗಲೇ ಡೌನ್‌ ಲೋಡ್‌ ಮಾಡಿ:
https://plಇay.google.com/store/apps/details?id=com.speed.newskannada
