ಅಂತರ್ಜಾಲದಲ್ಲಿ ಹೊಸ ಸೆನ್ಸೇಷನ್ ಸೃಷ್ಟಿಸಿದ್ದಾರೆ ಈ ಮಮ್ಮಿಕ್ಕ. ಛಾಯಾಗ್ರಾಹಕ ಅದ್ಯಾವ ಸಮಯದಲ್ಲಿ ಫೋಟೋ ಕ್ಲಿಕ್ಕಿಸಿದ್ರೋ ಗೊತ್ತಿಲ್ಲ, ಚಂಡಮಾರುತದಂತೆ ಫೋಟೋ ವೈರಲ್ ಆಗಿದ್ದು, ಮಮ್ಮಿಕ್ಕರ ಗೆಟಪ್ ಬದಲಾಗಿದೆ. ಒಂದೇ ಒಂದು ಫೋಟೋಶೂಟ್ ಈತನ ಜೀವನವನ್ನೇ ಬದಲಾಯಿಸಿದೆ. ಸದ್ಯ, ಇವರ ಮೇಕ್ ಓವರ್ ಎಲ್ಲರಿಗೂ ಅಚ್ಚರಿ ಸೃಷ್ಟಿಸಿದ್ದಂತೂ ಸುಳ್ಳಲ್ಲ.
ಇನ್ನು ಫೋಟೋಗ್ರಾಫರ್ ಶರೀಕ್ ಹಾಗೂ ಮಮ್ಮಿಕ್ಕ ಅವರ ಪರಿಚಯ ಇಂದು ನಿನ್ನೆಯದಲ್ಲ. ಇವರ ಬಗ್ಗೆ ಕೆಲವು ಇಂಟ್ರೆಸ್ಟಿಂಗ್ ವಿಚಾರವನ್ನು ಶರೀಕ್ ಹಂಚಿಕೊಂಡಿದ್ದಾರೆ. ಮಮ್ಮಿಕ್ಕ ಅವರ ಬಾಲ್ಯದಿಂದಲೂ ಶರೀಕ್ ಅವರ ಜೊತೆ ಉತ್ತಮ ಒಡನಾಟವಿತ್ತಂತೆ. ಇವರಿಬ್ಬರೂ ನೆರೆಹೊರೆಯವರಾಗಿದ್ದರು. ಬಾಲ್ಯದಿಂದಲೂ ಇಬ್ಬರೂ ಆತ್ಮೀಯ ಗೆಳೆಯರಾಗಿದ್ದರು. ಒಮ್ಮೆ ಫೋಟೋಗ್ರಾಫರ್ ಶರೀಕ್ ಒಂಭತ್ತು ವರ್ಷದವರಿದ್ದಾಗ, ನದಿಯಲ್ಲಿ ಈಜಲು ಹೋಗಿ ನೀರಿನಲ್ಲಿ ಕೊಚ್ಚಿ ಹೋಗಿದ್ದರು. ಅಂದು ಮಮ್ಮಿಕ್ಕ ಇವರನ್ನು ರಕ್ಷಿಸಿದ್ದರಂತೆ. ಅಂದಿನಿಂದ ತಾವು ಉತ್ತಮ ಬಾಂಧವ್ಯ ಹೊಂದಿದ್ದಾಗಿ ಶರೀಕ್ ಹೇಳಿದ್ದಾರೆ.
ಇದೀಗ ಛಾಯಾಗ್ರಾಹಕ, ಸ್ನೇಹಿತ ಶರೀಕ್ ರಿಂದಾಗಿ ಮಮ್ಮಿಕ್ಕ ಅಪಾರ ಖ್ಯಾತಿಯನ್ನು ಗಳಿಸಿದ್ದಾರೆ. ಇಷ್ಟು ಸರಳವಾದ ಫೋಟೋಶೂಟ್ ತನಗೆ ಇಷ್ಟೊಂದು ಖ್ಯಾತಿಯನ್ನು ತಂದುಕೊಡುತ್ತದೆ ಎಂದು ಕನಸಲ್ಲೂ ಊಹಿಸಿರಲಿಲ್ಲ ಎಂಬುದಾಗಿ ಮಮ್ಮಿಕ್ಕ ತಿಳಿಸಿದ್ದಾರೆ.
ಇತ್ತೀಚಿನ ಸುದ್ದಿಗಳಿಗಾಗಿ ಈಗಲೇ ಡೌನ್ ಲೋಡ್ ಮಾಡಿ:
https://play.google.com/store/apps/details?id=com.speed.newskannada