ನಟಿ ರಶ್ಮಿಕಾ ಮಂದಣ್ಣ ತೆಲುಗು ಚಿತ್ರರಂಗಕ್ಕೆ ಹೋದ ಬಳಿಕ ಹೆಚ್ಚಾಗಿ ಸುದ್ದು ಆಗಿದ್ದು ನಟ ವಿಜಯ್ ದೇವರಕೊಂಡ ಜೊತೆಗೆ. ಅವರು ಉತ್ತಮ ಸ್ನೇಹಿತರು ಎನ್ನುವ ಸುದ್ದಿ ಒಂದು ಕಡೆ ಆದರೆ. ಇವರ ನಡುವೆ ಲವ್ವಿ- ಡವ್ವಿ ಇದೆ ಎನ್ನುವ ಗಾಸಿಪ್ ಮತ್ತೊಂದು ಕಡೆ. ಈ ಗಾಸಿಪ್ ಹಲವು ದಿನಗಳು ಜೀವಂತಾಗಿತ್ತು, ಈಗಲೂ ಹಾಗೆ ಇದೆ.
ಆದರೆ ವಿಜಯ್ ದೇವರಕೊಂಡ ಹುಟ್ಟು ಹಬ್ಬದಂದು ಈ ವಿಚಾರ ಮತ್ತೆ ಸುದ್ದಿ ಆಯಿತು.
ದೊಡ್ಡ ಬೆಳವಣಿಗೆ ಏನು ಆಗಿಲ್ಲ. ನಟಿ ರಶ್ಮಿ ಮಂದಣ್ಣ ವಿಜಯ್ ದೇವರಕೊಂಡಗೆ ಹುಟ್ಟುಹಬ್ಬಕ್ಕೆ ಶುಭಕೋರಲಿಲ್ಲ. ಅಂದರೆ ಸಾಮಾಜಿಕ ಜಾಲತಾಣದ ಮೂಲಕ ನಾಲ್ಕು ಜನರ ಕಣ್ಣಿಗೆ ಬೀಳುವ ಹಾಗೆ ವಿಜಯ್ ದೇವರಕೊಂಡಗೆ ಹುಟ್ಟು ಹಬ್ಬಕ್ಕೆ ರಶ್ಮಿಕಾ ಶುಭಕೋರಿಲ್ಲ. ಇದುವೇ ಈಗ ಚರ್ಚೆಗೆ ದಾರಿ ಮಾಡಿಕೊಟ್ಟಿದೆ.
ರಶ್ಮಿಕಾ ವಿಶ್ ಮಾಡದೆ ಇರುವ ಬೆನ್ನಲ್ಲೆ ಹಲವು ಬಗೆಯ ಗಾಸಿಪ್ಗಳಿಗೆ ಜೀವ ಬಂದು ಬಿಟ್ಟಿದೆ. ಸದಾ ಒಂದಲ್ಲಾ ವಿಚಾರಗಳಿಗೆ ಒಟ್ಟಿಗೆ ಕಾಣಿಸಿಕೊಳ್ಳುತ್ತಿದ್ದ, ಒಬ್ಬರಿಗೊಬ್ಬರು ಸಾಮಾಜಿಕ ಜಾಲತಾಣದ ಮೂಲಕ ಕಾಳೆದು ಕೊಳ್ಳುತ್ತಿದ್ದ ಈ ಜೋಡಿಯ ನಡುವೆ ಬಿರುಕು ಮೂಡಿದೆ ಎನ್ನು ಸುದ್ದಿಯ ಜೊತೆಗೆ ಈಗ ಇದಕ್ಕೆ ಬಾಲಿವುಡ್ ಬೆಡಗಿ ಅನನ್ಯಾ ಪಾಂಡೆ ಕಾರಣ ಎನ್ನಲಾಗಿದೆ.
ರಶ್ಮಿಕಾ, ವಿಜಯ್ ಮುನಿಸಿಗೆ ಅನನ್ಯಾ ಕಾರಣ?
ಇದೇ ಮೇ 9ರಂದು ನಟ ವಿಜಯ್ ದೇವರಕೊಂಡ ಹುಟ್ಟು ಹಬ್ಬ ಇತ್ತು. ಸಿನಿಮಾರಂಗದ ಹಲವರು ವಿಜಯ್ಗೆ ಹುಟ್ಟು ಹಬ್ಬದ ಶುಭಾಶಯ ತಿಳಿಸಿದ್ದಾರೆ. ಆದರೆ ಎಲ್ಲರಿಗೂ ನಿರೀಕ್ಷೆ ಇದ್ದಿದ್ದು ಮಾತ್ರ, ರಶ್ಮಿಕಾ ಮಂದಣ್ಣ ವಿಜಯ್ ದೇವರಕೊಂಡಗೆ ಏನೆಂದು ಶುಭಕೋರುತ್ತಾರೆ ಎನ್ನುವ ಬಗ್ಗೆ. ಆದರೆ ಕೊನೆಗೂ ರಶ್ಮಿಕಾ ಸೋಷಿಯಲ್ ಮೀಡಿಯಾದ ಮೂಲಕ ವಿಜಯ್ಗೆ ವಿಶ್ ಮಾಡಲಿಲ್ಲ. ಇದಕ್ಕೆ ಕಾರಣ ಅನನ್ಯಾ ಪಾಂಡೆ ಎನ್ನುವ ಹೊಸ ಸುದ್ದಿ ಟಾಲಿವುಡ್ ಮತ್ತು ಬಾಲಿವುಡ್ನಲ್ಲಿ ಹಬ್ಬಿದೆ.
ನನ್ನ ಪ್ರೀತಿ ಸದಾ ನಿನಗಾಗಿ ಎಂದ ಅನನ್ಯಾ ಪಾಂಡೆ!
ಅನನ್ಯಾ ಪಾಂಡೆ ಮತ್ತು ವಿಜಯ್ ದೇವಕೊಂಡ ಇಬ್ಬರೂ ಸದ್ಯ ಒಂದೆ ಚಿತ್ರದಲ್ಲಿ ಕೆಲಸ ಮಾಡುತ್ತಿದ್ದಾರೆ. ಲೈಗರ್ ಸಿನಿಮಾದಲ್ಲಿ ಈ ಜೋಡಿ ಒಂದಾಗಿದೆ. ಹಾಗಾಗಿ ಅನನ್ಯಾ ಪಾಂಡೆ ವಿಜಯ್ ಹುಟ್ಟು ಹಬ್ಬಕ್ಕೆ ವಿಭಿನ್ನವಾಗಿ ಶುಭ ಕೋರಿದ್ದರು “ಹುಟ್ಟು ಹಬ್ಬದ ಶುಭಾಶಯಗಳು, ಈ ವರ್ಷವನ್ನು ಮುಗಿಸಿ ಬಿಡೋಣ, ನನ್ನ ಪ್ರೀತಿ ಸದಾ ನಿನಗಾಗಿ.” ಎಂದು ಬರೆದು ವಿಜಯ್ ದೇವರಕೊಂಡ ಜೊತೆಗಿನ ಫೊಟೊ ಹಂಚಿಕೊಂಡಿದ್ದರು.
ಇಶಾನ್ ಜೊತೆಗೆ ಬ್ರೇಕಪ್ ಮಾಡಿಕೊಂಡಿರುವ ಅನನ್ಯಾ!
ಇನ್ನು ಅನನ್ಯಾ ಪಾಂಡೆ ಮತ್ತು ವಿಜಯ್ ದೇವರಕೊಂಡ ಲೈಗರ್ ಸಿನಿಮಾದಲ್ಲಿ ಒಟ್ಟಿ ನಟಿಸುತ್ತಿರುವ ವಿಚಾರ ಗೊತ್ತೇ ಇದೆ. ಆದರೂ ಕೂಡ ವಿಜಯ್ ಜೊತೆಗೆ ಅನನ್ಯ ಪಾಂಡೆ ಹೆಸರು ಕೇಳಿ ಬರುತ್ತಿದೆ. ಇನ್ನು ಅನನ್ಯಾ ಪಾಂಡೆ ಅತ್ತ ಇಶಾನ್ ಕಟ್ಟರ್ ಜೊತೆಗೆ ಬ್ರೇಕಪ್ ಮಾಡಿಕೊಂಡಿದ್ದಾರೆ. ಹಾಗಾಗಿ ಇದು ವಿಜಯ್ಗಾಗಿ ಇರಬಹುದು ಎನ್ನುವ ಲೆಕ್ಕಾಚಾರಗಳು ಹುಟ್ಟಿಕೊಂಡಿವೆ.
ನಿಜವಾಗಿಯೋ ರಶ್ಮಿಕಾ, ವಿಜಯ್ ಮೇಲೆ ಮುನಿಸಿಕೊಂಡರಾ?
ಆದರೆ ಇದೆಲ್ಲವೂ ಗಾಳಿ ಸುದ್ದಿ ರೂಪದಲ್ಲಿಯೇ ಇದೆ. ನಿಜವಾಗಿಯೂ ರಶ್ಮಿಕಾ ಮಂದಣ್ಣ ವಿಜಯ್ ದೇವರಕೊಂಡನಿಗೆ ವಿಶ್ ಮಾಡಿಲ್ಲ ಎಂದು ಹೇಳಲು ಸಾಧ್ಯವಿಲ್ಲ. ಯಾಕೆಂದರೆ ವೈಯಕ್ತಿಕವಾಗಿ ಶುಭಕೋರಿರಬಹುದು ಎಂಬುದನ್ನು ತಳ್ಳಿ ಹಾಕುವ ಹಾಗಿಲ್ಲ. ಈ ಬಗ್ಗೆ ಅವರೇ ಕ್ಲ್ಯಾರಿಟಿ ಕೊಡಬೇಕು ಅಥವಾ ಮತ್ತೇ ಇವರು ಒಟ್ಟಿಗೆ ಕಾಣಿಸಿಕೊಳ್ಳುವವರೆಗೂ ಈ ಸುದ್ದಿ ಹಾಗೆ ಇರುತ್ತೆ.
ಇತ್ತೀಚಿನ ಸುದ್ದಿಗಳಿಗಾಗಿ ಈಗಲೇ ಡೌನ್ ಲೋಡ್ ಮಾಡಿ:
https://play.google.com/store/apps/details?id=com.speed.newskannada