ಮುದ್ದು ಮಕ್ಕಳ ದೃಶ್ಯಗಳನ್ನು ನೋಡುವಾಗ ಸಿಗುವ ಆನಂದ ಬಣ್ಣಿಸಲಸಾಧ್ಯ. ಈಗಂತು ಸೋಶಿಯಲ್ ಮೀಡಿಯಾದಲ್ಲಿ ಮಕ್ಕಳ ಬೇಕಾದಷ್ಟು ದೃಶ್ಯಗಳು ನಮಗೆ ಕಾಣಸಿಗುತ್ತವೆ. ಹೀಗೆ ಕಾಣಸಿಗುವ ದೃಶ್ಯಗಳು ಅರೆಕ್ಷಣದಲ್ಲಿ ನಮ್ಮ ಮನಸ್ಸನ್ನು ಸೂಜಿಗಲ್ಲಿನಂತೆ ಸೆಳೆಯುತ್ತದೆ. ಇದು ಕೂಡಾ ಅಂತಹದ್ದೇ ಒಂದು ದೃಶ್ಯ.ಸಾಮಾನ್ಯವಾಗಿ ಪುಟ್ಟ ಮಕ್ಕಳಿಗೆ ಅಡುಗೆ ಎಂದರೆ ಕುತೂಹಲ. ಅಮ್ಮ ಅಡುಗೆ ತಯಾರಿಸುವಾಗ ಅಡುಗೆ ಕೋಣೆಗೆ ಬಂದು ಮಕ್ಕಳು ಕುತೂಹಲದಿಂದ ನೋಡುವುದು ಹೊಸದೇನೂ ಅಲ್ಲ. ಆದರೆ, ಇಲ್ಲೊಬ್ಬ ಪುಟಾಣಿ ಬರೀ ಕುತೂಹಲದಿಂದ ಅಡುಗೆ ತಯಾರಿಸುವುದನ್ನು ನೋಡುತ್ತಿಲ್ಲ, ಬದಲಾಗಿ ತಾನೇ ತಿನಿಸುಗಳನ್ನು ತಯಾರಿಸುತ್ತಾನೆ ಇಂತಹದ್ದೊಂದು ವಿಡಿಯೋ ಈಗ ವೈರಲ್ ಆಗುತ್ತಿದೆ. ಇದು ಪುಟಾಣಿಯೊಬ್ಬ ಸ್ಯಾಂಡ್ವಿಚ್ ತಯಾರಿಸುವ ದೃಶ್ಯ. ಈ ಪುಟಾಣಿ ತನ್ನ ಸ್ನ್ಯಾಕ್ಸ್ ತಯಾರಿಸುವ ದೃಶ್ಯ ಈಗ ಎಲ್ಲರ ಗಮನ ಸೆಳೆದಿದೆ. ಈ ಕ್ಲಿಪ್ನಲ್ಲಿ ಪುಟಾಣಿಯೊಬ್ಬ ಒಲೆಯ ಮುಂದೆ ಕುಳಿತು ಸ್ಯಾಂಡ್ವಿಚ್ಗೆ ಬೇಕಾದಂತಹ ಸಿದ್ಧತೆ ಮಾಡಿಕೊಳ್ಳುವುದನ್ನು ನೋಡಬಹುದು. ಮೊದಲು ಬ್ರೆಡನ್ನು ರೋಸ್ಟ್ ಮಾಡಲು ಕಾವಲಿಗೆ ಹಾಕುವ ಪುಟಾಣಿ ಬಳಿಕ ಮೊಟ್ಟೆಯೊಡೆದು ಕಾವಲಿಗೆ ಹಾಕುತ್ತಾನೆ. ಬಳಿಕ ಬೆಂದ ಆಮ್ಲೇಟ್ ಮೇಲೆ ಸಾಸ್ ಸೇರಿಸುವ ಬಾಲಕ ಅದನ್ನು ಬ್ರೆಡ್ನ ನಡು ಭಾಗದಲ್ಲಿ ಇಟ್ಟು ಸವಿಯುತ್ತಾನೆ. ಈ ಮೂಲಕ ಈ ಮುದ್ದಾದ ಕ್ಲಿಪ್ ಕೊನೆಯಾಗುತ್ತದೆ. `ಮುದ್ದಾದ ಪುಟಾಣಿ ಬಾಣಸಿಗ’ ಎಂಬ ಕ್ಯಾಪ್ಶನ್ನೊಂದಿಗೆ ಈ ವಿಡಿಯೋವನ್ನು ಹಂಚಿಕೊಳ್ಳಲಾಗಿದೆ.
ಇತ್ತೀಚಿನ ಸುದ್ದಿಗಳಿಗಾಗಿ ಈಗಲೇ ಡೌನ್ ಲೋಡ್ ಮಾಡಿ:
https://play.google.com/store/apps/details?id=com.speed.newskannada