ಯೂಟ್ಯೂಬ್ ತನ್ನ ಮೊಬೈಲ್ ಅಪ್ಲಿಕೇಶನ್ನ ಫುಲ್ ಸ್ಕ್ರೀನ್ ಪ್ಲೇಯರ್ಗಾಗಿ ಹೊಸ ಆವೃತ್ತಿಯನ್ನು ಹೊರತಂದಿದ್ದು, ಏನೆಲ್ಲಾ ಬದಲಾವಣೆ ಕಾಣಬಹುದು ಎಂದು ಇಲ್ಲಿದೆ ನೋಡಿ ಮಾಹಿತಿ.
ಸ್ಯಾನ್ ಫ್ರಾನ್ಸಿಸ್ಕೋ: ಗೂಗಲ್ ಮಾಲೀಕತ್ವದ ಸಾಮಾಜಿಕ ಮಾಧ್ಯಮ ಪ್ಲಾಟ್ಫಾರ್ಮ್ ಯೂಟ್ಯೂಬ್ ತನ್ನ ಮೊಬೈಲ್ ಅಪ್ಲಿಕೇಶನ್ನ ಪೂರ್ಣ ಸ್ಕ್ರೀನ್ ಪ್ಲೇಯರ್ಗಾಗಿ ಹೊಸ ಇಂಟರ್ಫೇಸ್ ಅನ್ನು ಹೊರತಂದಿದೆ.ದಿ ವರ್ಜ್ ವರದಿ ಪ್ರಕಾರ, ಹೊಸ ಇಂಟರ್ಫೇಸ್ ಕೆಲವು ತಾಜಾ ವೈಶಿಷ್ಟ್ಯಗಳನ್ನು ಪರಿಚಯಿಸುತ್ತದೆ. ಈ ಆವೃತ್ತಿ ವಿಡಿಯೋವನ್ನು ಲೈಕ್ಸ್ ಮತ್ತು ಡಿಸ್ ಲೈಕ್ಸ್ ಮಾಡುವುದಕ್ಕೆ ಹಾಗೂ ಕಾಮೆಂಟ್ಗಳನ್ನು ವೀಕ್ಷಿಸಲು ಸುಲಭವಾಗಿದೆ.ನೀವು ಫುಲ್ ಸ್ಕ್ರೀನ್ನಲ್ಲಿ ವಿಡಿಯೋ ವೀಕ್ಷಿಸುತ್ತಿರುವಾಗ ಮಾತ್ರ ಬದಲಾವಣೆ ಕಾಣಿಸಿಕೊಳ್ಳುತ್ತದೆ. ಪೋರ್ಟ್ರೇಟ್ ಮೋಡ್ನಲ್ಲಿ ವಿಡಿಯೋ ವೀಕ್ಷಿಸುತ್ತಿರುವಾಗ ಅಪ್ಲಿಕೇಶನ್ ಬಹುತೇಕ ಒಂದೇ ರೀತಿ ಕಾಣುತ್ತದೆ. ನೀವು ಫುಲ್ ಸ್ಕ್ರೀನ್ನಲ್ಲಿ ವಿಡಿಯೋ ವೀಕ್ಷಿಸುತ್ತಿರುವಾಗ ವಿಡಿಯೋ ಶೇರ್ ಮಾಡುವ ಬಟನ್ ಮತ್ತು ಲೈಕ್ಸ್ ಮತ್ತು ಡಿಸ್ ಲೈಕ್ಸ್ ಬಟನ್ಗಳು ವಿಡಿಯೋದ ಎಡಭಾಗದಲ್ಲಿ ಕೆಳಗಡೆ ಕಾಣಿಸುತ್ತಿದೆ. ಕಾಮೆಂಟ್ ಬಟನ್ ಕ್ಲಿಕ್ ಮಾಡಿದ್ದಾಗ ವಿಡಿಯೋ ವೀಕ್ಷಿಸುತ್ತಲೇ ಬಲ ಭಾಗದಲ್ಲಿ ಕಾಮೆಂಟ್ಗಳನ್ನು ಓದಬಹುದು.ಹಳೆಯ ಆವೃತ್ತಿಯಲ್ಲಿ ನೀವು ಫುಲ್ ಸ್ಕ್ರೀನ್ನಲ್ಲಿ ವಿಡಿಯೋ ವೀಕ್ಷಿಸುತ್ತಿದ್ದಾಗ ಹೆಚ್ಚಿನ ವಿಡಿಯೋಗಳಿಗಾಗಿ ಬ್ಯಾಕ್ ಹೋಗಿ, ಅನಂತರ ನೋಡಬಹುದಿತ್ತು. ಆದರೆ, ಹೊಸ ಅವೃತ್ತಿಯಲ್ಲಿ ವೀಕ್ಷಿಸುತ್ತಿರುವ ವಿಡಿಯೋ ಬಲಭಾಗದ ಕೆಳಗಡೆ “ಹೆಚ್ಚು ವಿಡಿಯೋಗಳು” ಎಂಬ ವಿಭಾಗದ ಇದೆ. ನೀವು ಮೋರ್ ವಿಡಿಯೋ ಮೇಲೆ ಕ್ಲಿಕ್ ಮಾಡಿದರೆ ಬೇರೆ ಬೇರೆ ವಿಡಿಯೋಗಳನ್ನು ನೋಡಬಹುದು. ಹೊಸ ಅವೃತ್ತಿಯೂ iOS ಮತ್ತು Android ಎರಡಕ್ಕೂ ಬರುತ್ತಿದೆ ಎಂದು ಗೂಗಲ್ ವಕ್ತಾರರು ಹೇಳಿದ್ದಾರೆ.
ಇತ್ತೀಚಿನ ಸುದ್ದಿಗಳಿಗಾಗಿ ಈಗಲೇ ಡೌನ್ ಲೋಡ್ ಮಾಡಿ:
https://play.google.com/store/apps/details?id=com.speed.newskannada