100 ತೆಲುಗು ಸಿನಿಮಾಗಳಲ್ಲಿ ಹೀರೋ ಆಗಿ ನಟಿಸಿರುವ ಶ್ರೀಕಾಂತ್ ಅವರು ಇಂದು ಸ್ಟಾರ್ ನಟರ ಸಿನಿಮಾಗಳಲ್ಲಿ ಪೋಷಕ ಪಾತ್ರಕ್ಕೆ ಬಣ್ಣ ಹಚ್ಚುತ್ತಿದ್ದಾರೆ. ವಿಭಿನ್ನ ರೀತಿಯ ಪಾತ್ರಗಳನ್ನು ಮಾಡುತ್ತಿದ್ದ ಶ್ರೀಕಾಂತ್ ಅವರು ಸಿನಿಮೀಯ ರೀತಿಯಲ್ಲಿ ಅವರ ಧರ್ಮಪತ್ನಿಗೆ ಪ್ರೇಮ ನಿವೇದನೆ ಮಾಡಿದ್ದರಂತೆ.ಶ್ರೀಕಾಂತ್, ಊಹಾ ಅವರು ಒಟ್ಟಾಗಿ ಸಿನಿಮಾಗಳನ್ನು ಮಾಡಿದ್ದಾರೆ. ಊಹಾ ಅವರಿಗೆ ಶಿವರಂಜಿನಿ ಎಂದೂ ಹೆಸರಿದೆ. ‘ಅಮೆ’, ‘ಕೂತುರು’, ‘ಆಯನ ಗಾರು’ ಸೇರಿದಂತೆ ಅನೇಕ ಸಿನಿಮಾಗಳಲ್ಲಿ ಒಟ್ಟಾಗಿ ನಟಿಸಿದ್ದರು. ಇವರಿಬ್ಬರ ಮಧ್ಯೆ ಒಳ್ಳೆಯ ಸ್ನೇಹ ಬೆಳೆದಿತ್ತು. ಆನಂತರ ಇದೇ ಹುಡುಗಿಯನ್ನು ಮದುವೆಯಾಗಬೇಕು ಎಂದು ಶ್ರೀಕಾಂತ್ ಅವರು ಫಿಕ್ಸ್ ಆದರಂತೆ. ಒಂದು ದಿನ ಊಹಾ ಮನೆಗೆ ಹೋಗಿ ದೇವರ ಕೋಣೆಯ ಮುಂದೆ ಕುಟುಂಬಸ್ಥರ ಮುಂದೆ ‘ಐ ಲವ್ ಯು’ ಎಂದು ಹೇಳಿ ಪ್ರೇಮ ನಿವೇದನೆ ಮಾಡಿದ್ದರಂತೆ. ಶ್ರೀಕಾಂತ್ ಮಾತು ಊಹಾ ಮನೆಯವರೆಲ್ಲ ಕಂಗಾಲಾಗಿದ್ದರು. ಕೊನೆಗೂ ಎಲ್ಲರೂ ಒಪ್ಪಿದ ಬಳಿಕವೇ ಶ್ರೀಕಾಂತ್-ಊಹಾ ಮದುವೆಯಾದರು.1997ರಲ್ಲಿ ಶ್ರೀಕಾಂತ್, ಊಹಾ ಮದುವೆಯಾದರು. ಈ ದಂಪತಿಗೆ ರೋಶನ್, ರೋಹನ್, ಮೇಧಾ ಎಂಬ ಮಕ್ಕಳಿದ್ದಾರೆ. ಯಾವುದೇ ಜಾತಕ ನೋಡದೆ ಮಕ್ಕಳಿಗೆ ಆರ್ ಹೆಸರಿನಿಂದಲೇ ರೋಶನ್, ರೋಹನ್ ಎಂದು ಹೆಸರಿಡಲಾಗಿತ್ತಂತೆ. ರೋಶನ್ ಅವರು ಚಿತ್ರರಂಗಕ್ಕೆ ಈಗಾಗಲೇ ಎಂಟ್ರಿ ಕೊಟ್ಟಿದ್ದು, ಕಳೆದ ವರ್ಷ ಕನ್ನಡ ನಟಿ ಶ್ರೀಲೀಲಾ ಜೊತೆ ‘ಪೆಲ್ಲಿ ಸೆಂದD’ ಎನ್ನುವ ಸಿನಿಮಾದಲ್ಲಿ ನಟಿಸಿದ್ದರು. ಇನ್ನು ಶ್ರೀಕಾಂತ್ ಪುತ್ರಿ ಮೇಧಾ ಅವರು ಶೀಘ್ರದಲ್ಲಿಯೇ ಸಿನಿಮಾ ರಂಗಕ್ಕೆ ಎಂಟ್ರಿ ಕೊಡಲಿದ್ದಾರೆ.
ಇತ್ತೀಚಿನ ಸುದ್ದಿಗಳಿಗಾಗಿ ಈಗಲೇ ಡೌನ್‌ ಲೋಡ್‌ ಮಾಡಿ:
https://play.google.com/store/apps/details?id=com.speed.newskannada
